YAKOBUS 2:2 - KITTA' MATANGKASA'

² Nasaba' punna nia' se're tau kalumanynyang ammake cincing bulaeng siagang pakeang ga'ga-ga'ga battu ri passe're-se'reannu, nampa nia' pole tu kasi-asi ammakeang kekke'-kekke',

YAKOBUS 2:2 Referans Kwoze

LUKAS 15:22

Mingka nakio'mi manggena sikamma palayanna na nakana, ‘Lintakko! Angngalleko pakeang kaminang ga'gaya, nanupipakeangi. Pipakei cincing karemenna, siagang pipakei sapatuna.

ESTER 8:2

Napasulu'mi cincinna karaenga, ia le'baka naalle ammotere' battu ri Haman, nampa napassareang mae ri Mordekhai. Nampa niangka'mo Mordekhai ri Ester untu' a'jari tukoasa ri pa'barang-barangngang battua ri Haman.

ESTER 3:10

Nalangngereki karaenga anjo, nabi'bu'mi cincinna battu ri karemenna, ia napake untu' ansitempeleki sikamma sura' nipa'la'bang assaya, nampa napassareang mae ri Haman. Anjo Haman, iami musu lompona tu Yahudia.

PA'JARIANG 27:15

Nampa naalle Ribka bajunna Esau kaminang bajika, niaka naboli' ri balla', na napipakeang mae ri Yakub.

YESAYA 64:6

Ikambe tau rantasa' ngasengi, ba'lalo manna gau' baji'na ikambe rantasa' ngasengi na ra'masa'. Lanynyaki ikambe lanri kaja'dallanna ikambe rapang leko' kayu kalumeng niri'bakang ri anging.

LUKAS 23:11

Nipare' karek-karenammi siagang nihina-hinami Isa ri Herodes siagang surudadua. Nampa nipipakei pakeang kalompoang, nanikiring ammotere' mae ri Pilatus.

YAKOBUS 2:3

la'bi nupakala'birangammi anjo tau ammakeang ga'gaya. Nukanamo ri ia, “Anrinniki' ammempo ri kadera kaminang bajika.” Mingka mae ri anjo tu kasi-asia nukanamo, “Anjoreng mako mae ammenteng,” yareka nukana, “Anrinni mako ri daparaka ammempo.”