YEHEZKIEL 13:6 - KITTA' MATANGKASA'

⁶ Sikamma paccini'na ke'nanga sangnging tena nakontutojeng siagang sikamma botona ke'nanga sangnging balle-balle. Naani ke'nanga kalenna angngerang pasang battu ri Nakke, padahala' iNakke tena le'bakai Kusuro ke'nanga. Antekamma lakkulle ke'nanga manrannuang ri botona ke'nanga anjo angkana la'rupai?

YEHEZKIEL 13:6 Referans Kwoze

YEHEZKIEL 22:28

Sikamma na'bia nacokkoi anjo dosa-dosaya; rapangi ke'nanga tau appa'leoki tembo' ra'masa'. Paccini'-paccini'na ke'nanga sangnging tena nakontutojeng; kammayatompa sikamma botona ke'nanga sangnging balle-balle. Naani ke'nanga angkanaya anjo pasang napabattua ke'nanga iamintu pasang natarima battu ri Batara Kaminang Tinggia, padahala' tena sikali-kali Kule'ba' a'bicara mae ri ke'nanga.

YEREMIA 29:8

INakke Batara Kaminang Koasaya, Allata'alana Israel, ampakaingakko sollanna tena nupassareangi kalennu nitipu ri na'bi-na'bi niaka ammantang ri tangnga-tangnganu yareka ri nai-nai mamo nakanaya kalenna akkullei ke'nanga natappu apa lakajarianga ri allo labattua. Teako parhatikangngi so'na-so'nana ke'nanga.

YEREMIA 28:15

Yangasenna anjo kupabattui mae ri Hananya, nampa kukana pole, “Pilangngeri he Hananya! Tena naNasuroko Batara; nupa'jari tappa'mi anne bansaya ri bicara balle-ballea.

YEHEZKIEL 21:29

Anjo paccini' nucinika iamintu paccini' balle-balle, siagang anjo boto nupaua boto balle-balle todong. Ja'dalakko siagang dorakako, nampa wattu hukkungang kala'busannu a'reppese'mi. Anjo pa'danga lanapolongi kallonnu.

YEREMIA 37:19

Kemae anjo sikamma na'bita le'baka angkana tena nalabattu karaeng Babel ambundukiki' karaeng siagang anne pa'rasanganga?

ZAKHARIA 10:2

Appalaki pangngunju' sikamma taua mae ri barhala-barhalaya siagang ri sikamma pacinika, mingka sikamma anjo pangngunju' nagappaya ke'nanga sangnging balle-balle siagang bicara kosonji bawang. Nia' ambattuangngi so'naya, mingka anjo battuang napakasingaraka ke'nanga poro lanapakalingu ngaseng jako; siagang anjo panynyaleori napassareanga tena battuanna. Lanri kammana anjo natassimbung-simbung ra'yaka sanrapang gimbalaka. Tenamo nasilolongang ke'nanga lanri tena pamimpinna.

YEREMIA 14:14

Mingka appialimi Batara angkana, “Anjo na'bi-na'bia kabara' balle-balle naerang na nabalukang arengKu; tena naKusuroi ke'nanga, siagang tena todong Kuparentakangi ke'nanga yareka a'bicara mae ri ke'nanga. Anjo sikamma paccini' nacaritaya ke'nanga teai battu ri Nakke; nabotoi ke'nanga apa-apa tenaya matu-matunna siagang napare'-pare' kalennai ke'nanga.

2 PETRUS 2:18

A'bicara tampoi siagang a'bicara kosongi ke'nanga; siagang napakemi hawa napasuna ke'nanga untu' ampasala oloangi tau beru ta'lappasaka battu ri pa'rappunganna tau lingua ri katallassanna.

2 TESALONIKA 2:11

Iaminjo saba'na naNapabattu Allata'ala mae ri ke'nanga koasa appakalingu-lingua, sa'genna napatappa' ke'nanga apa tenaya natojeng.

MARKUS 13:6

Nasaba' lajai tau battu ambalukangi arengKu na nakana, ‘Inakke minne!’ Sa'genna jai tau natipu.

