YEHEZKIEL 1:1 - KITTA' MATANGKASA'

^1-3 Ri tanggala' lima bulang appa' taung makatallumpulo, lalang taung makalima baku' niengka'na Karaeng Yoyakhin mange ri butta pammelakkanga, inakke, Imang Yehezkiel ana'na Busi, niakka' ri birinna Binanga Kebar ri Babel siagang ngaseng tu Yahudi maraeng nipelaka. Ti'ring tassungkei langika nampa anggappama' paccini' ri sesena Allata'ala. Kulangngereki Batara a'bicara mae ri nakke, siagang kukasiaki antekamma kagassingang koasaNa.

YEHEZKIEL 1:1 Referans Kwoze

PAPPICINI' 19:11

Tassungkei kucini' surugaya, nampa nia' kucini' sikayu jarang kebo'. PabaeNa niarengi I Tamamminraya siagang I Tojeng. Adeleki hukkungang Natappukia siagang pa'bundukang Nagaukanga.

LAMPA-LAMPANA 7:56

Nakanamo Stefanus, “Ciniki, tassungkei kucini' surugaya na nia' Ana' Ma'rupataua ammenteng ri sa'ri kananNa Allata'ala!”

MATIUS 3:16

Le'baki nije'ne', assulu'mi Isa battu ri je'neka ri anjo binangaya. Ti'ring tassungkemi langika, nampa nia'mo Nacini' Isa RohNa Allata'ala manurung sangkamma jangang-jangang bodobangkeng, battu attompo' irateanganNa.

YEHEZKIEL 11:24

Kuciniki kalengku niangka' ri RohNa Allata'ala nampa nipoteranga' mange ri sikamma tau nipelaka ri Babel. Nampa allanynya'mo anjo paccinikku.

LAMPA-LAMPANA 10:11

Tassungkei nacini' langika, nampa nia' nacini' kaeng la'ba' nioloro' naung ri linoa, ta'gentung ri appaka panynyingkulu'.

LUKAS 3:21

Le'ba'na ngasemmo anjo taua nije'ne', nije'ne' tommi Isa. Na ri wattunna appala' doang tassungkei langika,

YEHEZKIEL 10:20

Kuu'rangimi angkanaya iaminjo malaeka'-malaeka' akka'nyi' kucinika riolo, niaka irawanganna Allata'alana Israel, ri biranna Binanga Kebar.

YEHEZKIEL 10:15

Iaminjo malaeka'-malaeka' akka'nyi' kucinika riolo ri birinna Binanga Kebar. Punna a'gio' yareka napaka'rang ka'nyi'na anjo malaeka'-malaeka' akka'nyika, nai' ri allaka siagang anri'ba' mae ri dallekang yareka ammantang, tuli amminawangi anjo roda-rodaya, lanri nikoasai ri anjo malaeka'-malaeka' akka'nyika.

PAPPICINI' 4:1

Le'baki anjo anggappama' pole paccini'. Accinikka' se're pakke'bu' tassungke ri suruga. Nampa kulangngere'mo pole anjo sa'ra le'baka kulangngere' a'bicara mae ri nakke, sangkammaya tarompe' sa'ranna. Nakana anjo sa'raya, “Naikko mae anrinni. Erokko Kupicinikiang apa lakajarianga sallang.”

YOHANES 1:51

Nakanamo pole Isa, “Tappa' mako, angkanaya sitojeng-tojenna lanuciniki tassungke langika, siagang lanai'-naungi malaeka'-malaekaka ri Ana' Ma'rupataua.”

YEHEZKIEL 43:3

Anjo paccinikku sangkammai kucini' ri wattunna battu Allata'ala untu' angngancuruki Yerusalem, siagang sangkammai kucinika ri Binanga Kebar. Nampa kupara'ba kalengku assu'ju'.

YEHEZKIEL 8:3

Appajonjomi sangkamma kucini' lima tau, nampa nata'gala' poto' uukku; nampa niangka' kucini' kalengku tinggi nai' ri allaka ri RohNa Allata'ala siagang nierang mange ri Balla'na Batara ri Yerusalem, ri pakke'bu' antamakkanga ri paranglakkeng lalangngang bageang waraka. Anjoreng nia' patung barhala ampabattuai larroNa Allata'ala.

YEHEZKIEL 3:23

Jari a'lampama' mange ri lappara'na ka'bunga, nampa anjoreng kuciniki singara' accayaya, ampa'nassayai kahaderanNa Batara sangkamma le'baka kucini' ri birinna Binanga Kebar. Nampa tu'guru' tattinompamma' naung ri buttaya,

YESAYA 1:1

Bone nakimbolonga anne kittaka iamintu siapa are pappasang ri passala'na Yehuda siagang Yerusalem; anne pappasanga Napabattui Allata'ala mae ri Na'bi Yesaya, ana'na Amos, ri wattunna Uzia, Yotam, Ahas, siagang Hizkia, ammarenta ri Yehuda.

PAMMILANGNGANG 12:6

na Nakanamo Batara, “Pilangngeri anne kana-kanangKu! Punna nia' battu ri kalase'rennu a'jari na'bi, Kupa'nyatai KalengKu mae ri ia lalang ri paccini'na siagang a'bicarA' siagang ia lalang so'na.

