YAKOBUS 4:14 - KITTA' MATANGKASA'

¹⁴ Apa lakajariang lalang ri katallassannu ammuko, tena sikali nanuassengi! Sanrapang le'ba' jako umbu sinampe' duduaji kacinikang, nampa a'lanynya'.

YAKOBUS 4:14 Referans Kwoze

1 PETRUS 1:24

Nia' tattulisi' lalang ri Kittaka angkanaya, “Sikontu rupataua sanrapangi ruku', sikontu kalompoanna sanrapangi bunga ruku'. Punna kalumeng rukuka, ru'rusu' tommi bunganna;

PAMMUJI 39:5

“O, Batara, Kipauanga' ringngapanna wattu a'jalakku sollanna kuasseng antekamma bodona tallasakku.”

1 YOHANES 2:17

Anne linoa siagang sikontu apa-apa niaka lalanganna, ia nakaerokia rupataua, kamma-kamma anne lanynya'mi. Mingka inai mappilangngeri ri ero'Na Allata'ala, tuli lattallasaki sa'genna satunggu-tungguna.

PAMMUJI 102:3

TeaKi' allei rupanTa battu ri nakke punna niaka' lalang kasusaang. Kipilangngeria' punna akkioka', siagang Kipialia' linta'.

YAKOBUS 1:10

Kammayatompa tau Karisteng kalumanynyanga parallu tongi marannu punna nipakatuna ri Allata'ala. Nasaba' lalanynyaki anjo tau kalumanynyanga sanrapang rukuka.

PAMMUJI 89:47

Sa'genna siapa salloTa laccokko, o, Batara? Sa'genna siapa sallona la'rinra kamma pepe' kalarroanTa?

1 PETRUS 4:7

Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.

YESAYA 38:12

Tappu' nyawaku, battumi a'jalakku, rapang kema pakalawaki nibongkara'; rapang kaeng nipolong battu ri pattannungang; kukapangi laNapa'le'ba'mi Allata'ala tallasakku.

PAMMUJI 78:39

Nau'rangi angkana anjo ke'nanga poro lamate ngasenji, sanrapang anging numalo tammotera.

PAMMUJI 144:4

Anjo rupataua sanrapanji anging mammiri', sanrapang bayang-bayang allaloa, kammaminjo tallasa'na.

PANGNGEBARANG 27:1

Teako lompo bicara ri passala' allo ammukoa, lanri tanuassengai apa lakajarianga sinampe'.

YESAYA 2:22

Jari, teako manrannuangngi mae ri rupatau lamatea, nasaba' anjo ke'nanga tena anggaranna.

2 SAMUEL 19:34

Mingka appialimi Barzilai angkana, “Tenamo nakulasallo attallasa'. Jari apapi matu-matungku amminawang ri katte mange ri Yerusalem karaeng?