YEHEZKIEL 12:15 - KITTA' MATANGKASA'

¹⁵ Ri wattunna Kupasisa'la'-sa'la' ke'nanga mange ri tangnga-tangngana bansa-bansaya ri pa'rasangang-pa'rasangang maraenga, lanaassemmi ke'nanga angkana iNakke Batara.

YEHEZKIEL 12:15 Referans Kwoze

YEHEZKIEL 6:7

Kemae-kemae nia' tau nibuno, na sikamma tau salamaka lanaassemmi angkanaya iNakke Batara.

YEHEZKIEL 12:20

Kota-kota kamma-kammaya anne rassi siagang pandudu', laniancuruki; siagang sikamma koko niaka la'jari parang kalotoroki. Jari naassemmi ke'nanga angkana iNakke Batara.”

YEHEZKIEL 12:16

Tena siapa jaina battu ri ke'nanga laKupasalama' battu ri pa'bundukanga, battu ri kacipuranga, siagang battu ri garringa, sollanna ri tangnga-tangngana anjo bansa maraenga, langngu'rangimi ke'nanga angkanaya le'baki ke'nanga a'gau' kodi sikali. Jari lamangakumi ke'nanga angkanaya iNakke Batara.”

YEHEZKIEL 6:14

Iyo, iNakke langngangkaki nai' limangKu nampa Kuancuru' pa'rasanganna ke'nanga, sa'genna a'jari sino dudu, appakkaramula battu ri parang niaka bageang timboro' sa'genna mange ri kota Ribla ri bageang wara'. Battu ri sikontu tampa'-tampa' napammantangngia tu Israel, tena manna se're lanipasalama'. Jari naassemmi sikontu taua angkanaya iNakkemi Batara.”

YEHEZKIEL 39:28

Jari naassemmi ummakKu angkanaya iNakkemi Karaeng Allata'alana ke'nanga. Nasaba' iNakke angkiringi ke'nanga mange ri butta pammelakkanga, mingka iNakke todong angngerangi ke'nanga ammotere' mange ri pa'rasangang kalenna ke'nanga, natena manna sitau battu ri ke'nanga nibokoi anjoreng.

YEHEZKIEL 33:33

Sikontu anjo apa nupaua lakajariang ngasengi, siagang punna narapiki wattunna, lanaassemmi ke'nanga angkanaya ikau na'bi ri tangnga-tangngana ke'nanga.”

YEHEZKIEL 28:26

Lattallasaki ke'nanga siagang amang anjoreng, siagang ambangung balla' siagang appareki koko-koko anggoro'. LaKuhukkungi sikamma bansa singngampi'na ke'nanga le'baka anghinai ke'nanga sa'genna a'jari amang Israel. Na naassemmi ke'nanga angkanaya iNakke Batara.”

YEHEZKIEL 26:6

Lanaellaki ke'nanga siagang lanabunoi panduduka ri kota-kota niaka ri bontona Tirus. Jari naassemmi pandudu'na Tirus angkanaya iNakke Batara.”

YEHEZKIEL 25:11

LaKuhukkungi Moab, nampa naassemmo angkanaya iNakkemi Batara.”

YEHEZKIEL 24:27

Ri ia todong anjo alloa lakkulleko a'bicara ammotere' siagang tenamo nupepe. Nampa la'bicara mako siagang anjo taua. Kammami anjo naikau la'jari pammatei mae ri ke'nanga; nampa naassemmo ke'nanga angkanaya iNakkemi Batara.”

YEHEZKIEL 14:18

Siagang manna pole nia' anjoreng ammantang anjo tau tallua, mingka lanri iNakke, Allata'ala mattallasaka, Batara Kaminang Tinggia, takkulleai ke'nanga ampasalamaki manna pole inai battu ri ke'nanga, ba'lalo manna ana'na ke'nanga takkulle napasalama'. Poro kalennaji bawang ke'nanga salama'.

YEHEZKIEL 11:10

Lamateko lalang pa'bundukang ri pa'rasangang kalennu, na nuassemmo angkanaya iNakke Batara.

YEHEZKIEL 7:4

Tena nalaKukamaseangko yareka tena nalaKupammopporangko. LaKuhukkungko situru' sikontu kakodiang le'baka nugaukang. Jari nuassemmi angkanaya iNakkemi Batara.”

YEHEZKIEL 5:13

Lanupisa'ringi antekamma lompona pangngalarroingKu siagang pa'jallokangKu sa'genna sukku' Kusa'ring. Punna le'ba' ngasemmo kajariang anjo sikammaya, nampa mako latappa' angkanaya iNakke, Batara, anne a'bicara mae ri kau lanri larroKu mae ri sipa' tenana namattantu pa'mai'nu.

PAMMUJI 9:16

Bansa-bansa tenaya naassengKi' tu'guru' antama' ri kali'bong nakekea kalenna ke'nanga; nialle ri sikko' napare' kalenna ke'nanga.

KAIMANGNGANG 26:33

Lappa'niakKa' pa'bundukang ri pa'rasangannu siagang laKupasimbung-simbungko mae ri pa'rasanganna bansa maraenga. Lammantangi ta'ronang sikamma kokonnu siagang laKulappassangi a'jari loro kota-kotanu.

YEREMIA 29:18

LaKuondang tojengi ke'nanga siagang pa'bundukang, kacipurang, siagang garring sa'genna sikontu bansaya ri sikontu linoa la'jari mallaki anciniki ke'nanga. Kemae-kemae Kupasisa'la'-sa'la' ke'nanga, anjorengi lamalla' siagang lannekkere' taua anciniki apa kajarianga mae ri ke'nanga. Lanicau-caui ke'nanga, siagang arenna ke'nanga lanipakei a'jari kana pattunra.

YEREMIA 49:32

Nakana pole Batara ri Nebukadnezar, “Alleangi sikamma untana siagang sikontu olo'-olo' piarana ke'nanga! Sikontu anjo tau nacukkuru' bodoa uu'na laKupasiaraki ri kere-keremae tampa'. LappabattuA' bala mae ri ke'nanga battu ri kere-keremae.

YEHEZKIEL 5:10

Tau toaya lanakanrei ana' kalenna siagang anaka lanakanrei tau toana. Kammami anjo batena laKuhukkung ke'nanga, siagang ia attallasaka ija laKupasiaraki mae ri sikontu tampa' maraenga.