YAKOBUS 1:13 - KITTA' MATANGKASA'

¹³ Punna nia' tau nigoda ri anjo paccoba kammaya, takkulleai angkana, “Anjo pa'godaya, pa'goda battu ri Allata'ala,” nasaba' takkulleai Allata'ala nigoda ri kaja'dallanga, kammayatompa tena todong nale'ba' nagoda taua, manna pole inai.

YAKOBUS 1:13 Referans Kwoze

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

YAKOBUS 1:2

Sikamma sari'battangku! Punna nukasia' a'rupa-rupaya paccoba, parallui nubilang upa' kalennu.

YESAYA 63:17

O Batara, angngapa Kibalang parekangi ikambe lingu? Angngapa Kipa'jari terasaki nyawana ikambe sa'genna tamallakka ikambe mae ri Katte? Ammotere' lalo maKi' lanri ata-atanTa, lanri ummatTa, pisakaTa.

PA'JARIANG 3:12

Appialimi anjo bura'nea angkana, “Anjo baine Kipassareanga angngaganga' ansarea' anjo rappoa, sa'genna kukanre.”

PA'JARIANG 22:1

Siapa are wattu ribokoanganna Naso'rimi Allata'ala kajarrekanna tappa'na Abraham. Nakio'mi Allata'ala anjo Abraham angkana, “Abraham!” Appialimi Abraham angkana, “Iye' Batara.”

MATIUS 4:7

Appialimi Isa Nakana, “Mingka nia' todong tattulisi' lalang ri Kittaka angkanaya, ‘Teako so'ri-so'ri Karaeng Allata'alanu.’ ”

YAKOBUS 1:14

Mingka iapa nata'goda se'rea tau punna nipagio' siagang nikai' ri kaerokang ja'dala'na.