YAKOBUS 4:8 - KITTA' MATANGKASA'

⁸ A'reppesekko mae ri Allata'ala na'reppese' todong Allata'ala mae ri kau. Bissaimi limannu, ikau tau dorakaya! Siagang tangkasi atinnu, ikau tau a'rua nyawaya!

YAKOBUS 4:8 Referans Kwoze

PAMMUJI 145:18

A'reppeseki mae ri tau akkioka mae ri Ia, siagang appalaka mae ri Ia siagang tulusu' pa'mai'na.

IBRANI 10:22

Lanri kammana, mae mako nakia'reppese' ri Allata'ala siagang tulusu' pa'mai' kammayatompa tappa' majarre'; siagang pa'mai' le'baka nitangkasi battu ri kasalanga, kammayatompa tubu le'baka nitangkasi je'ne' maci'nong.

MALEAKHI 3:7

Sangkamma boe-boenu riolo, ammengka ngaseng mako battu ri hukkung-hukkungKu siagang tena numajarre' anggaukangi. Ammotere' mako mae ri Nakke, na Kuammotere' todong mae ri kau. Mingka akkuta'nangko angkana, ‘Apa musti nagaukang ikambe untu' ammotere' mae ri Katte?’

ZAKHARIA 1:3

Mingka kamma-kamma anne Kukana mae ri kau ngaseng: Ammotere' mako mae ri Nakke, naKuammotere' todong mae ri kau ngaseng.

2 PATTOTTORANG 15:2

sa'genna a'lampa mange assicini' siagang Karaeng Asa, nampa nakana, “He Karaeng Asa, siagang ikau ngaseng sikontu pandudu' Yehuda siagang Benyamin! Pilangngeri anne! A'reppeseki Batara punna a'reppesekko mae ri Ia. Punna appalakko pangngunju' ri Batara, laNasareko. Mingka punna tena numanjampangi ri Ia, tena todong nalaNajampangiko.

YEREMIA 4:14

Yerusalem, pelaki kaja'dallanga battu ri atinnu sollannu nipasalama'. Siapapi sallona anjo pikkirang-pikkirang ja'dalaka lanuboli' ri atinnu?

1 YOHANES 3:3

Sikontu tau niaka panrannuang kammana anne mae ri Almasi lanajagai kalenna sa'genna tangkasa' tojeng-tojeng, iamintu tangkasa' battu ri dosa-dosaya sangkamma tangkasa'Na todong Almasi.

PAMMUJI 51:10

Boli'mi kamma kulangngere' kabara' nikarannuanga, sollanna a'jari rannu poleang anne atingku le'baka Kiancuru'.

IBRANI 7:19

Takkulleai hukkung agama Yahudia ampa'jari sukkuki baji'na se'rea apa-apa. Lanri kammanami anjo nakinisaremo kamma-kamma anne panrannuang la'bi bajikanganga; iaminjo patteteang nakiakkulle a'reppese' mae ri Allata'ala.

2 KORINTUS 7:1

Sikamma sari'battangku kukarimangngia! Sikontu anjo janjia untu' ikatte ngaseng. Lanri kammana, parallui nitangkasi kalenta battu ri sikamma apa-apa akkullea anra'massi tubuta siagang nyawata. Paralluki' malla' mae ri Allata'ala. Sollanta akkulle attallasa' baji' siagang matangkasa' untu' Allata'ala.

YEHEZKIEL 18:31

Pamari anjo sikontu panggaukang ja'dala' nugaukanga siagang lappassammi a'jari beru atinnu siagang pikkirannu. Angngapa numusti mate?

PAMMUJI 73:28

Mingka untu' inakke tamaka baji'na ma'reppeseka mae ri Allata'ala, Karaeng Allata'ala kupa'jari tampa' pa'la'langangku, sollanna akkulle kukabarrang sikontu panggaukanNa.

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

1 PETRUS 3:21

Jari anjo kajarianga a'jarimi pangngebarang mae ri anjo pa'je'ne' ampasalamakako ri kamma-kammaya anne. Anne pa'je'neka teai pa'gaukang akkullea antangkasi kalennu battu ri sikontu apa-apa ra'masaka, passangalinna a'jari janjinnu mae ri Allata'ala, iamintu janji baji'nu battu lalang ri ati mailalannu. Anjo pa'je'neka napasalamakko lanri attallasa'Namo ammotere' Isa Almasi battu ri kamateanga,

AYUB 17:9

Tau bajika siagang tau tenaya salana, pila' tappa'mi angkana ningai ri Allata'ala batena attallasa' ke'nanga.

