RUT 2:7 - KITTA' MATANGKASA'

⁷ Appala' paramisi mae ri nakke sollanna nipa'biang amminawang ri bokona sikamma pakattoa untu' anrappungi gandung ta'benea. Battu ri bari'basa' iji nanjama turus, na nampami anne silalonna ammantang untu' ammari-mari sinampe' ri balla'-ballaka.”

RUT 2:7 Referans Kwoze

PANGNGEBARANG 22:29

Le'bakko anciniki tau cara'deka anggaukangi jama-jamanna? Anjo taua lanisarei jama-jamang ri balla' lompona sikamma karaenga, teai balla' biasaya.

PANGNGEBARANG 18:23

Tu kasi-asia appalaki siagang kana-kana baji'; appiali tau kalumanynyanga siagang pangga'gara'.

PANGNGEBARANG 15:33

Mallaka mae ri Batara, iami dasara'na ajarang bajika; kala'biranga nipirioloi ri matuna pa'maika.

PANGNGEBARANG 13:4

Tau malasaka jai nakaeroki mingka manna se're tanarapi' tau anjama terasaka lanagappai sikontu apa nakaerokia.

EFESUS 5:21

Paralluko sipilangngeri sollanna nupakala'biri' Almasi.

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

GALATIA 6:9

Lanri kammana, takkulleaki' lanre anggaukangi apa-apa bajika; nasaba' punna tena nilanre anggaukangi anjo apa-apa bajika, nia' se're wattu sallang nalanigappa wassele'na.

ROMA 12:11

Rajengko anjama-jama. Teako kuttui. Anjamako untu' Batara lalang sumanga' battua ri RohNa Allata'ala.

MATIUS 5:3

“Mate'nei tau tanjenga ri Allata'ala lanri naassenna kalenna tau tena kullena; nasaba' iami a'jari umma'Na Allata'ala!

RUT 2:2

Ri se'reang allo akkanami Rut mae ri Naomi, “Amma' erokka' appala' kana mange anrappung gandung ia tu'guruka battu ri pakattoa. Tantu nia'ja tau ampa'bianga' appakamma anjo.” Appialimi Naomi angkana, “Baji'mi na', a'lampamako mange!”

RUT 2:6

Appialimi anjo mandoroka angkana, “Baine bansa Moab beru battua siagang Naomi battu ri pa'rasangang Moab.

RUT 2:8

Nampa nakanamo Boas mae ri Rut, “Pilangngeria' rolong. Tea' mako a'lampai mange anrappung ri kokonna tu maraenga. Anrinni mako anrappung siagang bai'-baine pajamaku. Parhatikangi kemae ke'nanga akkatto. Tuli pinawangi ke'nanga siagang teako bellai battu ri ke'nanga. Punna turereko, angngalle mako je'ne' battu katoang-katoang le'baka nabonei pajama bura'-bura'nea. Le'ba'mi kuparentakang ke'nanga sollanna tena nanagangguko.”

RUT 2:21

Nampa nakanamo pole Rut, “Amma', nakana pole anjo taua akkullea' anrappung turus gandung siagang sikamma pajamana sa'genna le'ba' sikontu wassele' kokonna nikatto.”