11 Lanri kammana anjo, akkullei anjo malaeka'-malaeka' akka'nyika a'lampa mange ri appa' sulapa'. Akkullei ke'nanga a'lampa kemae-kemae situru' pangngainna, natanagilinga kalenna.
Lanri kammana anjo, anjo roda-rodaya akkullei a'lampa mange ri appaka sulapa'.
Rupanna ke'nanga sangkamma tongi siagang rupanna anjo malaeka'-malaeka' akka'nyi' kucinika ri birinna Binanga Kebar. Massing a'jappa lambusuki mae ri dallekang.
Pantaranganna anjo appaka rupanna siagang ruampasanga ka'nyi'na, nia' todong limanna ke'nanga, iamintu lima tau irawanganna tunggala' ka'nyi'na ke'nanga.