YAKOBUS 3:1 - KITTA' MATANGKASA'

¹ Sikamma sari'battangku! Teako jai dudui ero' a'jari guru. Nuassengi angkanaya ikatte a'jari gurua lala'bi terassangangi punna niadeliki' na tau maraenga.

YAKOBUS 3:1 Referans Kwoze

1 TIMOTIUS 1:7

Eroki ke'nanga a'jari guru-guru agama, namanna kalenna ke'nanga tanapahangai anjo bicara napaua yareka anjo apa-apa napabattua ke'nanga siagang tappa' dudu.

1 PETRUS 5:3

Teako a'jari kammai tau koasa mae ri ke'nanga, nipappirannuanga mae ri kau. Mingka a'jariko conto baji' mae ri ke'nanga.

1 KORINTUS 12:28

Sangkamma tomminjo sanrapanna lalang ri jama'aka; le'ba'mi Napattantu Allata'ala massing tampa'na tasse're-se'rea tau: uru-uruna nia' a'jari tunisuroNa Allata'ala, makaruana na'bi-na'bi, makatalluna guru-guru, nampa anggaukanga gau' appakalannasa' nampa nia' maraenganga nisare pakkulle untu' ampakabajiki tau garringa, yareka untu' antulungi paranna tau, yareka untu' ammimping, yareka kacara'dekang untu' a'bicara a'rupa-rupa bicara appakalannasaka.

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [

1 TIMOTIUS 2:7

Na iaminjo saba'na kunisuromo a'lampa mange ri bansa-bansa maraenga untu' ambirittakangi mae ri ke'nanga biritta ri sesena katappakkang annabaya. Anne kupabattua ma'nassa biritta kontutojeng; tena nakua'balle-balle.

EFESUS 4:11

Iami “assarei sikamma passarea mae ri rupataua”; nia' Nasare pangngellai a'jari tunisuro, na maraenganga Nasare pangngellai a'jari na'bi; maraengannaya pole Nasarei pangngellai a'jari paerang Kabara' Baji'; na maraengannaya pole Nasarei pangngellai a'jari tummarakai jama'ah siagang a'jari guru.

2 KORINTUS 5:10

Nasaba' attantumi angkanaya lanierangki' mange andallekang ri pangadelanNa Almasi; siagang massing langgappa maki' pa'balasa' situru' apa le'baka nigaukang ri linoa anne, iamintu panggaukang baji' yareka panggaukang ja'dala'.

IBRANI 13:17

Turuki parentana pamimping-pamimpinnu, siagang tundukko mae ri ke'nanga. Nasaba' tuli naparhatikangi ke'nanga nyawanu, namusti attanggong jawaki ke'nanga mae ri Allata'ala. Punna nuturuki ke'nanga, akkullei ke'nanga anjama siagang sannang pa'mai'na; punna tena, akkullei a'jari si'na pa'mai'na ke'nanga anjama, napunna kamma latena matu-matunna mae ri kau.

LUKAS 16:2

Jari nasuro kio'mi anjo pagawena ammolika doe' na nakana, ‘Apa kutadeng nugaukangangi barang-barangku? Kamma-kamma anne kukellaiko ampakasingarianga' baji'-baji' antekamma lampa-lampana batenu angngurusuki pa'barang-barangangku. Tenamo kukellaiko amboliki doekku.’

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.

2 TIMOTIUS 1:11

Untu' iaminjo Kabara' Bajika lanibirittakang naNaangkaka' Allata'ala a'jari tunisuro siagang guru.

YOHANES 3:10

Appialimi Isa Nakana, “Ikau guruko ri Israel; masa' tena nanuassengi?

MATIUS 10:24

Takkulleai lompoangang ana' gurua na gurunna; kammayatompa takkulleai lompoangang palayanga na karaenna.

LUKAS 6:37

“Teako angngadeli ri tau maraenga, sollanna tena todong Naadeliko Allata'ala. Teako anghukkungi ri tau maraenga, sollanna tena todong Nahukkungko Allata'ala. Pammopporangi parannu tau, sollanna Napammopporang tongko Allata'ala.

MATIUS 9:11

Nia'mo siapa are tu Farisi anciniki ke'nanga sipangnganreang. Akkuta'nammi anjo tu Farisia ri ana'-ana' gurunNa Isa angkana, “Apa saba'na naNaagang sipangnganreang gurunnu pasingara' simaya siagang tau kodia sipa'na?”

MALEAKHI 2:12

Poro sikamma anjo tau a'gau' kammaya Nipakabellai ri Batara battu ri umma' Israel. Poro tena lalomo namminawang ri bansata assare koro'bang-koro'bang mae ri Batara Kaminang Koasaya.

LAMPA-LAMPANA 13:1

Ri jamaah Antiokhia nia' siapa are na'bi siagang guru. Areng-arenna ke'nanga iamintu: Barnabas, Simeon nigallaraka I Le'leng, Lukius battua ri Kirene, Menahem siaganga Herodes niparakai sa'genna lompo, siagang Saulus.

YAKOBUS 1:16

Sikamma sari'battangku, sannaka kukarimangnginna; teako kau eroki nitipu!

YAKOBUS 1:19

Sikamma sari'battangku, sannaka kukarimangnginna! Parhatikangi anne baji'-baji'! Sikontu taua musti lintaki mappilangngeri, mingka tena nakkaro-karo ero' a'bicara siagang tena nalinta' larro.

YAKOBUS 3:10

Battu ri bawaya assulu' kana-kana appala' sukkuruka, mingka battu ri iatommi anjo bawa se'rea assulu' kana-kana ansapatai taua. Mustina tena nakamma anjo, sikamma sari'battangku!

MATIUS 23:14

Cilaka ngaseng mako ikau guru-guru agamaya siagang tu Farisia lanri nungaina assara-saraia. Nutipui janda-jandaya, nanualleang balla'na. Nalanri ero'na nucokkoi kaja'dallannu, nula'bu-la'buimi punna assambayangko. Lanri kammana minjo nabattala' sikali sallang hukkungannu!]