YEHEZKIEL 1:8 - KITTA' MATANGKASA'

⁸ Pantaranganna anjo appaka rupanna siagang ruampasanga ka'nyi'na, nia' todong limanna ke'nanga, iamintu lima tau irawanganna tunggala' ka'nyi'na ke'nanga.

YEHEZKIEL 1:8 Referans Kwoze

YEHEZKIEL 10:21

Anjo malaeka'-malaeka' akka'nyika massing appa' rupanna, ruampasang ka'nyi'na, siagang massing nia' nicini' kamma lima tau irawanganna anjo ka'nyi'na.

YEHEZKIEL 10:18

Nampa caya accillaka, iamintu pammatei kahaderanNa Batara, nabokoi pakke'bu' antamaka ri Balla'Na Batara siagang a'letteki nai' ri anjo malaeka'-malaeka' akka'nyika.

YEHEZKIEL 10:11

Lanri kammana anjo, akkullei anjo malaeka'-malaeka' akka'nyika a'lampa mange ri appa' sulapa'. Akkullei ke'nanga a'lampa kemae-kemae situru' pangngainna, natanagilinga kalenna.

YEHEZKIEL 10:2

Nampa Nakana Allata'ala ri anjo tau ammakeang lenanga, “Antamakko ri alla'na roda-roda niaka irawanganna anjo malaeka'-malaeka' akka'nyika siagang angngalleko sikangkang bara pepe'. Nampa pakioroki anjo bara pepeka mae ri kotaya.” Mannurukimi, siagang kuparhatikangi anjo tau ammakeang lenanga.

YEHEZKIEL 8:3

Appajonjomi sangkamma kucini' lima tau, nampa nata'gala' poto' uukku; nampa niangka' kucini' kalengku tinggi nai' ri allaka ri RohNa Allata'ala siagang nierang mange ri Balla'na Batara ri Yerusalem, ri pakke'bu' antamakkanga ri paranglakkeng lalangngang bageang waraka. Anjoreng nia' patung barhala ampabattuai larroNa Allata'ala.

YEHEZKIEL 1:17

Lanri kammana anjo, anjo roda-rodaya akkullei a'lampa mange ri appaka sulapa'.

YESAYA 6:6

Nampa kalase'renna anjo apa anri'baka battu mae ri nakke angngerang bara pepe' naallea battu ri tampa' pakkoro'bangnganga, naalle siagang sipi'.