TITUS 2:13 - KITTA' MATANGKASA'

¹³ Kamma-kamma anne nitayammi anjo Allo niminasaya; anjo Alloa lanacini'mi bonena linoa kala'biranNa Isa Almasi, iamintu Allata'ala Kaminang Lompoa siagang Karaeng Mappasalamatta.

TITUS 2:13 Referans Kwoze

2 TIMOTIUS 4:8

Na kamma-kamma anne sadiami hadia pammetangku. Ri Allo Kiamaka sallang, laNapassareammi Batara, Haking adeleka, anjo hadiaya mae ri nakke, lanri assibajikingku siagang Allata'ala lalang ri katallassangku. Siagang teai inakkeji bawang lannarima hadia kammaya anjo, mingka sikontu pole tau sannaka nakku'na antayangi kabattuanNa Batara.

1 KORINTUS 1:7

sa'genna tenamo nukakurangang barakka' manna sirupa, lalang nutayanna kabattuanNa Batarata Isa Almasi ampa'nyatai KalenNa mae ri sikontu rupataua.

MATIUS 16:27

Tasalloami Nabattu Ana' Ma'rupataua siagang kakoasanNa ManggeNa, nirurungang ri malaeka'-malaeka'Na. Iaminjo wattua naNabalasa' massing panggaukanna rupataua.

TITUS 1:2

situru' panrannuanga mae ri katallassang sitojennaya siagang mannannunganga. Le'ba'mi Napa'janjiang Allata'ala anjo katallassanga ri wattu tenanapa nanipa'jari anne linoa; natena olona la'balle-balle Allata'ala.

MARKUS 14:62

Appialimi Isa Nakana, “INakke minne, na lanuciniki sallang Ana' Ma'rupataua ammempo ri sa'ri kananNa Allata'ala Kaminang Makoasaya, siagang lanaung battu ri langika ri tompo'na rammanga!”

IBRANI 9:28

Kammatommi anjo Almasi. Sikaliji bawang nipassareang a'jari koro'bang, najai tau Natangkasi dosana. Labattu poleangi makapinruanna. Mingka teaimi untu' antanggongi dosaya; passangalinna untu' ampasalamaki sikamma tau antayangai kabattuanNa.

2 PETRUS 3:18

Poro pila' nukasia' lalo passare lammoro'Na Batara, Karaeng Mappasalamatta iamintu Isa Almasi, siagang poro pila' tappa' laloko mae ri Ia. Poro Iami nipuji, ri kamma-kammaya anne sa'genna satunggu-tungguna! Aming. Sallangku, Petrus

2 KORINTUS 4:4

Barhala ja'dala' niaka ri lino antongkoki pikkiranna tau tenaya natappa' ri anjo Kabara' Bajika. Iaminjo barhalaya anrompa-rompai ke'nanga sollanna tanacinika singara' battua ri anjo Kabara' Bajika, ri sese kalompoanNa Almasi, a'jaria pammatei rupanNa Allata'ala.

ROMA 15:13

Allata'alami tampa' panrannuannu. Poro Nabonei pa'mai'nu sikontu karannuang siagang salewangang, lanri tappa'nu mae ri Ia, sollanna lanri koasa RohNa Allata'ala nanupila' manrannuang mae ri Allata'ala.

ROMA 5:5

Anjo panrannuang kammaya tena nalanapakala'ba pa'maitta, nasaba' le'ba'mi nibonei atinta siagang pangngamaseanNa Allata'ala. Na anjo Nagaukangi Allata'ala tete ri Roh MalanynyinNa, le'bakamo Napassareang mae ri katte.

2 PETRUS 1:1

Natarimai sikamma sari'battangku, le'bakamo anggappa katappakkang sangkammaya baji'na katappakkanna ikambe. Le'ba' maki' Nasare katappakkang Isa Almasi, Iamintu Allata'ala siagang Karaeng Mappasalamatta, lanri Nagaukanna apa annabaya. Anne suraka battu ri nakke, iamintu Simon Petrus, atanNa siagang tunisuroNa Isa Almasi.

1 PETRUS 1:7

Matu-matunna ngaseng anjo iamintu sollanna akkulle a'butti katappakkang tojeng-tojennu mae ri Batara yareka tena. Manna bulaeng akkullea panra' niuji tonji siagang pepe'. Jari, anjo katappakkannu la'bi lompoangangi anggaranna na bulaenga; jari musti niuji tongi sollanna a'jari jarre'. Siagang lanri kammana, lanipuji mako siagang lanipakala'biri' mako, kammayatompa lanipakatinggi mako sallang ri allo kabattuanNa ammotere' Isa Almasi.

1 PETRUS 1:3

Maeko nakiappala' sukkuru' mae ri Allata'ala, ManggeNa Batarata Isa Almasi! Sanna' mangngamaseanNa mae ri katte; lanri kammanami anjo naNasare maki' katallassang beru. Carana iamintu, Napattallasa' poleangi ammotere' Isa Almasi battu ri kamateanga. Iaminne assareki' panrannuang attantua.

2 TIMOTIUS 4:1

Labattu poleangi Isa Almasi antama' ri anne linoa untu' angngadeli sikontu tau attallasaka siagang tau matea; siagang labattui untu' ammarenta, a'jari Batara. Iami anjo saba'na nakupala' tojeng-tojeng mae ri kau, ri dallekanNa Allata'ala siagang Isa Almasi:

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.

LAMPA-LAMPANA 24:15

Sangkamma ke'nanga, inakke tappa' tonja' mae ri Allata'ala, angkanaya sikontu tau matea lattallasa' poleangi ammotere' – iamintu sikamma tau bajika kammayatompa sikamma tau ja'dalaka!

