YEHEZKIEL 14:4 - KITTA' MATANGKASA'

⁴ Lanri kammana anjo, paui mae ri ke'nanga angkanaya iNakke, Batara Kaminang Tinggia appasang kamma anne, ‘Sikamma tu Israel ampappirannuangai kalenna mae ri barhalaya siagang naturukiangi kalenna ta'loposo' antama' ri dosaya, nampa battu untu' appala' pappitangara' ri se'rea na'bi, KalengKu lappiali mae ri ke'nanga siagang piali siratannaya mae ri barhala-barhala kammaya anjo jaina!.

YEHEZKIEL 14:4 Referans Kwoze

YEHEZKIEL 14:7

Sikamma tu Israel yareka bansa maraeng ammantanga ri alla'na bansa Israel, ampakabellayai kalenna battu ri Nakke siagang ampappirannuangai kalenna mae ri barhalaya, nampa appala' pappitangara' battu ri se'reang na'bi, KalengKu lampiali.

YESAYA 66:4

Lanri kammana anjo laKugaukang tommi apa Kukaerokia naKupitujui ke'nanga sikamma bala nakamallakkanga ke'nanga. Saba' ri wattungKu akkio', tena tau appiali; ri wattungKu a'bicara, tena tau appilangngeri. La'bi nangaiangngangi ke'nanga angngewaya ri Nakke siagang anggaukangi ja'dalaka.”

YESAYA 3:11

Mingka cilakai tau ja'dalaka! Lanihukkungi ke'nanga kamma nigaukanga mae ri tau maraenga.

YEHEZKIEL 3:4

Nakana pole Allata'ala, “He tau, a'lampako mange ri tu Israel nampa nupabattu pasangKu mae ri ke'nanga.

YEHEZKIEL 2:7

Pabattui sikontu pasangKu mae ri ke'nanga, apaka eroki yareka teai ke'nanga ampilangngeri. U'rangi angkanaya anjo ke'nanga tau paewa-ewa.

2 KARAENG-KARAENG 1:16

Nampa nakanamo Elia ri karaenga, “Nakana Batara, ‘Nusuroi taua mange appala' pitunju' ri Baal-Zebub rewatana kota Ekron, rapang angkana tena Allata'ala ri Israel akkullea nipakkuta'nangngi. Lanri kammana anjo takkulleako la'jari baji', mingka lamateko!’ ”

YEHEZKIEL 14:3

“He tau, sikamma anne taua napappirannuammi kalenna mae ri barhalaya sa'genna ta'loposo'mo ke'nanga antama ri dosaya. Masakang erokKa' nikuta'nang ri ke'nanga?

YEHEZKIEL 14:6

Pabattuang tongi tu Israel angkanaya iNakke, Batara Kaminang Tinggia, angkana ri ke'nanga, ‘Toba' mako battu ri dosa-dosanu, siagang bokoimi anjo barhala-barhalanu appakalanrea.’

YEHEZKIEL 44:12

Mingka lanri nagaukannamo ke'nanga upacara anynyombaya ri barhala untu' bansa Israel, siagang naeranna anjo bansa Israel mange ri dosaya, jari iNakke, Batara Kaminang Tinggia, assumpaMa' angkanaya musti Kuhukkungi ke'nanga.

ZEFANYA 1:3

sikontu rupataua siagang olo'-oloka kammayatompa jangang-janganga siagang juku'-jukuka. Tau ja'dalaka laKupaccappuki. Sikontu rupataua laKupanraki. Manna sitau tania' laKukellai attallasa'. INakke, Batara, anne akkana.