RUT 2:10 - KITTA' MATANGKASA'

¹⁰ Nalangngere'na Rut anjo, su'ju'mi ri dallekanna Boas nampa angkana, “Bapa', tena nakusiratang antarimai anjo kabajikang kammaya battu ri katte. Inakke anne tau battu-battua', siagang tena nakusiratang kiparhatikang kamma!”

RUT 2:10 Referans Kwoze

1 SAMUEL 25:23

Nacini'na Abigail anjo Daud, akkaro-karomi naung battu ri keledaina nampa su'ju'

RUT 2:13

Appialimi Rut angkana, “Teai sipato' bajitta mae ri nakke Bapa', manna natena kusangkamma siagang pajama-jamata. Anjo somberetta teai sipato' nasaleorinna atingku.”

ROMA 12:10

Musti massing sikamaseang duduko sangkamma tau assari'battanga lalang se're balla'; kammayatompa massing sipirioloiko assare sallang.

LUKAS 1:48

Iami mangngu'rangi ri nakke, anne ata tuna duduNa! Anne kamma sikontu bansaya mangkana minne ri nakke, inakkemi tau mate'ne.

LUKAS 1:43

Inai tonga' anne, nabattukamma amma'Na Batara mae ri nakke?

2 SAMUEL 19:28

Sikontu kaluargana manggena atanta siratangi kihukkung mate, mingka anne inakke atanta ba'lalo kisarea' pangngellai sipangnganreang ri balla' kakaraenganga. Kamma-kamma anne tabaraniami atanta appala' ija apa-apa battu ri katte karaeng.”

2 SAMUEL 9:8

Su'ju'mi pole Mefiboset siagang nakana, “Apa todong anggaranna anne atanta! Angngapa kibajikkamma mae ri atanta anne karaeng?”

MATIUS 25:35

Nasaba' ri wattungKu cipuru' nusareA' kanre, ri wattungKu turere nusareA' je'ne inung. Ri wattungKu a'jari tau battu-battu nualleA' nupariballa'.

RUT 2:2

Ri se'reang allo akkanami Rut mae ri Naomi, “Amma' erokka' appala' kana mange anrappung gandung ia tu'guruka battu ri pakattoa. Tantu nia'ja tau ampa'bianga' appakamma anjo.” Appialimi Naomi angkana, “Baji'mi na', a'lampamako mange!”

PA'JARIANG 18:2

Accini' nai'na, nia'mo nacini' tallu tau ammenteng ri dallekanna. Akkaro-karomi Abraham ero' mange anruppai ke'nanga. Assu'ju'mi

RUT 2:11

Appialimi Boas angkana, “Le'ba'mi kulangngere' ngaseng sikamma apa le'baka nugaukang mae ri matoang bainenu appakkaramula ri matenamo bura'nennu. Kuassemmi angkanaya nubokoimi tau toanu siagang pa'rasangannu untu' battu mae anrinni ammantang siagang tau tenaya ngasempa nuassengi.

KAIMANGNGANG 19:34

Pasangkammai batenu appanggaukang mae ri ke'nanga siagang mae ri julu bansanu siagang kamaseangi ke'nanga sangkamma nukamaseanna batangkalennu. U'rangi angkanaya ikau le'ba' tonjako a'jari bansa tubattu-battu ri Mesir. INakke Karaeng Allata'alanu.

RUT 2:19

Nakanamo Naomi mae ri ia, “Kemae nugappa ngaseng anne sikammaya jaina? Ri kokonnako inai anjama anne alloa? Tapporo nibarakkaki ri Allata'ala anjo tau a'gau' bajika mae ri kau!” Jari nacarita ngasemmi Rut mae ri Naomi angkanaya anjo koko napattampakkia anrappung gandung iamintu kokonna sitau bura'ne niarenga Boas.

2 SAMUEL 7:18

Nampa antama' Karaeng Daud ri KemaNa Batara. Ammempoi nampa appala' doang angkana, “O, Batara Kaminang Tinggia, inakke siagang kaluargaku tena kusiratang antarimai sikontu kabajikang Kipappicinikanga mae ri nakke anne siapaya sallona.