YEHEZKIEL 11:1 - KITTA' MATANGKASA'

¹ Nampa niangkaka' ri RohNa Allata'ala siagang nieranga' mange ri pakke'bu' lompo bageang rayana Balla'Na Batara. Anjoreng kucini' nia' 25 tau, kammayami nia' rua pamimping bansa, iamintu Yaazanya ana'na Azur siagang Pelaca ana'na Benaya.

YEHEZKIEL 11:1 Referans Kwoze

YEHEZKIEL 11:24

Kuciniki kalengku niangka' ri RohNa Allata'ala nampa nipoteranga' mange ri sikamma tau nipelaka ri Babel. Nampa allanynya'mo anjo paccinikku.

YEHEZKIEL 11:13

Lalang kupabattuna anjo kana-kana kammaya, ti'ring tu'guru'mi naung Pelaca nampa mate. Jari su'ju'ma' siagang akkio' angkana, “Aduh Batara Kaminang Tinggia! Apaka laKibuno ngasengi anne bansa Israel niaka tassesa?”

YEHEZKIEL 8:16

Nieramma' mange ri paranglakkeng bageang lalangnganna Balla'Na Batara. Ri ampi'na pakke'bu' antamaya ri kamara' matangkasaka, ri alla'na tampa' pakkoro'bangnganga siagang loronga, nia' tau ruampulo allima jaina. Nabokoi ke'nanga kamara' matangkasaka, siagang su'juki ke'nanga a'dalle' anrai' anynyomba mae ri mataallo ammumbaya.

YEHEZKIEL 8:3

Appajonjomi sangkamma kucini' lima tau, nampa nata'gala' poto' uukku; nampa niangka' kucini' kalengku tinggi nai' ri allaka ri RohNa Allata'ala siagang nierang mange ri Balla'na Batara ri Yerusalem, ri pakke'bu' antamakkanga ri paranglakkeng lalangngang bageang waraka. Anjoreng nia' patung barhala ampabattuai larroNa Allata'ala.

YEHEZKIEL 3:14

KakoasanNa Batara battu mae ri nakke sanna' heba'na, siagang ri wattungku Niangka' siagang Nierang ri RohNa, atingku sanna' pai'na siagang bambanna kusa'ring.

YEHEZKIEL 3:12

Nampa naangkaka' RohNa Allata'ala, na nia'mo ri bokoku sa'ra a'gamarrung angkana, “Pujimi kala'biranNa Batara ri suruga!”

PAPPICINI' 1:10

Ri allonNa Batara, nikoasaia' ri RohNa Allata'ala; nampa nia' kulangngere' sa'ra sannaka lompona, sangkamma sa'ra tarompe', battu ri bokoku.

LAMPA-LAMPANA 8:39

Ri wattunna assulu' ammotere' ke'nanga battu lalang ri je'neka, battumi RohNa Allata'ala angngallei Filipus. Tanicinikami Filipus ri anjo pagawe tinggi battua ri Etiopia. Sanna'mi rannuna nyawana anjo pagawe tinggia, nanapatulusu' pa'lampanna.

HOSEA 5:10

Nakana Batara, “LarroA' lanri pamimping-pamimpinna tu Yehuda nabunduki tu Israel siagang narampasaki buttana. Lanri kammana anjo lappabattuA' hukkungang mae ri ke'nanga rapang a'ba.

YEHEZKIEL 41:1

Anjo tu bura'nea naeranga' antama ri kamara' tangngaya, iamintu niarenga Tampa' Matangkasaka. Naukkuruki lorong a'lampa mangea anjoreng: la'buna 3 metere',

YEHEZKIEL 37:1

Kupisa'ringi kakoasanNa Batara, siagang naeranga' RohNa naung ri ka'bung rassia siagang buku-buku.

YEHEZKIEL 22:27

Sikamma pagawe-pagawe pamarentana rapangi serigala angkae-kaei apa nakokkoka. Nagaukangi ke'nanga ammunoa lanri poro ero'na anggappa passawallang.

YEHEZKIEL 10:19

Kuciniki anjo malaeka'-malaeka' akka'nyika napaka'rang ka'nyi'na siagang anri'ba' ambokoi buttaya nampa a'lampa, siagang amminawangi roda-rodana. Nampa ammantang ke'nanga ri ampi'na pakke'bu' lompona balla'Na Batara ri bageang iraya; nampa anjo caya accillaka tuli nia'na irateanna ke'nanga.

YESAYA 1:23

Sikamma pamimpinnu angngewami mae ri Nakke siagang assikongkolo'mi palukka'; nangai ke'nanga annarima hadia siagang doe' pammuccu'. Taerokai ke'nanga angngalleangangi ana' kukanga ri pangadelanga; taerokai ke'nanga ampilangngeri tuntutanna sikamma janda-jandaya.

YESAYA 1:10

Yerusalem, sikamma pamimpinnu siagang bansanu, a'jari sangkammami tu Sodom siagang tu Gomora. Pilangngerimi apa Nakanaya Batara mae ri kau; parhatikangi apa Napangngajarranga Allata'alata.

2 KARAENG-KARAENG 25:23

Ri wattunna nalangngere' sikamma perwira tantarana Yehuda siagang tantara Yehuda tenaya napassareangi kalenna mae ri tu Babel anjo kabaraka, battu ngasemmi ke'nanga mange ri Gedalya ri Mizpa. Anjo perwira-perwiraya iamintu Ismael ana'na Netanya, Yohanan ana'na Kareah, Seraya ana'na Tanhumet battu ri kota Netofa, siagang Yazanya battu ri kota Maakha.

2 KARAENG-KARAENG 2:16

nampa nakana ke'nanga, “Ikambe niakki' limampulo tau, sangnging tau kassa' ngaseng. Lanri kammana anjo umba ki'lampa mange amboyai Elia bapa'nu. Gassingka nierangi ri RohNa Batara mange ri monconga yareka mange ri ka'bunga nampa niboli' anjoreng.” Appialimi Elisa angkana, “Tea' mako!”

1 KARAENG-KARAENG 18:12

Punna a'lampama' battu anrinni, gassingka labattui RohNa Batara angngerangki' ri se'reang tampa' tenaya nakuassengi! Nampa punna kupauang Ahab angkanaya niakki' anrinni, nampa tena nakkulle ambuntulukki', ma'nassa lanabunoa'. Parallui kiasseng bapa', angkanaya inakke anne attojeng-tojenga' assambayang mae ri Batara baku' battu ri ca'diku!

YEHEZKIEL 10:22

Rupanna ke'nanga sangkamma tongi siagang rupanna anjo malaeka'-malaeka' akka'nyi' kucinika ri birinna Binanga Kebar. Massing a'jappa lambusuki mae ri dallekang.

YEHEZKIEL 40:6

Nampa a'lampa mange ri pakke'bu' lompo a'dalle' anraika. Angngambiki nai' ri tukaka, nampa ri wattunna battu nai', naukkuru'mi sangkara' bageang ratena anjo pakke'buka, nania' tallu metere' sangkara'na.