YEHEZKIEL 21:23

Tena natappa' pandudu'na Yerusalem angkanaya lanibunduki ke'nanga, lanri le'baki ke'nanga appare' parjanjiang siagang Babel. Mingka anne botoa lampakaingaki ke'nanga angkanaya lanijakkalaki ke'nanga lanri dosa-dosana.

YEHEZKIEL 13:7

INakke, Batara Kaminang Tinggia angkana ri ke'nanga, ‘Anjo sikamma paccini'nu sangnging tena nakontutojeng siagang anjo sikamma botonu sangnging balle-balle. Nupaui angkanaya yangasenna anjo pasangKu, padahala' iNakke tena le'bakKa' a'bicara mae ri kau! Lanri kammana anjo iNakke la'jari balinnu.

PIRAUNG 2:14

Apa napabattua na'bi-na'bia mae ri kau, sangnging balle-balleji bawang. Tena le'bakai nasungke ke'nanga dosanu, sa'genna tena nutoba'. Kabalekanna iaji bawang napabattu ri kau kana-kana baji' a'balle-ballea.

YEREMIA 29:31

akkiring kabara' ri passala'na Semaya mae ri sikontu Israel nipelaka ri Babel. Iaminne anjo kabaraka, “Anjo Semaya a'bicarai mae ri kau sanrapang angkanaya na'bi kalenna; padahala' iNakke, Batara, tena naKusuroi. Lanri napa'jari tappa' mako mae ri kana balle-ballea,

YEREMIA 28:2

Batara Kaminang Koasaya, Allata'alana Israel, akkana kammai anne, “Kagassinganna karaeng Babel le'ba'mi Kupa'jari peso'.

PANGNGEBARANG 14:15

Tau dongoka tappaki mae ri sikontu bicaraya, tau cara'deka tutui ri panggaukang.

1 KARAENG-KARAENG 22:37

lanri matemi karaenga. Jari ammotere'mi ke'nanga nampa natarawang maya'na Ahab ri Samaria.

1 KARAENG-KARAENG 22:27

Suroi ke'nanga ampantamaki ri tarungkua, siagang sike'de'mo kanre siagang je'ne' inung sareangi, sa'gengku ammotere' siagang salama'.”

1 KARAENG-KARAENG 22:6

Jari napa'rappungammi Ahab kira-kira nia' 400 na'bi, nampa akkuta'nang ri ke'nanga angkana, “Maka akkulleja' mange ambunduki Ramot yareka tena?” Appialimi ke'nanga angkana, “Akkullei! LaNapassareangi Batara anjo kotaya mae ri katte.”

YEREMIA 5:31

a'balle-ballei na'bi-na'bia, sikamma imanga allayani situru' ri ero' pa'mai' kalenna na ikau ummakKu nungai anjo kammaya. Mingka apa lanugaukang punna battu allo kala'busanga?”

YEREMIA 23:16

Mae ri pandudu'na Yerusalem, Nakana Batara Kaminang Koasaya, “Teako pilangngeri kana-kananna sikamma na'bia, tuli ampabattuangko panrannuang kosong bawang. Pikkirang napare' kalenna bawang ke'nanga anjo napabattua, teai pasangKu.

1 KARAENG-KARAENG 22:12

Situjumi sikontu na'bi maraenga na nakana ngaseng, “Bundukimi Ramot, lammetaki'. LaNasareki' pammetang Batara.”

1 KARAENG-KARAENG 22:15

Battuna Mikha mange ri dallekanna Karaeng Ahab, akkuta'nammi karaenga angkana, “Maka akkulleja' siagang Karaeng Yosafat mange ambunduki Ramot, yareka tena?” Appialimi Mikha angkana, “Bundukimi! Mattantu lammetaki'. LaNasareki' pammetang Batara.”

YEREMIA 28:1

Ia todong anjo taunga ri bulang lima taung makaappa' ri pamarentahanna Karaeng Zedekia, Hananya ana'na Azur, se're na'bi battu ri kota Gibeon, a'bicarai ri nakke ri Balla'Na Batara. Ri dallekanna imang-imanga siagang ra'yaka napaui ri nakke angkanaya