YAKOBUS 3:4 - KITTA' MATANGKASA'

⁴ Angngalle tongko pangngebarang mae ri kappalaka. Manna pole sanna' lompona anjo kappalaka siagang akkulle nierang ri anging sannaka lompona, mingka akkullei nilewai siagang pallewai sannaka ca'dina, situru' nakaerokia juraganga.

YAKOBUS 3:4 Referans Kwoze

MATIUS 8:24

Ti'ring battumi anging puttusu' sannaka lompona antujui tamparanga, sa'genna nitunrummi ri bombang anjo biseanga. Na anjo wattua attinroi Isa.

YUNUS 1:4

Naungi Yunus ri tampa' kaminang irawaya nampa anra'ba anjoreng, sa'genna jannang tinrona. Nampa appabattu Batara anging lompo naung ri tamparanga, sa'genna lompo bombanga antunrungi anjo kappalaka a'biring niancuru'. Teaimi sipato' malla'na ana' kappalaka siagang akkiok-kio'mi ke'nanga appala' tulung, massing-massing mae ri rewatana ke'nanga. Sollanna tena natallang kappalaka, napela'mi sipa'gang luranna kappalaka antama' ri tamparanga.

MATIUS 11:27

Nampa Nakana Isa, “Yangaseng-ngasenna le'ba'mi Kipassareang mae ri Nakke. Tenanniakka manna sitau angngassengi AnatTa, pantaranganna iKatte. Tenanniakka todong angngassengKi', pantaranganna AnatTa, siagang sikamma tau le'baka Kupauang.

LAMPA-LAMPANA 27:11

Mingka tappakangangi anjo perwiraya mae ri jurumudia siagang kapiteng kappalaka, na mae ri kananna Paulus.

YAKOBUS 3:3

Punna nisa'mangi bawana jaranga sollanna akkulle naturuki erotta, akkullemi nilewai sikontu batangkalenna anjo jaranga.

YAKOBUS 3:5

Kammatommi anjo pangngebaranna lilata; manna sanna' ca'dina anjo lilata, mingka akkullei napattampoang kalenna ri passala' apa-apa lompoa. Nawa-nawa sai antekamma lompona romanga, mingka akkullei akkanre passabakkang pepe' sannaka ca'dina!