Biblia Todo Logo
Bib sou entènèt

- Piblisite -




TITUS 1:15 - KITTA' MATANGKASA'

15 Sikontu apa-apaya tangkasa' ngasengi mae ri tau tangkasaka. Mingka mae ri tau ra'masaka pikkiranna siagang tau tenaya natappa' tena sikali apa-apa matangkasa', nasaba' ra'masa'namo pikkiranna siagang ati mailalanna ke'nanga!

Gade chapit la Kopi




TITUS 1:15
21 Referans Kwoze  

Lanri assileo'na katallassangku siagang Batara Isa, tappa' sikalima' angkanaya sikontutojenna tena apa-apa harang ri passala'na sikontu apa-apa nikanrea; mingka harangi anjo apa-apaya mae ri se'reang tau, punna niharangngangi ri anjo taua.


Teako passabakkang apa-apa nikanre, nanupanraki apa-apa le'baka Napare' Allata'ala. Memang sikontu kanre-kanreanga hallala' ngasengi untu' nikanre; mingka punna passabakkang anjo apa nukanrea nadoraka taua, sala mako.


Nia' tau angkana, “Akkulleki' anggaukangi sikontu apa eroka nigaukang.” Annabai! Mingka tayangasenna anjo apa ningaia a'matu-matu ri katte. “Akkulleki' anggaukangi sikontu apa eroka nigaukang” – mingka tayangasenna anjo nikaerokia akkulle ambangungi katallassanta.


Mingka apa assuluka battu ri bawaya, iaminjo battu lalang ri atia; iaminjo anrantassi taua.


Mingka inai-nai bata-bata angkanrei apa-apaya, nakamma nakanrena tonja anjo apa-apaya, iami lanipasala ri Allata'ala, nasaba' teai lanri tappa'na ri apa annabaya siagang salaya nappanggaukang anjo taua. Na apa-apa mamo nigaukang tena nasiagang tappa', sala ngasengi.


Apa-apa mamo nugaukang – angnganreko yareka angnginungko – gaukammi anjo untu' ampakala'biriki Allata'ala.


Mingka nakanamo pole anjo sa'raya ri ia, “Apa le'baka Nahallallang Allata'ala, teako pa'jari harangi.”


Mingka manna nakamma, tena nayangaseng taua angngassengi anjo passalaka. Nia' biasai riolo anynyomba mae ri barhalaya. Jari lanri kammanami anjo nasa'genna kamma-kamma anne tuli nakanana ke'nanga angkanaya anjo kanre le'baka nipassareang mae ri barhalaya a'jarimi kanre barhala. Jari punna nakanrei ke'nanga anjo kanrea, nakana dorakai kalenna ke'nanga; nasaba' tenapa najarre' tappa'na ke'nanga.


Lanri kammana, mae mako nakia'reppese' ri Allata'ala siagang tulusu' pa'mai' kammayatompa tappa' majarre'; siagang pa'mai' le'baka nitangkasi battu ri kasalanga, kammayatompa tubu le'baka nitangkasi je'ne' maci'nong.


Sikamma dageng niaka nibalukang ri pasaraka akkullei nukanre. Tea' mako paressai rolong, manna pole nania' bata-batana nyawanu.


siagang passisala-salang tenaya le'ba'-le'ba'na. Lingumi siagang tannabayami batena appikkiri' anjo tau kammaya. Napikkiriki angkana akkullei ke'nanga anggappa passawallang battu ri agamaya.


Anjo tau ja'dalaka dorakai, lanri nikoasai ri katampoanna siagang kaborroanna.


Nampa akkuta'nang pole Hagai angkana, “Ebara' angkana nia' tau a'jari ra'masa' lanri anna'galaki maya', nampa nata'gala' kalase'renna anjo kanre-kanreanga, apaka anjo kanrea a'jari ra'masa' tongi?” Appialimi sikamma imanga angkana, “Iyo, tantumi!”


la'biangampa pole cera'Na Almasi. Tete ri Roh mannannunganga, Napassareammi KalenNa Almasi mae ri Allata'ala a'jari koro'bang sukkuka baji'na. Cera'Na antangkasi ati mailalanta battu ri upacara agama tenaya matu-matunna sollanta akkulle a'jari palayang mae ri Allata'ala mattallasaka.


Nia' tau nakanai kalenna tangkasa' na sitojenna sanna' rantasa'na.


Jagai sollanna tena manna sitau ambokoi kabajikang pa'mai'Na Allata'ala; sollanna tena nania' a'jari sanrapang lamung-lamung niaka racunna ri tangnga-tangnganu sa'genna appa'nia' kasukkarang siagang jai tau napanraki siagang racunna.


Swiv nou:

Piblisite


Piblisite