TITUS 1:1 - KITTA' MATANGKASA'

¹ Natarimai anakku Titus! Anne suraka battu ri nakke Paulus, atanNa Allata'ala siagang tunisuroNa Isa Almasi. Nipilea' siagang nisuroa' untu' antulungi sikamma tau Napilea Allata'ala sollanna a'jari jarre' tappa'na ke'nanga. Musti kubantu tongi ke'nanga sollanna naasseng katojengang napangngajarranga agamata,

TITUS 1:1 Referans Kwoze

ROMA 1:1

Natarimai sikamma sari'battangku niaka ri Roma, nikamaseanga ri Allata'ala, siagang le'baka nikio' a'jari umma'Na Allata'ala. Le'ba'ma' nipile siagang niangka' untu' poro ambirittakangi Kabara' Baji' battua ri Allata'ala.

1 TIMOTIUS 6:3

Inai-nai tau ampangngajarrangi pangngajarang maraengannaya, siagang tena nasitujui pangngajarang tojeng battua ri Batarata Isa Almasi tena todong nasitujui ke'nanga pangngajaranna agamata,

2 TIMOTIUS 2:25

Musti tunai angngajaraki tau nangaia pabali-bali; barang nisareji kasampatang ri Allata'ala anjo ke'nanga untu' a'jari toba' battu ri dosa-dosana siagang naasseng pangngajarang tojenga.

2 TIMOTIUS 2:23

Teako pantamakki kalennu ri pa'gea'-geakkanna tau dongo' tenaya apa-apa naasseng. Nuassemmi angkanaya yangasenna anjo sangnging pa'beseranji bawang napattimbo.

2 PETRUS 1:3

Le'baki Napake koasa kakaraenganNa Allata'ala untu' assareki' sikontu apa-apa niparalluanga sollanta akkulle anynyomba ri Ia lalang tallasatta. Nagaukangi kammaya anjo tete ri mangngassenta mae ri Isa Almasi le'baka angkiokki' sollanna akkulle todong nikasia' kalompoanNa siagang kabajikanNa.

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.

2 PETRUS 3:11

Nasaba' yangasenna anjo sikammaya laniancuru' kammai anjo batena, antekammami batenu musti attallasa'? Jari musti nutangkasimi katallassannu ri dallekanNa Allata'ala, siagang mappilangngeri mako mae ri Ia,

1 TIMOTIUS 2:4

Eroki sollanna nipasalama' ngaseng rupataua siagang naasseng katojenganga.

KOLOSE 2:2

Nakugaukang ngaseng anne sikammaya, lanri kukellaina a'jari jarre' pa'mai'na ke'nanga siagang namassing sikamaseang, sollanna pila' majarre' ke'nanga a'jari se're. Jari pila' napahang tojemmi ke'nanga na'jari tappa' sa'genna naasseng rahasia battua ri Allata'ala, iamintu KalenNa Isa Almasi.

FILIPI 1:1

Natarimai sikontu sari'battangku umma'Na Allata'ala, niaka ammantang ri Filipi, asse'reamo siagang Isa Almasi. Kammayatompa sikamma pamimpinga siagang pambantuna jama'aka! Inakke Paulus, siagang Timotius, pajama-jamaNa Isa Almasi;

2 KORINTUS 1:1

Sikamma sari'battangku, anggota jama'aNa Allata'ala ri Korintus, kammayatompa sikontu Umma'Na Allata'ala niaka ri sikontu butta Akhaya. Inakke Paulus, le'baka niangka' a'jari tunisuroNa Isa Almasi lanri ero'Na Allata'ala, kammayatompa sari'battanta Timotius;

LAMPA-LAMPANA 13:48

Ri wattunna nalangngere' tau battua ri bansa maraenga anjo kananna Paulus, sannang sikalimi nyawana ke'nanga. Ammuji-mujimi ke'nanga ri Batara. A'jari tappa'mi sikamma tau le'baka nipattantu ri Allata'ala langgappai katallassang satunggu-tunggua.

1 PATTOTTORANG 6:49

Ia Harun siagang turunganna nisarei tugasa' attunu dupa, assare koro'bang nitunua irate ri tampa' pakkoro'bangnganga, anggaukangi sikamma pa'gaukanga lalang ri Kamara' Kaminang Matangkasaka, siagang ampassareangi koro'bang untu' antangkasiai dosana umma' Israel. Nagaukang ngasengi ke'nanga anjo sikammaya situru' apa napangngajaranga Musa, atanNa Allata'ala.

EFESUS 2:8

Nakarimangngiko Allata'ala. Iaminjo Nanapasalamakko, lanri tappa'nu mae ri Isa. Anjo kasalamakkannu, teai wassele' usaha kalennu. Mingka passare malammoro'Na Allata'ala. Jari, tena manna sitau akkulle ampattampo-tampoangi kalenna ri anjo passalaka.

1 YOHANES 2:23

Inai-nai tena namangakui Anaka, ma'nassa tena tommo namangakui Manggea. Na inai-nai ammangakui Anaka, ma'nassa namangakui tommi Manggea.

LUKAS 18:7

Jari, maka tena naNasarei Allata'ala ammeta lalang ri kara-karana umma'Na, punna allo bangngi appala' tulung umma'Na?

2 TIMOTIUS 2:10

Iami anjo saba'na nakusa'bara' antanggong ngasengi anjo kasessanga, lanri kaparalluanna sikamma tau le'bakamo Napile Allata'ala. Sollanna nagappa ngaseng todong ke'nanga kasalamakkang Napassareanga Allata'ala tete ri Isa Almasi, nirurunganga ri kala'birang mannannunganga.

YAKOBUS 1:1

Natarimai sikontu Umma'Na Allata'ala, ia niaka tassiara' ri sikontu linoa. Sallang battu ri nakke Yakobus, atanNaya Allata'ala siagang Batara Isa Almasi.

PAPPICINI' 1:1

Ia bonena anne Kittaka, iamintu apa-apa le'baka Napappicinikang Isa Almasi ri passala'na sikontu apa-apa lakajarianga sallang. Napappiassengangi Allata'ala mae ri Almasi sollanna Napabattu Almasi mae ri sikontu atanNa Allata'ala apa-apa tenayamo nasallo namusti kajariang. Nasuromi Almasi a'lampa malaeka'Na mae ri atanNa, iamintu Yohanes, untu' ampappiassengangi mae ri ia anjo apa-apa lakajarianga.