MARKUS 8:38

Punna nia' tau siri'-siri' angngakuiA' siagang pangngajarangKu ri anne jammang sannaka dorakana siagang ja'dala'na, tena todong Naero' Ana' Ma'rupataua angngakui sallang punna battui siagang koasaNa ManggeNa, nirurungang ri malaeka'-malaeka' matangkasa'Na.”

PAPPICINI' 1:7

Ciniki, niakI battu lalang ri rammanga! Sikontu rupataua lanacini' ngasengI, kammayatompa tau le'baka antobokI poke. Lanri Iami nalappiraung ngaseng sikontu bansa-bansaya ri lino. Mattantu kammana! Aming!

TITUS 3:4

Mingka Napappicinikang maki' pangngamaseanNa siagang kabajikang pa'mai'Na Allata'ala Mappasalamatta.

KOLOSE 3:4

Jari, assala'na katallassannu sitojenna iamintu battu ri Almasi; na punna a'nyatamo Almasi sallang, la'nyata tommako siagang Ia lalang ri kalompoanNa.

KOLOSE 1:23

Mingka tantu musti tuli majarrekko tappa' siagang ammenteng kassa' ri katappakkannu. Gassingka nulappassangi anjo panrannuang le'baka nisareangko ri wattunna nutarima anjo Kabara' Baji' battua ri Allata'ala. Anjo kabaraka le'ba'mi nibirittakang mae ri sikontu taua ri lino. Na untu' iatommi anjo nainakke anne, iamintu Paulus, ku'jari palayang.

YESAYA 25:9

Anjo wattua lanakana taua, “Sikontutojenna, Iami Allata'alata; Iami nitayanga, sollanta Napasalama'. Tojeng, Iaminne Batara; Iami nitayanga. Anne kamma akkio' rannu maki', saba' le'ba' maki' Napasalama'.”

1 YOHANES 4:14

Kalenna ikambe le'ba' anciniki Ana'Na Allata'ala, siagang napabattumi ikambe mae ri tau maraenga angkanaya Iami anjo Ana'Na Nasuro Allata'ala antama' ri linoa untu' a'jari Karaeng Mappasalama' ri anne linoa.

KOLOSE 1:5

Tappa' mako siagang mangngamaseang mako, nasaba' nurannuammi apa Napasadiaya Allata'ala ri suruga untu' ikau. Le'ba'mi nulangngere' anjo kabaraka, ri wattunna nipabattu Kabara' Baji' tojenga battua ri Allata'ala mae ri kau.

MATIUS 26:64

Appialimi Isa Nakana, “Annaba mintu kanannu. Mingka patappa'mi angkanaya: Anne kamma appakkaramulami lanucini' Ana' Ma'rupataua ammempo ri sa'ri kananNa Allata'ala Kaminang Koasaya. Siagang lanucini' tommi sallang battu poleang irate ri langika ri tompo'na rammanga!”

MATIUS 25:31

“Punna battu sallang Ana' Ma'rupataua a'jari Karaeng siagang nirurungang ri sikontu malaeka'Na, lammempomi irate ri empoang kala'biranNa.

2 TESALONIKA 2:16

Poro KalenNa Batarata Isa Almasi, siagang Allata'ala Manggeta ansaleoriko siagang ampakajarre' ngasengi atinnu, sollanna akkulle nugaukang siagang nubirittakang apa bajika. Nasaba' Nakamaseangki' Allata'ala, siagang lanri lammoro' pa'mai'Na naNasareki' kabaraniang tojenga siagang panrannuang bajika.

2 TESALONIKA 2:8

nampami kacinikang anjo Tau Ja'dalaka. Jari punna battu Batara Isa, la'mai'ji bawang naNabuno anjo Tau Ja'dalaka siagang laNalissara' ri kalompoang kabattuanNa.

KOLOSE 1:27

Mae ri anjo umma'Na, eroki Allata'ala ampa'nyatai antekamma baji'na siagang mala'biri'na anjo rahasiaNa untu' sikontu rupataua. Anjo rahasiaya, iamintu: Niaki Almasi lalang ri kalennu; battuanna langgappa tongko bageang lalang ri kalompoanNa Allata'ala.

ROMA 8:18

Sikamma pa'risi' nikasiaka ri kamma-kammaya anne turu' ri panggappaku, tena nasiapa punna nipasingnganggaraki siagang kala'birang lanipa'nyataya mae ri katte sallang.

1 TIMOTIUS 1:1

Natarimai Timotius, ana' kontutojengku lanri ri Batara. Anne suraka battu ri nakke, Paulus, tunisuroNa Isa Almasi lanri ero'Na Allata'ala, Mappasalamatta, siagang lanri ero'Na Isa Almasi, panrannuanta. Poro nisareko barakka', pangngamaseang siagang kasalewangang battu ri Allata'ala Manggea siagang Isa Almasi Batarata.

TITUS 1:4

Titus! Ikau ana' tojeng-tojengkuko, lanri ikau siagang inakke para tappa' maki' mae ri Almasi. Kuminasai nanisareko barakka', pangngamaseang malammoro' siagang kasalewangang battu ri Allata'ala Manggea siagang Isa Almasi Karaeng Mappasalamatta.

YUDAS 1:21

siagang tuli a'la'lang mako irawangang pangngamaseanNa Allata'ala, lalang nutayanna passareNa Batarata Isa Almasi, Ia lassareako katallassang sitojennaya siagang mannannunganga.