YAKOBUS 3:5 - KITTA' MATANGKASA'

⁵ Kammatommi anjo pangngebaranna lilata; manna sanna' ca'dina anjo lilata, mingka akkullei napattampoang kalenna ri passala' apa-apa lompoa. Nawa-nawa sai antekamma lompona romanga, mingka akkullei akkanre passabakkang pepe' sannaka ca'dina!

YAKOBUS 3:5 Referans Kwoze

PANGNGEBARANG 18:21

Makoasai lilaya untu' ampasalamaki yareka ampanraki tallasaka; musti natanggongi taua kale'bakkanna apa napaua.

PANGNGEBARANG 12:18

Bicara sambaranga akkullei nalokoki pa'maika sanrapang panno'do'na pa'danga; kana-kana cara'deka sanrapangi pa'balle appamollea.

PANGNGEBARANG 15:2

Kana-kana cara'deka ampa'jari pangngassenganga angngalle pa'mai'; kana-kana tau dongoka, poro kadongokang bawang bonena.

PAMMUJI 17:10

tangngassengai mangngamaseang ke'nanga siagang a'bicara tampoi ke'nanga.

YUDAS 1:16

Anjo taua tuli a'reku'na ngaseng giginna siagang tuli nasalakanna tau maraenga. Tuli naturukiangi ke'nanga apa nakaerokia pa'mai' dorakana ke'nanga. Napalecei kalenna ke'nanga, siagang a'bali' ballammi ke'nanga sollanna akkulle anggappa passawallang.

YEREMIA 18:18

Nakana taua, “Umba kissikongkolo' angngewai Yeremia. Tena naiaja bawang akkulle a'bicara untu' Allata'ala. Tuli lania'na imang akkulle assare pangngajarang, nia' tucara'de' akkulle assare pappakainga'; siagang nia' na'bi akkulle ampabattui mae ri katte sikamma pasang battua ri Allata'ala. Umba nanituntuki ri pangadelanga nampa tenamo nanilangngereki kana-kananna.”

PAMMUJI 10:3

A'bicara borroi tu ja'dalaka untu' kaerokang ja'dala'na, tau angngoaya natunrai siagang natollaki Batara.

YEHEZKIEL 28:2

“He tau, pabattui mae ri karaeng Tirus apa Kupaua, iNakke, Batara Kaminang Tinggia, mae ri ia, angkana, ‘Tampoko ampaui kalennu angkana rewatako ammarentaya ri tangnga-tangngana tamparanga. Akkulleko nukana kalennu rewata, mingka u'rangi, angkanaya ikau poro tau biasajako bawang.

2 PETRUS 2:18

A'bicara tampoi siagang a'bicara kosongi ke'nanga; siagang napakemi hawa napasuna ke'nanga untu' ampasala oloangi tau beru ta'lappasaka battu ri pa'rappunganna tau lingua ri katallassanna.

DANIEL 4:30

kukanamo, “Ciniki, tamaka heba'na kota Babel. Inakke ambangungi a'jari ibukota negara, untu' ampa'butti kakoasangku siagang kagassingangku, kala'birangku siagang kalompoangku!”

AYUB 22:17

Iaminjo ke'nanga barani antollaki Kaminang Koasaya, na nakapang angkana takkulleai a'gau' apa-apa mae ri ke'nanga.

KALAPPASSANG 15:9

Nakana musua, ‘Lakuondangi ke'nanga nampa kujakkala', kubi'buki pa'dangku, nampa kutumpasa' ke'nanga. Nampa kurampasa' sikamma barang-baranna ke'nanga, kubage-bage siagang kukasia' baji'na sa'genna sukku' kusa'ring.’

DANIEL 3:15

Jari, kamma-kamma anne apaka sadia jako su'ju' siagang anynyomba mae ri anjo patunga punna assa'ra musika? Punna taerokako, lakupasambila silalonnako antama' ri pepe' a'rinra-rinraya. Siagang rewata battu kemae lakkulle ampasalamakko battu ri kakoasangku?”

YEHEZKIEL 29:3

Nasuroa' Batara Kaminang Tinggia ampabattui mae ri karaeng Mesir anne pasanga, angkana, “INakke anne musunnu, he buaya lompo niaka attinro ri tangngana binangaya. Lompoi bawanu accarita angkanaya anjo Binanga Nil ikau pata siagang angkanaya ikau ampareki.

KALAPPASSANG 5:2

Akkuta'nammi karaenga angkana, “Inaika anjo Batara? Angngapa naIa musti kujampangi na kusare ising bansa Israel a'lampa? Tena nakuassengi anjo Batara, siagang tena nakupassareang a'lampa tu Israel.”

PAMMUJI 39:1

Untu' pamimping pakelong. Pammujina Daud. Untu' Yedutun.

PANGNGEBARANG 26:20

Punna la'busu'mo kayua, matemi pepeka; punna lapung tau boncoro' bawaya tenami, ammari tommi pa'beseranga.

YAKOBUS 3:4

Angngalle tongko pangngebarang mae ri kappalaka. Manna pole sanna' lompona anjo kappalaka siagang akkulle nierang ri anging sannaka lompona, mingka akkullei nilewai siagang pallewai sannaka ca'dina, situru' nakaerokia juraganga.