YAKOBUS 2:23 - KITTA' MATANGKASA'

²³ Anjo situru'mi nakanaya lalang ri Kittaka, “Tappaki Abraham mae ri Allata'ala, siagang lanri iaminjo tappa'na nanitarimamo ri Allata'ala salaku tau anggaukangai ero'Na Allata'ala.” Iaminjo saba'na nanigallara'mo Abraham, “Agang baji'Na Allata'ala.”

YAKOBUS 2:23 Referans Kwoze

PA'JARIANG 15:6

Tappa'mi Abram ri Batara. Nalanri kammana nanitarimamo ri Batara salaku tau appakasannanga ri atinNa.

YESAYA 41:8

Mingka ikau, he Israel, atangKu, umma' Kupilea, ikau turunganna Abraham, sahabakKu.

2 PATTOTTORANG 20:7

IKattemi Allata'alana ikambe. Ri wattunna battu ummatTa Israel mae anrinni ri pa'rasanganga, Kibongkai sikamma tau niaka ammantang anrinni anjo wattua. Nampa Kipassareang anne pa'rasanganga mae ri jari-jarina Abraham, belata, untu' a'jari butta napatang ke'nanga satunggu-tungguna.

GALATIA 3:6

Kammami anjo tattulisika lalang ri Kittaka ri sesena Abraham, angkanaya, “Tappaki Abraham mae ri Allata'ala. Na lanri anjo tappa'na, nitarimami ri Allata'ala a'jari tau nikarannuang ri atinNa Allata'ala.”

KALAPPASSANG 33:11

Assidallekammi a'bicara Batara siagang Musa, rapang tau a'bicaraya siagang aganna. Le'baki anjo ammotere'mi Musa mae ri pakkemaanga. Mingka Yosua ana'na Nun, turungka pambantuna Musa, tuli ammantanna lalang ri anjo Kemaya.

ROMA 11:2

Tena! Tena naNapelaki umma'Na Allata'ala, le'baka Napile battu ri uru-uruna. Nuasseng ngasenji apa tattulisika lalang ri Kittaka, ri passala'na Na'bi Elia, ri wattunna natuntu' bansa Israelka mae ri Allata'ala. Nakana Na'bi Elia,

GALATIA 3:22

Mingka nia' tattulisi' lalang ri Kittaka angkanaya nikoasai ngasemmi sikontu rupataua ri dosaya. Lanri kammana, anjo passare nipa'janjianga nipassareangi mae ri tau tappaka, lanri tappa'na ke'nanga mae ri Isa Almasi.

AYUB 16:21

Oh, dasi-dasi na Allata'ala KalenNa ampattojenga' ri dallekanNa sanrapang tau rella ampattojengi sahaba'na.

ROMA 9:17

Nasaba' nia' tattulisi' lalang ri Kittaka angkanaya, “Nakana Allata'ala mae ri karaeng Mesir, ‘Se'reji bawang erokKu naKupa'jariko karaeng, iamintu eroki Kupappicinikang kakoasangKu battu ri kau, siagang na'jari masahoro' arengKu ri sikontu linoa.’ ”

LUKAS 4:21

Na appakkaramulamo Isa a'bicara ri ke'nanga angkana, “Anne alloa, ri nulangngere'na Kubaca, a'rupami anjo apa napaua sikamma ayaka sumpaeng.”

MARKUS 15:27

Nia' todong rua paella' naagang Isa nisalli'. Sitau ri sa'ri kananNa, sitau ri sa'ri kairinNa. [

MARKUS 12:10

Tantu le'ba'mi nubaca anne aya' niaka ri Kittaka angkanaya, ‘Batu tenaya napakei tukang-tukang batua a'jarimi batu majarre'na bangunanga.

1 PETRUS 2:6

Nasaba' nia' tattulisi' lalang ri Kittaka angkanaya, “Le'ba'mi Kupile batu lompoa anggaranna, Kupadongkoka a'jari batu majarre' ri kota Sion; na inai tappa' ri Ia talamala'bayai pa'mai'na.”

2 TIMOTIUS 3:16

Sikontu apa tattulisika lalang ri Kittaka, nisingari ri Allata'ala, siagang lompoi matu-matunna untu' ampangngajarrangi apa tojenga, untu' appakainga' siagang untu' ampannabai apa salaya, siagang untu' angngajaraki taua sollanna attallasa' situru' ero'Na Allata'ala.

LAMPA-LAMPANA 1:16

“Sikamma sari'battangku ngaseng! Apa niaka tattulisi' lalang ri Kittaka, musti kajariang ngasengi. Riolo, Napau memammi RohNa Allata'ala lalang ri kalenna Daud ri passala'na anjo Yudas, le'baka ampimpingi taua battu anjakkalaki Isa.

YAKOBUS 2:24

Jari singara'mi kamma-kamma anne, angkanaya nanitarima baji' taua ri Allata'ala iamintu lanri panggaukanna anjo taua; jari teai lanri tappa'na bawang.