YEHEZKIEL 10:14 - KITTA' MATANGKASA'

¹⁴ Tunggala' anjo malaeka' akka'nyika massing appa' rupanna, tenaya nasangkamma-kamma rupanna. Rupanna uru-urua iamintu attanja' kammai sapi liara', makaruaya attanja' sangkammai tau, makatallua attanja' sangkammai singa, siagang makaappaka attanja' sangkammai jangang-jangang rajawali.

YEHEZKIEL 10:14 Referans Kwoze

PAPPICINI' 4:7

Anjo anu se'rea sangkammai singa. Makaruaya sangkammai sapi laki. Makatallua sangkammai tau rupanna. Anjo makaappaka sangkammai nicini' jangang-jangang rajawali, sitabanga anri'ba'.

YEHEZKIEL 10:21

Anjo malaeka'-malaeka' akka'nyika massing appa' rupanna, ruampasang ka'nyi'na, siagang massing nia' nicini' kamma lima tau irawanganna anjo ka'nyi'na.

1 KARAENG-KARAENG 7:36

Benteng-benteng pannahanga siagang anjo papang-papanga nibelo-beloi siagang gambara' malaeka' akka'nyi', singa, siagang poko' palem ri kere-kereanga nia' tampa' kosong untu' anjo gambaraka, kammayatompa bunga-bunga ri tammulilina.

1 KARAENG-KARAENG 7:29

Anjo papang-papanga nibelo-beloi siagang ukirang singa, sapi, siagang malaeka' akka'nyi'. Ri anjo les-lesna – irateanganna siagang irawanganna gambara' singaya siagang sapia – nia' ta'gentung ukirang bunga-bunga.

YEHEZKIEL 10:13

Kulangngereki angkanaya anjo roda-rodaya niarengi “anging tapputara'”.

YEHEZKIEL 41:19

se're attanja' rupatau a'dalle' mange ri poko' kayu palem ri kairia, nampa se'reanga attanja' singa, iamintu a'dalle' mangea ri poko' kayu palem ri kananga. Anjo ukirang-ukiranga attammui ri sikontu Balla'Na Batara,