TITUS 1:14 - KITTA' MATANGKASA'

¹⁴ siagang tenamo natappa' ke'nanga mae ri carita-carita kosonna tu Yahudia yareka paratorang-paratorang napareka taua untu' ansorongbokoi pangngajarang tojenga.

TITUS 1:14 Referans Kwoze

2 TIMOTIUS 4:4

Lanatongko'mi tolinna ke'nanga mae ri apa-apa tojenga, mingka lanasungkemi tolinna ke'nanga mae ri carita-carita kosonga.

KOLOSE 2:22

Sikontu anjo paratoranga tassikaliji nipake ri apa-apaya natenamo matu-matunna. Anjo paratorang-paratoranga siagang pangngajarang-pangngajaranga rupatauaji ampareki.

2 PETRUS 2:22

Anjo panggaukanna ke'nanga napa'buttimi kontutojenna lampang kana angkanaya, “Lanakanre poleangi kongkonga apa le'baka nalangngewang”; yareka “Tedong le'baka nije'ne', lamange poleangi anggulungi kalenna ri peoka.”

GALATIA 4:9

Mingka kamma-kamma anne nuassemmi Allata'ala; yareka bajikangangi punna nikana, Naasseng mako Allata'ala. Angngapa nanuero' ammotere' poleang mae ri roh-roh niaka lalang lino, lammaya siagang kasi-asia? Angngapa nuero' poleang nipare' ata ri roh-roh kammaya anjo?

MATIUS 15:9

Tena matu-matunna anynyomba ke'nanga ri Nakke, nasaba' atorang rupatauji napangngajarrang kamma le'ba' angkana iaminjo atorang Kupassareanga.’ ”

YESAYA 29:13

Nakana Batara, “Anjo taua nasombA' siagang bawana, mingka atinna lalang bellai ri Nakke. Agamana ke'nanga poro atorang napare'ji rupataua, untu' niapele'ji bawang.

MARKUS 7:7

Tena matu-matunna ke'nanga anynyomba ri Nakke, Nasaba' atorang rupatau napangngajarrang sangkamma angkana iaminjo pangatorangKu!’

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.

TITUS 3:11

Nuassemmi angkanaya ja'dalaki anjo tau kammaya siagang dosa-dosanami ampa'butti ma'nassana sala.