YEHEZKIEL 11:13 - KITTA' MATANGKASA'

¹³ Lalang kupabattuna anjo kana-kana kammaya, ti'ring tu'guru'mi naung Pelaca nampa mate. Jari su'ju'ma' siagang akkio' angkana, “Aduh Batara Kaminang Tinggia! Apaka laKibuno ngasengi anne bansa Israel niaka tassesa?”

YEHEZKIEL 11:13 Referans Kwoze

YEHEZKIEL 11:1

Nampa niangkaka' ri RohNa Allata'ala siagang nieranga' mange ri pakke'bu' lompo bageang rayana Balla'Na Batara. Anjoreng kucini' nia' 25 tau, kammayami nia' rua pamimping bansa, iamintu Yaazanya ana'na Azur siagang Pelaca ana'na Benaya.

YEHEZKIEL 9:8

Lalang nigaukanna anjo pammunoanga, kale-kalengku nia' anjoreng. Su'juka' siagang akkio'ma' angkana, “O Batara Kaminang Tinggia, maka sanna' dudu kammami anjo larroTa mae ri Yerusalem, sa'genna ero' Kibuno kabusu' tau niaka ija ri anne Israel?”

LAMPA-LAMPANA 5:5

Kamma nalangngere'na Ananias anjo kana-kana napaua Petrus, tu'guru'mi, namate. Sikontu tau allangngerekai anjo apa kajarianga, a'jari malla' ngasemmi.

LAMPA-LAMPANA 13:11

Kamma-kamma anne lanuciniki, naNahukkungko Batara! La'jari butako siapa are sallona, sa'genna takkullea nucini' matanna alloa.” Anjo wattua nia' memammo silalonna nakasia' Elimas kamma rammang le'leng antongkoki matanna. Sa'genna angngasala'mi mange-mange, a'boya tau akkullea anrenrengi.

LAMPA-LAMPANA 5:10

Anjo wattua, tu'guru' memammi anjo bainenna Ananias, namate ri dallekanna Petrus. Na wattunna antama' anjo ana'-ana' rungkaya, narapikammi ke'nanga matemi anjo bainenna Ananias. Naerammi ke'nanga assulu' anjo mayaka, nampa naerang mange natarawang ri ampi'na bura'nenna.

AMOS 7:5

Kukanamo, “O Batara Kaminang Tinggia, Kipamari laloi anjo pepeka! Teai sipato' ca'dina siagang lammana ummatTa, jari antekamma batena lakkulle attahang?”

AMOS 7:2

Anjo katimbang jaia a'biringi nakanre sa'genna la'busu' sikontu timbo-timboanga ri buttaya. Nampa kukanamo, “O Batara Kaminang Tinggia, Kipammopporang laloi ummatTa! Teai sipato' ca'dina siagang lammana ke'nanga, jari antekamma batena lakkulle ke'nanga attahang?”

HOSEA 6:5

Lanri kammana anjo Kusuromi battu na'bi-na'biKu untu' ampabattui mae ri kau kaputusangKu angkanaya musti nihukkung ngasengko siagang nipanrakiko. Apa Kukaerokia battu ri kau ngaseng a'nassami siagang singara'mi:

YEHEZKIEL 37:7

Nampa inakke, Yehezkiel, a'bicarama' mae ri anjo buku-bukua situru' pasanNa Batara. Na lalang anjo a'bicaraku, nia'mo kulangngere' sa'ra a'reku'-reku', lanri anjo buku-bukua appakkaramulami assialle anjari se're.

PANGNGEBARANG 6:15

Yangasenna anjo la'jari passabakkang nanituju kalenna ri bala ti'ring battua, nampa ancuru' taba sikali.

PAMMUJI 119:120

Annekkerekka' lanri malla' ri Katte, annekkereki pa'maikku ri kaputusanTa.

PAMMUJI 106:23

Jari ero'mi Allata'ala ampossoki umma'Na, mingka nipisangkai ri Musa, tunipileNa. Musa a'jari antangngai ke'nanga, sa'genna naung larroNa Allata'ala.

1 KARAENG-KARAENG 13:4

Nalangngere'na Yerobeam anjo kana-kana kammaya, najo'jo'mi anjo na'bia nampa ammarrang angkana, “Jakkalaki anjo taua!” Mingka a'jari matemi silalonna limanna Yerobeam, sa'genna takkullea nabeso' ammotere'.

PAOLE 7:4

sollanna tena nanipakabella ana'-ana'nu ri ke'nanga battu ri Batara, untu' anynyomba ri rewata-rewata maraenga. Punna anynyombako mae ri rewata-rewata maraenga, larroi Batara siagang laNaancuru' memangko silalonna.

YEHEZKIEL 7:2

“He tau, iNakke, Batara Kaminang Tinggia, eroki Kupabattu anne mae ri butta Israel angkana: Iaminne kala'busanna riwaya'na sikontu anne pa'rasanganga!”

YEHEZKIEL 11:14

Nakana pole Batara ri nakke,

YEHEZKIEL 20:17

Mingka ribokoanganna mangngamaseangA' mae ri ke'nanga, sa'genna tajaria Kubuno ke'nanga anjoreng ri parang kassika.