YAKOBUS 2:3 - KITTA' MATANGKASA'

³ la'bi nupakala'birangammi anjo tau ammakeang ga'gaya. Nukanamo ri ia, “Anrinniki' ammempo ri kadera kaminang bajika.” Mingka mae ri anjo tu kasi-asia nukanamo, “Anjoreng mako mae ammenteng,” yareka nukana, “Anrinni mako ri daparaka ammempo.”

YAKOBUS 2:3 Referans Kwoze

2 KORINTUS 8:9

Nasaba' baji' ngaseng nuassenna angkanaya teai sipato' nikarimangnginta ri Isa Almasi Batarata: Kalumanynyangi, mingka Napa'jari kasi-asimi KalenNa untu' kaparalluannu ngaseng; sollanna battu ri kakasi-asianNa nukkulle a'jari kalumanynyang.

YAKOBUS 2:6

Mingka ikau nuhinai tu kasi-asia; na sikontutojenna iaji anjo tu kalumanynyanga anjallakkangko siagang anre'resangko mange ri pangadelanga!

YUDAS 1:16

Anjo taua tuli a'reku'na ngaseng giginna siagang tuli nasalakanna tau maraenga. Tuli naturukiangi ke'nanga apa nakaerokia pa'mai' dorakana ke'nanga. Napalecei kalenna ke'nanga, siagang a'bali' ballammi ke'nanga sollanna akkulle anggappa passawallang.

YESAYA 65:5

Nakana ke'nanga, ‘Bellako, teako seroi ikambe, saba' ikambe anne tangkasakki' siagang tassa'lakki' battu ri kau ngaseng!’ Tena Kuparrangngi anciniki panggaukanna ke'nanga! A'rinrai larroKu mae ri ke'nanga rapang pepe' tenaya nakkulle mate.

PANGNGEBARANG 18:23

Tu kasi-asia appalaki siagang kana-kana baji'; appiali tau kalumanynyanga siagang pangga'gara'.

LUKAS 23:11

Nipare' karek-karenammi siagang nihina-hinami Isa ri Herodes siagang surudadua. Nampa nipipakei pakeang kalompoang, nanikiring ammotere' mae ri Pilatus.

YAKOBUS 2:2

Nasaba' punna nia' se're tau kalumanynyang ammake cincing bulaeng siagang pakeang ga'ga-ga'ga battu ri passe're-se'reannu, nampa nia' pole tu kasi-asi ammakeang kekke'-kekke',