MATIUS 12:33

“Sollanna akkulle baji' rapponna, parallui coppong se'rea poko'-poko'. Punna tacopponga se'rea poko'-poko', tena todong nalabaji' rapponna. Battu ri rapponnai nicini' antekamma copponna yareka tenana nacoppong se'rea poko'-poko'.

1 TIMOTIUS 2:8

Manna pole kemae, sikamma tu bura'nea kukellai assambayang siagang ati matangkasa', takkulleai nagaukang lalang kalarroang yareka passisala-salang.

YESAYA 29:13

Nakana Batara, “Anjo taua nasombA' siagang bawana, mingka atinna lalang bellai ri Nakke. Agamana ke'nanga poro atorang napare'ji rupataua, untu' niapele'ji bawang.

PAMMUJI 24:4

Tu tenaya callanna pikkiranna siagang panggaukanna, tenaya nassumpa napare'-pare' siagang tenaya nanynyomba barhala.

1 PETRUS 1:22

Lanri mappilangngerinnu mae ri pangngajaranNa Allata'ala, parallui nutangkasi kalennu siagang nukamaseang julu tappa'nu situlusu'na pa'mai'nu. Lanri kammana, paralluko massing sikamaseang lalang sikalepu pa'mai'nu,

PAMMUJI 18:20

Nalappassanga' battu ri bahayaya Napasalamaka' lanri mangngellaiNa mae ri nakke.

PAMMUJI 26:6

Kubissai limangku pammatei tena kusala, na ku'jappa angnginroi tampa' pakkoro'bangnganTa, o, Batara,

LAMPA-LAMPANA 15:9

Tena Napasimmara'-maraengki' Allata'ala siagang ke'nanga. Natangkasi atinna ke'nanga, lanri tappa'na ke'nanga.

PA'JARIANG 18:23

A'reppese'mi Abraham mae ri Batara nampa akkuta'nang angkana, “Maka kammatojengi angkanaya eroki Kipanraki tau tenaya salana assama-sama siagang tau salaya?

AYUB 16:17

Mingka takugaukang katerassang; pammate ci'nonna pappala' doangku ri Batara.

MATIUS 15:2

“Apa saba'na nanadakkai ana'-ana' gurunNu ada'-ada'na tu riolota? Kapunna langnganre ke'nanga tena na'bissa lima situru' atoranga!”

YEREMIA 4:11

Lania' wattunna sallang anjo tu Yehuda siagang pandudu'na Yerusalem anggappai kabara' angkanaya ammiriki anging bambanga battu ri paranga tattuju mae ri ke'nanga. Anjo anginga teai anging biasa, anri'bakanga bawang awang,

AYUB 9:30

Tena sabung akkulle antangkasi dosaku!

YESAYA 13:15

Inai-nai nijakkala' lanitoboki sa'genna mate.

PAMMUJI 73:13

Sia-siaji kujagai katangkassanna atingku; tena matu-matunna kupakabella kalengku battu ri dosaya.

MATIUS 27:24

Kala'busanna naassemmi Pilatus angkanaya tena memang tommo maraeng akkulle nagaukang. Siagang akkullei a'jallo' anjo tau jaia punna tena niturukiangi ero'na. Jari angngallemi je'ne', nampa nabissai limanna ri dallekanna anjo tau jaia. Na nakana, “Inakke tena nakutanggongi kamateanNa anne taua! Anne urusannu ngaseng kau!”

1 SAMUEL 14:35

Nampa appaenteng Saul tampa' pakkoro'bangngang untu' Batara; iaminjo uru-uru tampa' pakkoro'bangngang napaentenga.

PAMMUJI 119:113

Kungai hukkung-hukkunTa, kukabirisi tau tenaya namajarre' tojeng mae ri Katte.

YESAYA 58:2

Tunggala' alloi anynyomba ke'nanga mae ri Nakke, siagang eroki naasseng erokKu, kamma nicini' angkana bajiki apa nagaukanga ke'nanga, siagang majarreki mae ri hukkungKu. Nakana ke'nanga angkana sannangi nyawana anynyomba ri Nakke siagang nakellai adele' hukkungKu.”

YAKOBUS 3:17

Mingka inai ampatangi kacara'dekang battu ratea ri suruga, iami maci'nong, nangai assiamaka, sombereki, siagang mappilangngeri. Iami sanna' jaina pangngamaseanna siagang a'nyatami panggaukang-panggaukang baji'na. Tena nabattala' siali, siagang tena nangai assara-sarai.