YAKOBUS 5:14 - KITTA' MATANGKASA'

¹⁴ Punna nia' tau garring parallui nakio' pamimping-pamimping jama'aka. Siagang parallui anjo pamimping-pamimping jama'aka ampappala' doangangi siagang ansapui minynya' lalang arenNa Batara anjo tau garringa.

YAKOBUS 5:14 Referans Kwoze

MARKUS 6:13

Jaimi setang nabongka ana'-ana' gurunNa Isa, nasapui minynya'-minynya' zaitun mabau' tau garringa sa'genna a'jari baji' ke'nanga.

LAMPA-LAMPANA 28:8

Anjo wattua sitabangi nataba garring rammusu' manggena anjo Publius. Jari a'lampami Paulus antoaki anjo tau garringa. Napadongko'mi limanna irateanganna anjo tau garringa nampa appala' doang, sa'genna a'jari baji'mo silalonna anjo taua.

MARKUS 16:18

Punna anna'galaki ulara' yareka angnginungi racung, talamangngapa-apayai ke'nanga. Punna napadongko' limanna ke'nanga irateanganna tau garringa, la'jari bajiki anjo tau garringa.”

2 KARAENG-KARAENG 5:11

Nalangngere'na anjo kana kammaya larromi Naaman nampa nakana, “Kupikkiriki angkanaya kalenna lassulu' ambuntulia', siagang appala' doang mae ri Batara, Allata'alana, kammayatompa napagio' limanna irateanna anne kalengku garringa nampa a'jari bajikka'.

TITUS 1:5

Kuboli' mako ri Kreta pirangalloang sollanna akkulle nupa'le'ba' apa-apa parallua nujama. Kammayatompa sollanna akkulle nuangka' pamimping-pamimping jama'aka ri kota-kotaya. Siagang u'rangi anne pappasangku:

LAMPA-LAMPANA 15:4

Ri wattunna battu ke'nanga mange ri Yerusalem, nitarima baji'-baji'mi ke'nanga ri jama'aka, ri tunisuroNa Allata'ala, kammayatompa ri pamimping-pamimping jama'aka. Nampa nacarita ngasemmo ke'nanga sikamma apa le'baka Nagaukang Allata'ala lalang ri kalenna ke'nanga.

LAMPA-LAMPANA 14:23

Nampa naangka'mo Paulus siagang Barnabas pamimping-pamimpinga ri massing-masinna anjo jama'aka. Nampa appala' doang siagang appuasa ke'nanga, nanapassareang ke'nanga anjo pamimping-pamimping jama'aka mae ri Batara napatappaka ke'nanga.

LAMPA-LAMPANA 9:40

Nasuromi Petrus assulu' ngaseng ke'nanga, nampa akkulantu' appala' doang. Le'baki anjo, a'dalle' mangemi ri maya'na Dorkas, nampa nakana, “Tabita, ambangungko!” Nasungkemi matanna Dorkas; na ri wattunna nacini' Petrus, ambangummi nai' ammempo.

2 KARAENG-KARAENG 4:33

Natongko'mi Elisa pakke'buka nampa appala' doang mae ri Batara.

1 KARAENG-KARAENG 17:21

Le'baki pintallung napaopang kalenna naung ri anjo anaka, siagang appala' doang angkana, “O Batara, Allata'alaku, poro Kipattallasaki anne anaka!”

LAMPA-LAMPANA 11:30

Nagaukammi ke'nanga anjo passamaturukanga. Na'lampamo Barnabas siagang Saulus angngerangi anjo sumbanganga mae ri pamimping-pamimping jama'aka ri Yudea.