YEHEZKIEL 14:22 - KITTA' MATANGKASA'

²² Ebara' angkana nia' ta'lappasa' siagang napasalamaki ana'-ana'na, parhatikangi ke'nanga punna battui ke'nanga mae ri kau. Ciniki antekamma ja'dala'na ke'nanga, nanuassemmo angkanaya coco' sikali tindakangKu anghukkungi Yerusalem.

YEHEZKIEL 14:22 Referans Kwoze

YEHEZKIEL 12:16

Tena siapa jaina battu ri ke'nanga laKupasalama' battu ri pa'bundukanga, battu ri kacipuranga, siagang battu ri garringa, sollanna ri tangnga-tangngana anjo bansa maraenga, langngu'rangimi ke'nanga angkanaya le'baki ke'nanga a'gau' kodi sikali. Jari lamangakumi ke'nanga angkanaya iNakke Batara.”

YEHEZKIEL 20:43

Anjoreng lanuu'rangi sikontu panggaukang appakaringika, anra'massiai kalennu. La'ringi'-ringikko angngu'rangi anjo sikontu kaja'dallannu.

MIKHA 5:7

Tu Israel niaka ija ammantang ri alla'na bansa-bansaya lakontui singa ri tangnga-tangngana olo'-oloka ri romanga yareka ri tangnga-tangngana gimbalaka ri parang rukuka. Anjo singaya antamaki ri tangnga-tangngana anjo lokoang gimbalaka na naonjo'-onjokang siagang nakae-kae; tena akkulle allappassangi anjo sikamma gimbalaka.

YEHEZKIEL 36:31

Lanuu'rangi panggaukang ja'dala'nu siagang anjo tindakannu tenaya nasiratang, nampa a'jari lanre mako mae ri batangkalennu lanri dosa-dosanu siagang anjo kapallakkannu.

YEHEZKIEL 16:63

LaKupammopporangi kasalannu, mingka takkulleako angkaluppai siagang lasiri'-siriki nusa'ring akkanaya. INakke, Batara Kaminang Tinggia, anne akkana.”

YEHEZKIEL 16:54

Lanri kammana anjo lasiri'-siri' mako mae ri kalennu, siagang anjo katunaannu lampappicinikangi mae ri sikamma sari'battannu antekamma la'bi baji'na sarenna ke'nanga.

YEREMIA 30:11

LabattuA' siagang laKupasalamakko. Bansa-bansa ri tampa'nu Kupela' Kupasisa'la'-sa'la' laKupanraki ngasengi, mingka ikau tena naKupakammako. Memang tena nulata'lappasa' battu ri hukkungang mingka hukkungangKu adeleki situru' katantuang. INakke, Batara, anne akkana.”

YEREMIA 5:19

Mingka punna akkuta'nang ke'nanga angkana angngapa naKugaukang ngaseng anjo sikammaya mae ri ke'nanga, pauangi Yeremia, angkanaya antekamma batena ke'nanga ambokoiA' ri pa'rasangang kalenna ke'nanga untu' anynyomba ri rewata-rewatana bansa maraenga, kamma tomminjo la'jari atai ke'nanga ri bansa-bansa maraeng ri pa'rasangang maraeng.”

YEREMIA 4:27

Napaui Batara angkanaya sikontu linoa la'jari parang lompoi, mingka tena nalaNapanraki taba sikali.)

YESAYA 24:13

Iaminjo lakajariang mae ri sikontu bansaya ri lino. Sangkamma ri wattunna pakkatoang, wattu rappo zaitun nialle sa'genna la'busu' siagang nialle rappo anggoro' kala'busanga battu ri poko'na.

YESAYA 6:13

Ba'lalo lalanna sampuloa tau na nia' ija sitau ammantang ri anjo pa'rasanganga, anjo sitaua lanipanraki todong. Mingka rapang poko' kayu karama' punna nita'bangi nia' ija ammantang tonasa'na, kamma tomminjo lania' ija tassesa anjo bansaya, la'jaria pappokokanna umma' matangkasaka.”

2 PATTOTTORANG 36:20

Ra'ya' ta'lappasaka nalalingi mange ri Babel. Anjorengi ke'nanga nipa'jari atanna karaenga siagang atanna jari-jarina karaenga sa'genna ri jammang kakoasanna kakaraengang Persia.

PAOLE 4:31

Anjo Karaeng Allata'alanu, Iami Allata'ala sannaka lompona pangngamaseanNa. Tena nalaNabokoiko yareka tena nalaNapanrakiko, yareka tena nalaNakaluppai parjanjiang Napareka KalenNa siagang boe-boenu.

MARKUS 13:20

Na ka'de' tena Napa'jari sinampeki Allata'ala anjo wattu kasusaang lompo dudua, ma'nassa manna sitau tenamo lakkulle salama'. Mingka lanri Nau'ranginna umma'Na, Napa'jari sinampe'mi Allata'ala anjo wattu kasusaang lompo dudua.

YEHEZKIEL 7:16

Nia' sipa'gang lata'lappasa' nampa lari naiki ri pa'bulukanga. Anjoreng lasanrapangi ke'nanga jangang-jangang pune-pune nibongkaya battu ri ka'bunga; kabusu'na lakkunrarengi pa'risi' lanri dosa-dosana ke'nanga.

YEHEZKIEL 31:16

Ri wattunna Kupanaung anjo pokoka ri linona tau matea, sa'ra tu'guru'na lanapannekkereki bansa-bansaya. Sikontu poko'-pokoka ri Eden siagang poko'-poko' nipilea ri Libanon, ia anggappaya je'ne' allumpa-lumpa, siagang naungamo ri lino kaminang rawaya lasannangi nyawana lanri tu'guru'na anjo poko' kayua.

YEHEZKIEL 32:31

Punna battu karaeng Mesir siagang tantarana mae ri linona tau matea, nampa nacini' ngaseng sikamma tau matea lalang pa'bundukang, langgappami ke'nanga panynyaleori. INakke, Batara Kaminang Tinggia, anne akkana.

YEHEZKIEL 36:20

Manna kemae lampana ke'nanga, tuli nara'massinna arengKu matangkasaka. Nasaba' akkanai taua kamma anne, ‘Anne bansaya umma'Na Allata'ala, mingka musti nabokoi butta Napassareanga Allata'ala mae ri ke'nanga.’