YAKOBUS 2:18 - KITTA' MATANGKASA'

¹⁸ Gassingka nia' tau angkana, “Nia' tau tanjeng ri tappa'na siagang nia' todong tau tanjeng mae ri panggaukanna.” Lakukanamo ri ia, “Picinikiangsa' antekamma batena akkulle taua nikana tappa' mingka tena na'nyata lalang ri panggaukanna, nampa kupicinikiang todong lalang ri panggaukangku untu' ampa'nyatai angkanaya ma'nassa nia' tappakku.”

YAKOBUS 2:18 Referans Kwoze

YAKOBUS 3:13

Punna nia' tau cara'de' siagang baji' ateka' ri tangnga-tangnganu, parallui napappicinikang katallassang bajika, nagaukangi apa-apa bajika, kammayatompa cara'deki na tuna pa'mai' ri katallassanna.

1 TIMOTIUS 1:5

Ia ero'na pappakaingakku, iamintu sollanna akkulle a'jari tulusu' siagang matangkasa' pa'mai'na taua, kammayatompa a'jari matappa' tojeng-tojeng mae ri Batara, sollanna akkulle nakamaseang paranna tau.

YAKOBUS 2:14

Sikamma sari'battangku! Apa matu-matunna angkana taua, “Inakke tappakka',” punna tena napa'nyatai anjo katappakkanna lalang ri panggaukanna? Maka akkullei anjo katappakkang kammaya ampasalamaki anjo taua?

GALATIA 5:6

Nasaba' punna asse'remi tallasatta siagang Almasi, tenamo naparallu anjo nikanaya mannuruki yareka tena, mae ri paratorang sunnaka. Ia mami parallu anjo tappaka mae ri Almasi; na anjo tappaka ma'nassai lalang ri pangngamaseanta mae ri paranta tau.

TITUS 2:7

Siagang paralluko ikau kalennu, lalang ri apa-apa mamo, ampappicinikangi conto bajika lalang ri panggaukannu. Punna angngajarakko, musti lambusukko siagang attojeng-tojengko.

ROMA 14:23

Mingka inai-nai bata-bata angkanrei apa-apaya, nakamma nakanrena tonja anjo apa-apaya, iami lanipasala ri Allata'ala, nasaba' teai lanri tappa'na ri apa annabaya siagang salaya nappanggaukang anjo taua. Na apa-apa mamo nigaukang tena nasiagang tappa', sala ngasengi.

IBRANI 11:31

Lanri tappa'na todong, natanibunoa todong anjo baine pasundala' niarenga Rahab, siagang sikamma tau angngewayai Allata'ala; nasaba' natarima bajiki mata-matana tu Israelka.

IBRANI 11:33

Lanri tappa'na ngaseng ke'nanga, nanabetamo sikamma karaeng ammarentaya. Nagaukangi ke'nanga apa-apa tojenga, sa'genna natarimamo apa Napa'janjianga Allata'ala. Natongkoki ke'nanga bawana singa-singaya,

IBRANI 11:6

Takkulleai taua ampakasannangi atinNa Allata'ala, punna tena natappa' ri Allata'ala. Nasaba' inai-nai battu mae ri Allata'ala, musti tappaki angkanaya ma'nassa nia' Allata'ala, kammayatompa angkana laNasarei pa'balasa' Allata'ala sikamma tau amboyayai.

1 KORINTUS 13:2

Manna pole cara'deka' ampabattui biritta battua ri Allata'ala, siagang kupahang apa-apa sukkaraka, kupahang baji' ngaseng apa-apaya, kammayatompa sanna' lompona tappakku mae ri Allata'ala sa'genna akkulle kupalette' buluka, mingka tena kumangngamaseang mae ri parangku tau, a'jari tena sikalimo matu-matungku!

ROMA 3:28

Nasaba' bodona kana kammaminne: Nikanaya tau assibajikimo ammotere' siagang Allata'ala teai lanri nagaukanna apa-apa tattulisika lalang ri hukkung-hukkung agama Yahudia, passangalinna lanri tappa'na ri Isa Almasi.

2 KORINTUS 7:1

Sikamma sari'battangku kukarimangngia! Sikontu anjo janjia untu' ikatte ngaseng. Lanri kammana, parallui nitangkasi kalenta battu ri sikamma apa-apa akkullea anra'massi tubuta siagang nyawata. Paralluki' malla' mae ri Allata'ala. Sollanta akkulle attallasa' baji' siagang matangkasa' untu' Allata'ala.

2 KORINTUS 5:17

Inai-nai ampakase'remi kalenna mae ri KalenNa Almasi, a'jarimi tau le'ba' niberui taba sikali tallasa'na. Tenami apa-apa salloa ri kalenna, lanri le'ba' ngasemmi niberui.

ROMA 8:1

Kamma-kamma anne tenamo hukkungang lantabai tau assileokamo katallassanna siagang Isa Almasi.

ROMA 4:6

Kamma tomminjo panggappana Daud; iaminjo saba'na nanapabattumo sallang mate'nena Daud mae ri tau nitarimaya a'jari tau nikarannuang ri atinNa Allata'ala, Natanijampangia panggaukang-panggaukang salana ke'nanga. Kammaminne kananna Daud,

ROMA 9:19

Jari, lanukana kapang ri nakke, “Punna kamma, apa saba'na Naero' ija Allata'ala ampasalai rupataua? Sai manna inai takkulleaji natahang ero'Na Allata'ala?”