YEHEZKIEL 11:18 - KITTA' MATANGKASA'

¹⁸ Punna ammotereki ke'nanga, lanapela' ngasengi ke'nanga barhala kodia siagang appakaringi'-ringika ia nabuntuluka ke'nanga.

YEHEZKIEL 11:18 Referans Kwoze

YEHEZKIEL 37:23

Tenamo nalanara'massi pole kalenna ke'nanga lanri nagaukanna dosaya siagang anynyombana ri barhalaya, appakaringi'-ringika. LaKupakabebasaki ke'nanga battu ri sikontu sala panggaukanga, ampakabellayai ke'nanga battu ri Nakke. LaKutangkasi ke'nanga; la'jari ke'nanga ummakKu, siagang iNakke Allata'alana ke'nanga.

YEHEZKIEL 5:11

INakke Allata'ala mattallasaka, Batara Kaminang Tinggia, siagang iaminne kana-kanangKu: Lanri le'ba'namo nura'massi BallakKu siagang sikontu panggaukannu ja'dalaka siagang appakaringi'-ringika, jari laKuancurukko natena Kupammopporangko.

YEHEZKIEL 7:20

Riolo nakalompoang pa'maiki paramata ga'gana ke'nanga, mingka lanri napakena ke'nanga untu' appare' barhala-barhala appakaringi'-ringi', Napa'jarimi Batara anjo barang-barang kammaya appakamalla'-malla'.

TITUS 2:12

Anjo lammoro' pangngamaseanNa Allata'ala eroki angngajarakki' sollanna tenamo nasisala katallassanta siagang ero'Na Allata'ala, siagang tenamo naniturukiang kaerokanna pakkalinoanga. Niajarakki' sollanta niasseng ampakalewai kalenta, lambusu' siagang anynyomba mae ri Allata'ala lalang ri katallassanta.

HOSEA 14:8

Lammotereki ke'nanga mae ri Nakke nammamtang lalang ri la'langKu. Lintaki ke'nanga katambang kalumanynyanna, rapang gandung a'bakka' ri koko copponga buttana siagang rapang koko anggoro'. Rapang je'ne' anggoro' Libanon lamasahoroki arenna ke'nanga.

YEHEZKIEL 11:21

Mingka sikamma tau nangaia anynyomba ri barhala-barhala kodia siagang appakaringi'-ringika laKuhukkungi lanri anjo panggaukang ja'dala'na ke'nanga.” Kammami anjo kananNa Batara Kaminang Tinggia.

YEREMIA 16:18

LaKubalasaki dosana siagang kaja'dallanna ke'nanga siagang hukkungang a'lappi rua, lanri narantassimi pa'rasangangKu siagang jai barhala. Anjo barhala-barhalaya tena na'nyawa, sangkammai maya'.”

YESAYA 30:22

Sikamma patung barhalanu nilapisika pera' siagang bulaeng, lanupelaki sangkamma loro, nampa nukana, “Bellako battu ri nakke!”

YEHEZKIEL 14:11

Yangasenna anjo kammaya Kugaukangi sollanna tu Israel tenamo napakabellai pole kalenna battu ri Nakke siagang tenamo nara'massi pole kalenna lanri dosa. Lanri kammana anjo la'jarimi ke'nanga ummakKu na iNakke a'jari Allata'alana ke'nanga.” INakke, Batara Kaminang Tinggia anne akkana.

HOSEA 14:9

Lanapelaki tu Israel patung-patung barhalana; laKuparakai ke'nanga naKupilangngeri pappala' doanna. Rapang poko' kayu tuli jaina leko'na, iNakke lalla'langngi ke'nanga. INakkemi kabattuanna sikontu barakkaka mae ri ke'nanga. INakke, Batara, anne akkana.”