2 KORINTUS 12:1

Memang, tena passawallang nigappa punna nipakalompo pa'maika. Mingka kamma tonji erokku angkalompoang pa'maiki apa-apa le'baka Napappicinikang Allata'ala mae ri nakke.

MARKUS 1:10

Kamma assulu'Na ri binangaya, tassungkemi langika Nacini'; na nia' RohNa Allata'ala naung attompo' ri Ia, sangkamma jangang-jangang bodobangkeng.

YO"EL 2:28

“Le'baki anjo, sikontu taua laKupilumpai ngasengi siagang RohKu. Na sikamma ana'nu bura'ne baine lanapabattui pasang-pasangKu; tutoa-toa niaka ri alla'nu langgappai pappiso'na turungkaya bura'ne baine langgappai paccini'.

HOSEA 12:10

Mingka iNakke, Karaeng Allata'alanu, le'baka angngerang ngasengko assulu' battu ri Mesir, laKupammantangko pole ri kema-kemaya sangkamma riolo, ri wattungKu battu mae ri kau ri parang lompoa.

YEHEZKIEL 40:2

Lalang se're paccini', Naeranga' kucini' Allata'ala mange ri butta Israel nampa nabolikka' ri moncong tinggia. Ri dallekangku nia' kucini' sipa'gompoang bangunang santanjaka se're kota.

YEHEZKIEL 3:15

Nakubattumo mange ri tampa'na sikamma tunipelaka ri Tel-Abib ri birinna Binanga Kebar. Tuju alloa' salloku ammantang anjoreng; kalanna'-lannassanga' lanri sikontu anjo apa kulangngereka siagang kucinika.

PAMMILANGNGANG 4:3

nampa nacata' arenna sikontu tu bura'ne umuru' tallumpulo taunga sa'genna limampulo taung, ia akkullea anggaukangi jama-jamanga ri KemaNa Batara.

KALAPPASSANG 24:10

Na nacini'mo ke'nanga Allata'alana Israel ammenteng ri se'reang tampa', kammaya nicini' dapara' laccu', gauka tanja'na sanrapang langi' coraya.

PA'JARIANG 46:2

Ri se'reang bangngi, lalang se're paccini', Nakanamo Allata'ala ri ia, “Yakub, Yakub!” Appialimi angkana, “Iye', Batara.”

LAMPA-LAMPANA 10:3

Ri se'reang allo, kira-kira tette' tallu ri karuenga, nia'mo nacini' a'nyata sikali lalang pappiso'na, sitau malaeka'Na Allata'ala battu angkioki nakana, “Kornelius!”

MATIUS 17:9

Ri wattunna naung ke'nanga battu ri monconga, appasammi Isa ri ke'nanga Nakana, “Teako niakki ancaritai anjo kajariang nucinika sumpaeng manna ri nai, punna tenapa nipabangungi Ana' Ma'rupataua battu ri kamateanga.”

YEHEZKIEL 10:22

Rupanna ke'nanga sangkamma tongi siagang rupanna anjo malaeka'-malaeka' akka'nyi' kucinika ri birinna Binanga Kebar. Massing a'jappa lambusuki mae ri dallekang.

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”

LUKAS 3:23

Ri wattunna Napakkaramulamo jama-jamanNa Isa, kira-kira tallumpulo taungi umuru'Na. Manuru' panggappana taua iaminne pattottorang boe-boena Isa: Yusuf, Eli, Matat, Lewi, Malkhi, Yanai, Yusuf, Matica, Amos, Nahum, Hesli, Nagai, Maat, Matica, Simei, Yosekh, Yoda, Yohanan, Resa, Zerubabel, Sealtiel, Neri, Malkhi, Adi, Kosam, Elmadam, Er, Yesua, Eliezer, Yorim, Matat, Lewi, Simeon, Yehuda, Yusuf, Yonam, Elyakim, Melea, Mina, Matata, Natan, Daud, Isai, Obed, Boas, Salmon, Nahason, Aminadab, Admin, Arni, Hezron, Peres, Yehuda, Yakub, Ishak, Abraham, Terah, Nahor, Serug, Rehu, Peleg, Eber, Salmon, Kenan, Arpakhsad, Sem, Nuh, Lamekh, Metusalah, Henokh, Yared, Mahalaleel, Kenan, Enos, Set, Adam, ana'Na Allata'ala.

YESAYA 6:1

Ri taung kamateanna Karaeng Uzia, kuciniki Batara. Ammempoi rate ri empoang kala'biranNa, irate tampa' tinggia siagang mala'birika. JubaNa natongkoki sikontu Balla'Na Batara ri Yerusalem.

PAMMUJI 137:1

Ri birinna binanga-binanga Babel ammempo angngarru' ikambe punna niu'rangi Sion.

YEREMIA 29:15

Turu' ri panggappanu, Nasaremako Batara na'bi-na'bi ri Babel.

YEHEZKIEL 10:1

Nampa accinika' mae ri pattongko' niaka irateanna ulunna anjo sikamma malaeka' akka'nyika, na nia'mo kucini' apa sangkamma empoang kakaraengang nipareka battu ri batu nilang.