YEHEZKIEL 1:24 - KITTA' MATANGKASA'

²⁴ Punna anri'baki ke'nanga, kulangngereki sa'ra akkape-kapena ka'nyi'na; sa'ranna sangkammai sa'ra je'ne' tu'guruka battu ri tubiri', sangkamma sa'ra bangkenna tantara jaia, sangkamma sa'ranNa Allata'ala Kaminang Koasaya. Punna ammari ke'nanga anri'ba', massing nalappa'mi ke'nanga ka'nyi'na,

YEHEZKIEL 1:24 Referans Kwoze

YEHEZKIEL 43:2

siagang anjoremmi nia' kucini' caya accilla' battu raya, iamintu tanra kahaderanNa Allata'alana Israel. Kalangngerammi sa'ranNa Allata'ala sangkamma gamarrunna bombanga ri tamparang, siagang accilla'-cillaki buttaya lanri singara' kahaderanNa Allata'ala.

DANIEL 10:6

Accayai kalenna sangkamma paramata, rupanna kammai kila' singara'na, siagang matanna a'rinra-rinrai sangkamma pepe'. Paling-palinna siagang bangkenna accillaki sangkamma tambaga le'baka nikeso', na sa'ranna kammami nilangngere' sa'ra tau jai.

PAPPICINI' 1:15

na bangkenNa accayai sangkamma tambaga nitunua. Sa'ranNa sangkammai je'ne' ammarrung lompoa battu.

PAPPICINI' 19:6

Le'baki anjo nia'mo kulangngere' kamma sa'ra tau sannaka jaina sipa'rappungang; sa'ranna sangkammai sa'ra bombang sannaka lompona siagang sangkammai gunturu' a'gamarrunga. Kulangngere'mi ke'nanga angkana, “Pujimi Allata'ala! Nasaba' Iami Batara, Allata'alata Kaminang Koasaya, ammarentaya kamma-kamma anne!

PAMMUJI 68:33

Makkelongko mae ri Allata'ala, he sikamma kakaraengang, akkelongko lagu-lagu pammuji mae ri Batara,

PAMMUJI 18:13

Battu ri kila' niaka ri dallekanna, assuluki rammanga, bosi a'batu siagang pepe'.

AYUB 37:2

Pilangngeri sa'ranNa Allata'ala, he ikau ngaseng; pilangngeri gunturu' assuluka battu ri bawaNa.

YEHEZKIEL 10:5

Sa'ra pakkape'na ka'nyi'na anjo sikamma malaeka' akka'nyika kalangngerangi sa'genna ri paranglakkeng pantaranga, rapang sa'ranna Allata'ala Kaminang Koasaya.

2 KARAENG-KARAENG 7:6

Nasaba', nia'mo Napappilangngerang Batara mae ri ke'nanga sangkamma sa'ra gamarrung pasukang lompo a'jarang siagang angngerang kareta maju ero' ambunduki ke'nanga. Nakapangi tu Siria angkanaya le'baki karaeng Israel ambayaraki karaeng Het siagang Mesir kammayatompa tantarana untu' ambunduki ke'nanga.

YEHEZKIEL 3:13

Kulangngereki sa'ra ka'nyi'na anjo apa-apa attallasaka, ia sisentoka, siagang sa'ra a'rotona anjo roda-rodaya, kamma lompona sa'ranna bulu' a'lappoka.