RUT 4:12 - KITTA' MATANGKASA'

¹² Tapporo anjo ana'-ana' laNapassareanga Batara mae ri kau tete ri anne baine loloa, lampa'jari kaluarganu sangkamma Peres, ana' battua ri Yehuda siagang Tamar.”

RUT 4:12 Referans Kwoze

PA'JARIANG 38:29

Mingka nabesoki ammotere' limanna anjo anaka, nampa anjo ana' se'reanga lassu' la'bi riolo. Nampa nakanamo anjo sanroa, “Jari kammaminjo caranu anynyorong assulu'!” Naaremmi anjo ana' lassu' rioloa Peres.

1 SAMUEL 2:20

Nabarakkakimi Eli anjo Elkana siagang bainenna, na nakana ri Elkana, “Tapporo Nasare laloko pole ana'-ana' battu ri anne bainennu, untu' a'jari sambe ri ana' nupassareanga mae ri Batara.” Le'baki anjo ammotere'mi ke'nanga mange ri Rama.

PA'JARIANG 46:12

Yehuda; naia ana'-ana'na Yehuda iamintu: Syela, Peres, siagang Zerah. Nampa ana'na Yehuda maraenga iamintu: Er siagang Onan matei ri Kanaan. Ana'-ana'na Peres: Hezron siagang Hamul.

RUT 4:18

Na iaminne garisi' pattottoranna Daud, appakkaramula battu ri Peres, iamintu: Peres, Hezron, Ram, Aminadab, Nahason, Salmon, Boas, Obed, Isai, siagang Daud.

MALEAKHI 2:15

Sai Allata'ala tenaya ruanna ampa'jari se'reko tubu siagang se're nyawa siagang anjo bainea? Apa ero'Na Batara lalang kammaya anjo? Tena maraeng sollannu anggappa ana'-ana' untu' a'jari umma'Na Allata'ala sitojennaya. Jari katutui kalennu, gassingka nia' ri alla'nu tamajarreka mae ri bainenna.