YAKOBUS 2:15 - KITTA' MATANGKASA'

¹⁵ Ebara' angkana nia' se're parannu tau parallu care-care siagang tena nangganna' kanre allo-allona.

YAKOBUS 2:15 Referans Kwoze

LUKAS 3:11

Appialimi Yohanes nakana, “Tau niaka ruang lawara' bajunna, musti napassareangi silawara' mae ri tu tenaya bajunna. Na tau niaka kanrena, musti nabagei tongi tu tenaya kanrena.”

YESAYA 58:7

Bagei kanrenu siagang tau cipuruka, tarimai sikamma tau tenaya balla'na ri balla'nu. Sarei care-care tau assolaraka, siagang teako tollaki sari'battannu punna parallu nitulung.

YAKOBUS 2:5

U'rangi sikamma sari'battangku, sannaka kukarimangnginna! Ia tau nicini' kasi-asia ri anne linoa, iami nipilei ri Allata'ala untu' a'jari tu kalumanynyang lalang ri katappakkanga. Iaminjo tau kammaya la'jari Umma'Na Allata'ala situru' Napa'janjianga Allata'ala mae ri sikamma tau angkamaseangai.

YESAYA 58:10

Sarei kanre tau cipuruka siagang tulungi sikamma tau nijallakkanga. Punna nugaukang anjo kammaya, la'jari singara'mi sikamma sassanga ri tammulilinu, rapang singara'na alloa.

IBRANI 11:37

Nia' nisambilai batu sa'genna mate, nia' nisamballe siagang garagaji, kammayatompa nibuno siagang pa'dang. Mange-mangei a'lampa ke'nanga ammakeang kukkulu' gimbala' yareka kukkulu' bembe; kasi-asi tallasa'na ke'nanga, nigau' takamma-kammai siagang nisessai.

MARKUS 14:7

Tu kasi-asia tuli nia'na ri tangnga-tangnganu ngaseng. Punna erokko tena masala wattu nakkulle nutulung ke'nanga. Mingka iNakke, tena Kutuli lania' angngagangko.

YEHEZKIEL 18:7

Tale'bakai annipu yareka angngella'. Barang-barang napappita'gallanga taua mae ri ia tuli napoterangi. Tau cipuruka nasarei kanre na tau tenaya bajunna nasarei baju.

LAMPA-LAMPANA 9:29

A'bicarami siagang siewa bicarami siagang tu Yahudi a'bicara Yunania; naero'mo ke'nanga ambunoi Saulus.

1 YOHANES 3:17

Punna nia' tau angkammai pa'barang-baranganna linoa, nampa nacini' paranna tau kakurangang, mingka taerokai antulungi anjo paranna tau, antekamma lakkulle nikana nakamaseangi Allata'ala?