YEHEZKIEL 11:15 - KITTA' MATANGKASA'

¹⁵ “He tau, ikau siagang agang-agannu niaka ri pammelakkanga nibicarako ri pandudu'na Yerusalem. Nakana ke'nanga, ‘Anjo tunipelaka bella dudui battu ri Yerusalem untu' anynyomba ri Batara. Butta Israel le'ba'mi Napassareang Batara mae ri katte.’

YEHEZKIEL 11:15 Referans Kwoze

YEHEZKIEL 33:24

“He tau, anjo sikamma tau ammantanga ri rumbanna kota-kotaya ri butta Israel nakanai, ‘Abraham anggappai anne sikontu buttaya, padahala' ia poro kale-kalennaji bawang. Ikatte anne jaiki', jari anne buttaya ikatte pata.’ ”

YOHANES 16:2

Lanipasulukko sallang battu ri balla' sambayanga. Nalanarapiki sallang wattunna nania' tau nakana kalenna a'gau' amala' ri Allata'ala punna nabunoko.

YESAYA 66:5

Pilangngeri apa Napaua Batara, he ikau mallaka siagang mannurukia mae ri Ia, “Lanri tamamminranu mae ri Nakke, nia' ri bansanu angkabirisiko, na taeroka ansileporangko. Nacau-cauko ke'nanga na nakana, ‘Lappassammi Napappicinikang Batara kala'biranNa, sollanna nacini' ikambe karannuannu.’ Mingka kalenna tonji ke'nanga anggappa siri'-siri'.

YESAYA 65:5

Nakana ke'nanga, ‘Bellako, teako seroi ikambe, saba' ikambe anne tangkasakki' siagang tassa'lakki' battu ri kau ngaseng!’ Tena Kuparrangngi anciniki panggaukanna ke'nanga! A'rinrai larroKu mae ri ke'nanga rapang pepe' tenaya nakkulle mate.

YEHEZKIEL 11:14

Nakana pole Batara ri nakke,