YEHEZKIEL 1:9 - KITTA' MATANGKASA'

⁹ Tassipasang massing ka'nyi'na anjo apa attallasaka takka'rangi nampa cappa'na massing siallei siagang cappa' ka'nyi'na anjo apa attallasa' maraenga, sa'genna anjo appaka apa attallasa' appareki nicini' kamma sulapa' appa'. Punna a'gioki, massing para a'gioki ke'nanga lambusu' mange ri dallekang natena nagilingi kalenna ke'nanga.

YEHEZKIEL 1:9 Referans Kwoze

YEHEZKIEL 10:22

Rupanna ke'nanga sangkamma tongi siagang rupanna anjo malaeka'-malaeka' akka'nyi' kucinika ri birinna Binanga Kebar. Massing a'jappa lambusuki mae ri dallekang.

1 KORINTUS 1:10

Sikamma sari'battangku! Kupalaki, lalang arenNa Batarata Isa Almasi, sollannu a'julu kana; sollanna tena nanusisa'la'-sa'la'. Paralluko a'jari se're, a'julu ati siagang a'julu pikkirang.

LUKAS 9:62

Nakanamo Isa ri anjo taua, “Punna appakkaramulamo taua appa'jeko, nampa assaile pole mae ri boko, tena nasiratang a'jari umma'Na Allata'ala.”

LUKAS 9:51

Ri wattunna tasalloamo naniangka' Isa nai' ri suruga apparurumi untu' la'lampa mange ri Yerusalem.

YEHEZKIEL 10:11

Lanri kammana anjo, akkullei anjo malaeka'-malaeka' akka'nyika a'lampa mange ri appa' sulapa'. Akkullei ke'nanga a'lampa kemae-kemae situru' pangngainna, natanagilinga kalenna.

YEHEZKIEL 1:17

Lanri kammana anjo, anjo roda-rodaya akkullei a'lampa mange ri appaka sulapa'.