RUT 3:1 - KITTA' MATANGKASA'

¹ Siapa are sallona ribokoanganna, nakanamo Naomi mae ri Rut, “Musti usaha' ampa'bura'neko poleang siagang numate'ne.

RUT 3:1 Referans Kwoze

RUT 1:9

Poro Naerokangi Batara, numassing akkulle pole a'bura'ne.” Le'baki akkana kamma anjo, appala' kanami Naomi mae ri ke'nanga nanabau ke'nanga. Mingka angngarru' lompomi Orpa siagang Rut,

1 TIMOTIUS 5:8

Mingka punna nia' tau tena naparakai bija pammanakanna, la'biangampa nabone balla'na tonja, anjo tau kammaya nasassalimi katappakkanna; anjo tau kammaya la'bi kodiangammi natau tenaya natappa'.

1 TIMOTIUS 5:14

Iaminjo nakukellai sollanna a'bunting poleang janda-janda loloa, nanggappa ana', sollanna naparutusu' ruma tanggana; sa'genna tenamo nanggappa kasampatang musu-musunta untu' ambotto'-bottoki arenta.

PAMMUJI 128:2

Langnganreko battu ri wassele' jama-jamannu, attallasa' kala'biang siagang salewangang.

1 KORINTUS 7:36

Punna nia' tau angkasu'mangi ri kalenna angkanaya tena nasiratang batena appanggaukang mae ri parekang bainenna, yareka takkulleai naparrangngi hawa napasuna, kammayatompa parallumi nasa'ring a'buntinga, boli'mi kamma na'bunting ke'nanga. Tena nasala punna a'buntingi ke'nanga.

PAOLE 4:40

Turuki sikontu hukkung kupassareanga mae ri kau anne alloa, nampa ikau siagang jari-jarinu lasalewangangko siagang latuli attallasa' mako ri pa'rasangang Napassareanga Karaeng Allata'alanu a'jari pisakanu sa'genna satunggu-tungguna.”

PA'JARIANG 40:14

Mingka u'rangia' punna baji'-baji' mako. Tulunga' nanupabattu kara-karaku mae ri karaenga sollanna nalappassanga' battu ri anne tarungkua.

RUT 2:23

Lanri kammana anjo, Rut tuli amminawammi ri sikamma baine pajamaya ri kokonna Boas. Anrappummi gandung anjoreng sa'genna le'ba' ngaseng nikatto gandunga – baji' nakattoang bungasaka kammayatompa kattoang ri boko dudua. Na lalang sikammaya anjo sallona ammantangi Rut siagang matoang bainena.

RUT 3:2

Sai siagangko bai'-bainea anjama ri kokonna Boas? Anjo Boas bijanta tonji. Jari, pilangngeri kanangku! Anne bangngia la'lampai mange anggiling gandung ri kokonna.