YAKOBUS 4:6 - KITTA' MATANGKASA'

⁶ Mingka manna nakamma, la'bi terassangangi pangngamaseang Napassareanga Allata'ala mae ri katte na anjo cinnana roh niaka ri katte. Iaminjo saba'na na nia' todong tattulisi' lalang ri kittaka angkanaya, “Nimusui ri Allata'ala tau tampoa, mingka Nakamaseangi tau tunaya atinna.”

YAKOBUS 4:6 Referans Kwoze

MATIUS 23:12

Inai-nai ampakalompoi kalenna iami lanipakatuna; na inai-nai ampakatunai kalenna, iami lanipakalompo.”

PANGNGEBARANG 3:34

Nakabirisi Batara tau tinggi langgaya, mingka Nabarakkaki tau tuna pa'maika.

1 PETRUS 5:5

Kammayatompa ikau sikamma tau rungkaya. Mappilangngeriko mae ri tau toaya. Musti nupakatunai kalennu; siagang musti silayaniko siagang tuna pa'mai'nu. Nasaba' nia' tattulisi' lalang ri Kittaka angkanaya, “Nabaliangi Allata'ala tau tampoa, mingka Nakamaseangi tau tunaya pa'mai'na.”

PANGNGEBARANG 18:12

Tau tampoa latu'guruki, tau tuna pa'maika lanipakalompoi.

PAMMUJI 138:6

Tamaka la'biritTa, mingka tau tunaya Kiparhatikang tongi; tau borroa takkulleai accokko battu ri Katte.

PANGNGEBARANG 29:23

Tau tampoa lanipakatunai; tau tuna pa'maika lanipuji.

PANGNGEBARANG 22:4

Tau mappilangngeria ri Batara na napakatuna kalenna, lamate'nei, kala'biangi, siagang nipakalompoi.

LUKAS 14:11

Nasaba' inai-nai ampakalompoi kalenna, iami lanipakatuna, mingka inai-nai ampakatunai kalenna, iami lanipakalompo.”

YESAYA 2:17

Tau borroa lanipakatunai, siagang tau tampoa lanipadundui. Bataraji bawang nipakalompo.

AYUB 22:29

Tau borroa nipakatunai ri Batara, mingka tau tuna pa'maika Napasalamaki.

LUKAS 18:14

Nakanamo Isa, “Patappa'mi angkanaya, ri wattunna ammotere' mange ri balla', iaminjo pasingara' simaya nitarima pappala'na ri Allata'ala. Jari teai pappala'na anjo tu Farisia. Nasaba' inai-nai ampakatinggi kalenna iami lanipakatuna. Na inai-nai ampakatunai kalenna, iami lanipakatinggi.”

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

YESAYA 57:15

Saba' kammaminne kananNa Allata'ala Kaminang Tinggia na matangkasa', makoasaya sa'genna satunggu-tungguna, “AmmantangA' ri tampa' tinggia siagang tangkasaka, mingka ammantang tongA' ri alla'na tau tuna pa'maika siagang tau assesse' lalanga lanri dosa-dosana, untu' ampamollei sumanga'na siagang panrannuanna ke'nanga.

LUKAS 1:52

Napanaung ri empoanna sikontu tu nikaraengang napanai' ri tinggia, sikontua tu nihina.

PANGNGEBARANG 15:33

Mallaka mae ri Batara, iami dasara'na ajarang bajika; kala'biranga nipirioloi ri matuna pa'maika.

2 PATTOTTORANG 33:12

Lalang nakasia'namo anjo sessaya napakatunami kalenna ri dallekanNa Karaeng Allata'alana, nampa appala' doang appala' pannulung.

1 SAMUEL 2:3

Pammarimi bicara kosonga! Pa'le'ba'mi bicara borroa! Nasaba' anjo Batara, Allata'ala Kaminang mapahang; Ia angngadeli sikontu panggaukanna taua.

2 PATTOTTORANG 34:27

assesse' lalang mako siagang nupakatunami kalennu ri dallekangKu. Le'ba'mi Kupau angkanaya laKuhukkungi Yerusalem siagang sikontu pandudu'na, mingka ri wattu nulangngere'na anjo kanangKu angngarru' mako siagang nukae-kaemi pakeannu tanra si'nana nyawanu. Kulangngere'mi pappala' doannu,

2 PATTOTTORANG 32:26

Mingka kale'bakkanna napakatunami kalenna Hizkia siagang tu Yerusalem; jari lalang attallasa'na ija Hizkia, tenapa nanipabattui anjo hukkunganga.

MATIUS 13:12

Nasaba' tau niakamo apa-apanna lanitambaiangi pole sijaiang, sa'genna kala'biang. Mingka tau tenaya apa-apanna, yareka naniaka sike'de' apa-apanna, lanialleangi ba'lalo ammotere'.

2 PATTOTTORANG 33:23

Mingka tena nasangkamma manggena anne Amon, lanri tena naero' ampakatunai kalenna siagang taerokai ammotere' mae ri Batara; ba'lalo la'bi lompoangngangi dosana na dosana manggena.

KALAPPASSANG 18:11

Kamma-kamma anne kuassemmi angkanaya malompoangngangi Batara na sikontu rewataya, lanri yangasenna anjo Nagaukangi ri wattunna tampo sikali tindakanna tu Mesir mae ri tu Israel.”

YESAYA 54:7

“Sinampe' dudujA' ambokoiko; Kukamaseang duduko siagang Kualleko ammotere'.

PAMMUJI 9:12

Pujimi Batara ammarentaya ri Sion! Caritai bate pare'Na mae ri bansa-bansaya!

2 PATTOTTORANG 33:19

Lalang ri kitta' Pau-pauanna Na'bi-na'bia nia' tongi nicata' pappala' doanna Manasye siagang papialinNa Allata'ala mae ri anjo pappala'na, kammayatompa carita ri passala'na dosa-dosa nagaukanga lalang tenanapa natoba', tampa'-tampa' panynyombang barhala siagang patung-patung Dewi Asyera napareka, siagang barhala-barhala nasombaya.

YAKOBUS 4:10

Paralluko ampakatunai kalennu ri dallekanNa Batara, sollannu Napakatinggi sallang Batara.