YEHEZKIEL 10:15 - KITTA' MATANGKASA'

^15-17 Iaminjo malaeka'-malaeka' akka'nyi' kucinika riolo ri birinna Binanga Kebar. Punna a'gio' yareka napaka'rang ka'nyi'na anjo malaeka'-malaeka' akka'nyika, nai' ri allaka siagang anri'ba' mae ri dallekang yareka ammantang, tuli amminawangi anjo roda-rodaya, lanri nikoasai ri anjo malaeka'-malaeka' akka'nyika.

YEHEZKIEL 10:15 Referans Kwoze

YEHEZKIEL 1:5

Ri tangnga-tangngana anjo rammanga, nia' kucini' appa' malaeka' akka'nyi', iamintu apa attallasa', attanja' tau,

HOSEA 9:12

Mingka manna pole nania' ana'-ana' nilassukang siagang nipakalompo, laKuallei ke'nanga; tena manna sitau laKulappassang attallasa'. Cilaka ngaseng mako ikau, he bansa Israel, punna Kubokoi ngaseng mako!”

YEHEZKIEL 43:3

Anjo paccinikku sangkammai kucini' ri wattunna battu Allata'ala untu' angngancuruki Yerusalem, siagang sangkammai kucinika ri Binanga Kebar. Nampa kupara'ba kalengku assu'ju'.

YEHEZKIEL 11:22

Appakkaramulai anri'ba' anjo sikamma malaeka'-malaeka' akka'nyika siagang anjo roda-rodaya amminawang tongi. Caya accilla' iamintu pammatei kahaderanNa Allata'alana Israel niaki irateanna ke'nanga.

YEHEZKIEL 8:6

Nakana Allata'ala ri nakke, “He tau, apa nucini' kajariang? Parhatikangi sikamma panggaukang appakaringi' nagaukanga tu Israel, ampakabellaiA' battu ri BallakKu! Maeko, laKupicinikiangko apa-apa la'bi kodiangnganga pole.”

YEHEZKIEL 1:1

Ri tanggala' lima bulang appa' taung makatallumpulo, lalang taung makalima baku' niengka'na Karaeng Yoyakhin mange ri butta pammelakkanga, inakke, Imang Yehezkiel ana'na Busi, niakka' ri birinna Binanga Kebar ri Babel siagang ngaseng tu Yahudi maraeng nipelaka. Ti'ring tassungkei langika nampa anggappama' paccini' ri sesena Allata'ala. Kulangngereki Batara a'bicara mae ri nakke, siagang kukasiaki antekamma kagassingang koasaNa.