TITUS 1:6 - KITTA' MATANGKASA'

⁶ Se'rea pamimping jama'ah parallui tau tenaya callanna; musti sitauji bainenna; ana'-ana'na musti tappa'mi ri Almasi, siagang teai ana'-ana' bambala' yareka tenaya nakkulle niatoro'.

TITUS 1:6 Referans Kwoze

1 TIMOTIUS 3:12

Inai-nai a'jari pambantu lalang ri jama'aka musti se'reji bainenna. Musti naassengi angngatoro' bajiki ana'-ana'na siagang ruma tanggana.

TITUS 1:10

Nasaba' jai tau taeroka mappilangngeri, la'biangampa tau le'baka anna'gala' ri agama Yahudi; nangai a'bicara kosong ke'nanga sa'genna natipu taua.

EFESUS 5:18

Teako nabengoi anggoro', nasaba' anjo anggoroka akkulleko napanraki. Passangalinna paralluko nikoasai ri RohNa Allata'ala.

YEHEZKIEL 44:22

Sikamma imanga tulolo Israel ji bawang akkulle nabuntingi, iamintu tuloloa iji yareka jandana se'rea imang. Takkulleai ke'nanga ambuntingi baine le'baka nitalla'.

KAIMANGNGANG 21:7

Se'rea imang takkulleai a'bunting siagang baine le'ba' pagau' salaya yareka baine tenayamo natulolo yareka le'bakamo assisa'la' siagang bura'nenna, lanri anjo imanga iNakke pata.

1 TESALONIKA 5:14

Kipala' tongi mae ri kau ngaseng sari'battang, sollanna nupakainga' siagang kana-kana baji' tau tenaya naero' anjama lalang ri katallassanna. Pakalompoi pa'mai'na tau la'ba pa'maika; tulungi tau tenaya pakkullena, siagang sa'barakko mae ri yangasenna taua.

LUKAS 1:5

Ri wattunna Herodes a'jari karaeng ri pa'rasangang Yudea, nia' se're imang niareng Zakharia, sossorang battua ri imang-imang Abia. Tu ri balla'na niarengi Elisabet, sossorang imang todong.

PANGNGEBARANG 28:7

Turungka mannurukia ri hukkung, iami tu cara'de'. Mingka tau sileporanga tau pa'laboanga napakasiriki manggena.

1 SAMUEL 2:22

Eli sanna' dudumi toana. Tena ammarina allangngere' tau a'jamma' battu ri panggaukanna ana'-ana'na mae ri tu Israel. Naasseng tongi Eli angkanaya anjo ana'-ana'na sikatinroangi siagang sikamma bai'-baine tugasaka ri dallekanna pakke'bu' Kema KahaderanNa Batara.

1 SAMUEL 2:11

Nampa ammotere'mo Elkana siagang kaluargana mange ri Rama. Mingka Samuel, anjo anaka, ammantammi ri Silo siagang allayani Batara nipimping ri Imang Eli.

PA'JARIANG 18:19

Ia le'ba'mi Kupile sollanna naparentakang mae ri sikamma ana'-ana'na siagang turunganna untu' amminawang turu' ri Nakke kammayatompa nagaukang panggaukang bajika siagang adeleka. Punna nagaukangi ke'nanga anjo passalaka, sikontu janjingKu mae ri Abraham laKurupai ngasengi.”

MALEAKHI 2:15

Sai Allata'ala tenaya ruanna ampa'jari se'reko tubu siagang se're nyawa siagang anjo bainea? Apa ero'Na Batara lalang kammaya anjo? Tena maraeng sollannu anggappa ana'-ana' untu' a'jari umma'Na Allata'ala sitojennaya. Jari katutui kalennu, gassingka nia' ri alla'nu tamajarreka mae ri bainenna.

1 TIMOTIUS 1:9

Tantu musti niu'rangi angkanaya teai untu' tau bajika nanipare' anjo hukkung-hukkunga, passangalinna untu' sikamma tau andakkayai hukkunga, tau bannaka, tau dorakaya, tau tenaya agamana, tau assipa' pakkalinoanga, tau ambunoai tau toana, yangasenna tau pabunoa,