YEHEZKIEL 14:1 - KITTA' MATANGKASA'

¹ Nia' siapa are jaina pamimping Israel battu mae ri nakke untu' ampakkuta'nangngangi ero'Na Batara.

YEHEZKIEL 14:1 Referans Kwoze

YEHEZKIEL 8:1

Ri tanggala' lima bulang annang lalang taung makaannang ri wattu pammelakkanga, sikamma pamimpinna tu Yehuda nipelaka battui ri ballakku nakusipammempo-mempoang. Ti'ring battumi kakoasanNa Batara Kaminang Tinggia angkoasai kalengku.

YEHEZKIEL 20:1

Ri tanggala' sampulo bulang lima, lalang taung makatuju ri wattu nipela'na ikambe, nia'mo siapa are pamimpinna tu Israel battu mae ri nakke untu' appala' pangngunju' battu ri Batara. Le'baki ammempo ri dallekangku,

YEHEZKIEL 33:31

Battui ke'nanga a'gapullung siagang salaku ummakKu ammempoi ke'nanga ampilangngeri kana-kanannu, mingka anjo apa nuparentakanga tena naturuki ke'nanga. Muncenna ke'nanga appasuluki kana-kana mangngai mingka atinna ke'nanga sangnging passawallanji nanawa-nawa.

YESAYA 29:13

Nakana Batara, “Anjo taua nasombA' siagang bawana, mingka atinna lalang bellai ri Nakke. Agamana ke'nanga poro atorang napare'ji rupataua, untu' niapele'ji bawang.

2 KARAENG-KARAENG 6:32

Nampa nasuromo karaenga se're tau a'jappa riolo mange ri balla'na Elisa. Anjo wattua niaki Elisa ri balla', siagang siapa are tau toa-toana pa'rasanganga sitabang a'manaikang anjoreng. Lalang tenanapa nabattu anjo surona karaenga, nakanamo Elisa mae ri anjo sikamma tau toa-toana pa'rasanganga, “Parhatikangi! Anjo pabuno-bunoa assuroi tau battu mae untu' ambunoa'. Punna battu sinampe' anjo taua, tongkoki pakke'buka siagang teako pa'biangi antama'. Ri bokona laniaki kalenna karaenga.”

LAMPA-LAMPANA 22:3

“Inakke tu Yahudia'. Anjorenga' ri kota Tarsus, ri pa'rasangang Kilikia nilassukang. Mingka anrinnia' ri Yerusalem nipakalompo. Siagang anrinnia' niajara' baji' ri guru lompoa Gamaliel ri passala' atorang-atorang le'baka napassareang Musa ri boe-boeta. Sangkamma ikau ngaseng niaka anne alloa anrinni, sanna' todong rajengku anynyomba mae ri Allata'ala.

LAMPA-LAMPANA 4:8

Anjo Petrus nikoasaimi ri RohNa Allata'ala. Appialimi nakana, “Tabe', mae ri katte ngaseng pamimping bansaya siagang anggotana pangadelang agamaya!

LAMPA-LAMPANA 4:5

Ammukona a'rappungammi tumalompoa ri Pangadelang Agamaya, pamimping-pamimpinna tu Yahudia, siagang guru-guru agamaya ri Yerusalem.

LUKAS 10:39

Anjo Marta nia' sari'battanna niarenga Maria. Na anjo Maria ammempomi ri ampi'Na Isa ampilangngeri kana-kana Napangngajarranga Isa.

YEHEZKIEL 14:2

Na Nakanamo Batara ri nakke,

YEHEZKIEL 33:32

Napare' kammako pakelong kelong-kelong passingaiang bajika sa'ranna siagang cara'deka akkarena kacapi. Memang ke'nanga nalangngereki kana-kanannu, mingka tena naturuki.

YESAYA 21:12

Appialima' angkana, “Labattui bari'basaka, mingka bangngia pole. Punna erokko akkuta'nang, battu poleang mako akkuta'nang.”

YEHEZKIEL 20:3

“He tau, a'bicarako siagang anjo sikamma pamimpinga siagang pauangi angkana iNakke, Batara Kaminang Tinggia, akkana kamma anne, ‘Barani sikaliko appala' pangngunju' mae ri Nakke! Lanri iNakke, Allata'ala mattallasaka, taeroKa' nipappalakki pangngunju' ri kau! INakke, Batara Kaminang Tinggia anne akkana.’