RUT 4:10 - KITTA' MATANGKASA'

¹⁰ Na pantaranganna anjo pole, kualle tommi Rut, anjo baine battua ri Moab, anjo le'ba' bainenna tumate Mahlon, a'jari bainengku. Lanri kammana, anjo tanaya tuli a'jari pisakana mae ri kaluargana anjo tumateamo. Siagang turunganna tuli lania' tongi ri tangnga-tangngana bija-bijanna siagang kotana. U'rangi ngasengi sari'battang, anne alloa ikau ngaseng a'jari sa'bi.”

RUT 4:10 Referans Kwoze

PAOLE 25:6

Ana' bura'ne toana ke'nanga musti nikanai ana'na anjo tau matea, sollanna nia' jari-jarina ri tangnga-tangngana bansa Israel.

EFESUS 5:25

Ikau tubura'-bura'nea, karimangngi bainennu, sangkamma Almasi Nakarimangngi jama'aka. Siagang Nakoro'bangkangi KalenNa untu' anjo jama'aka.

IBRANI 13:4

Sikontu taua musti napappicinikangi angkanaya napakalompoi nikanaya pa'nikkang; iaminjo saba'na naparallu massing tamalanrea tukkalabinia sijarreki ri pakkalabinianna. Inai-nai a'gau' sala yareka assalimara' laniadeli ri Allata'ala.

MALEAKHI 2:14

Akkuta'nangko angkana angngapa Nataeroka antarimai. Lanri Naassenna Batara angkanaya tena najarre' pa'mai'nu mae ri baine nunikkaiya ri wattu rungkanu. Anjo bainea julu tallasa'nu, mingka amminrami pa'mai'nu mae ri ia, manna pole le'ba' mako para a'janji ri dallekanNa Allata'ala latuli majarre' mae ri ia.

ZAKHARIA 13:2

Ri anjo alloa laKupattaenami areng-arenna barhala-barhalaya battu ri anne buttaya, sa'genna tenamo manna sitau angngu'rangi. Sikontu tau nakanaya kalenna na'bi siagang tau a'balle-ballea nakana kalenna napantamakki roh, laKubongka kabusuki.

HOSEA 12:12

mingka manna nakamma tuli nia'na ija anynyomba barhala ri Gilead, kammayatompa assare koro'bang sapi irate ri tampa' pakkoro'bangnganga ri Gilgal. Mingka anjo ke'nanga anynyombaya ri anjo barhalaya lamatei, siagang anjo tampa'-tampa' pakkoro'bangnganga ri Gilgal la'jari tambungang batui ri koko-kokoa.”

HOSEA 3:2

Jari assarema' doe' pappanai' 15 doe' pera' siagang 150 kilogarang gandung untu' anggappai anjo bainea.

YESAYA 48:19

Turungannu lajai rapang lisere' kassika; Kutanggongi angkanaya talanipanrakiai ke'nanga.”

PANGNGEBARANG 19:14

Ballaka siagang barang-baranga akkullei nagappa battu ri manggena, mingka baine cara'deka iami passareNa Batara.

PANGNGEBARANG 18:22

Tau anggappaya anrong ana', anggappai passawallang; anrong anaka iami passareNa Batara.

PAMMUJI 109:15

Boli'mi kamma tuli Nau'rangi Batara dosana ke'nanga, na tenamo angngu'rangi ke'nanga ri lino.

PAMMUJI 34:16

Naparhatikangi Batara tu bajika, Napilangngeri ke'nanga punna akkio' appala' tulung

YOSUA 7:9

Lanalangngere'mi tu Kanaan siagang sikontu tau niaka ri anne daeraya anne passalaka. Lanalipungi siagang lanabuno ngasemmi ikambe! Nampa apa laKigaukang untu' angkatutui kalompoanTa?”

PA'JARIANG 29:27

Tayammi sa'genna le'ba' tuju allo passua'-suarrang pa'buntinganga, nampa kupassareang todong Rahel mae ri kau, assala' ero' jako anjama pole tuju taung sallona.”

RUT 4:9

Jari nakanamo Boas mae ri sikamma tutoa-toana masarakaka ri anjo kotaya, kammayatompa mae ri tau maraenganga ia niaka hadere' anjoreng, “Anne alloa ikatte ngaseng a'jari sa'bi angkanaya le'ba'mi kuballi battu ri Naomi sikontu apa-apanna tumate Elimelekh siagang ana'-ana'na, iamintu Kilyon siagang Mahlon.

PA'JARIANG 38:9

Mingka naassengi Onan angkana anjo ana'-ana'na sallang tena nalaia pata. Jari, punna sikatinroangi siagang anjo jandana daenna, tuli napata'langnge pantaraki katauanna, sollanna tena nanggappa turungang.