RUT 3:15 - KITTA' MATANGKASA'

¹⁵ Angkanami Boas mae ri Rut, “La'gasimi bongonnu nampa nupalapara' anrinni.” Jari nala'gasimi bongonna Rut nampa napalapara'. Nampa napanaungimo Boas anjo bongonga kira-kira nia' ruampulo kilo battala'na gandung. Nampa napanai' ri salangganna Rut. Le'baki anjo a'lampami Boas mae ri kotaya.

RUT 3:15 Referans Kwoze

GALATIA 6:10

Jari, lalang nia'na ija kasampatang ri katte, paralluki' a'gau' baji' mae ri yangasenna rupataua, la'biangampa mae ri sikamma sari'battang julu tappatta.

YESAYA 32:8

Mingka tau la'birika akkala' baji'na, la'biriki apa-apa narancanakanga siagang la'biri' tongi tindakanna.

RUT 3:14

Jari attinromi Rut anjoreng, ri ampi' bangkenna Boas. Ammukona, ri bari'basa' duduna ija, ambangummi Rut, sollanna tanicinika ri taua. Nasaba' taerokai Boas angkanaya nia' tau angngassengi angkanaya niaki Rut battu mae anjoreng ri anjo tampaka.

RUT 3:16

Battuna Rut mange ri balla', akkuta'nammi matoanna angkana, “Antekamma kajarianna, na'?” Nacarita ngasemmi Rut sikontu apa nagaukanga Boas mae ri ia.

YESAYA 3:23

baju nipisi', pakeang lenang, passikko' kallong siagang bongong la'bu.