RUT 1:1 - KITTA' MATANGKASA'

^1-2 Ri jammang riolo ri tenanapa karaenna tu Israel, nitutujui bala kacipurang pa'rasangang Kanaan. Anjo wattua nia' sitau bura'ne niareng Elimelekh. Ia assala'na battui ri bija Efrata, siagang anjorengi ri Betlehem ri daera Yehuda ammantang. Passabakkang anjo bala kacipuranga na'lampamo mange ri pa'rasangang Moab siagang bainenna, niarenga Naomi, siagang rua ana'na bura'ne iamintu niarenga Mahlon siagang Kilyon. Nampa ammantammo ke'nanga anjoreng. Na ri wattu nia'na ija ke'nanga anjoreng,

RUT 1:1 Referans Kwoze

PA'JARIANG 12:10

Mingka anjo wattua naallei kacipurang lompo taua ri butta Kanaan. Sa'genna pila' bellami jappana Abram a'lampa timboro', mange ri butta Mesir, nampa ammantang anjoreng sa'genna allalo anjo bala kacipurang lompoa.

PA'JARIANG 26:1

Anjo wattua naallemi cipuru' pa'rasanganga sangkamma apa le'baka kajariang ri jammanna Abraham. Mangemi Ishak andallekang ri Abimelekh, karaeng Filistin, ri Gerar, appala' ising untu' ammantang anjoreng.

YEHEZKIEL 14:13

punna nia' se're pa'rasangang doraka siagang tena namajarre' pa'mai'na mae ri Nakke, laKuhukkungi anjo pa'rasanganga. LaKuancuruki parsadiaang kanrena, lappabattuA' bala kacipurang siagang laKubunoi baji' rupataua kammayatompa olo'-oloka ri anjo pa'rasanganga.

HAKING-HAKING 17:8

Mingka kamma-kamma anne nabokoimi anjo kotaya, na'lampa a'boya pammantangang maraeng. Lalang ri pa'jappanna anjo battumi ri balla'na Mikha ri daera bulu'na Efraim.

KAIMANGNGANG 26:19

Teai sipato' tamponu, mingka laKupatundu' ngasengko. Tena nalabattu bosia, sa'genna a'jari kalotoro' siagang kassa' kamma bassi buttanu.

PA'JARIANG 43:1

Pila' sarrimmi kacipuranga ri Kanaan.

AMOS 4:6

INakkemi ampitujui kotanu bala kacipurang, mingka tammoterako mae ri Nakke.

PAMMUJI 105:16

Napabattui Batara kacipuranga ri anjo pa'rasanganga, na Naalle sikontu parsadiaang kanrea.

PAOLE 28:38

Jai bine nupakioro', mingka sike'de'ji wassele' nugappa, lanri la'busuki lamung-lamunnu nikanre ri katimbang.

YEHEZKIEL 14:21

Nakana Batara Kaminang Tinggia, “LaKupabattui appaka hukkungang kaminang hebaka mae ri Yerusalem untu' angngancuruki baji' narupataua kammayatompa olo'-oloka. Anjo appaka hukkungang iamintu: bundu', kacipurang, olo'-olo' sekke' siagang garring.

YEREMIA 14:1

Akkana kammai anne Batara ri passala'na wattu timoro' karri dudua.

PAMMUJI 107:34

Butta copponga Napa'jari parang ce'la buttana, lanri kaja'dallanna sikamma pandudu'na.

1 KARAENG-KARAENG 18:2

Jari a'lampami Elia. Anjo wattua teaimi sipato' sanna'na nataba bala kacipurang taua ri Samaria.

HAKING-HAKING 12:8

Le'ba'na Yefta, nipimpimmi umma' Israel ri Ebzan, battua ri Betlehem.

2 SAMUEL 21:1

Ri wattu ammarentana Daud, le'baki naalle cipuru' lompo taua tallun taung sallona. Nampa appala'mo pangngunju' Daud mae ri Batara lanri anjo passalaka, na Nakanamo Batara, “Anjo bala kacipuranga passabakkang kasalanna Saul siagang kaluargana, iamintu lanri nabunona tu Gibeon.”

HAKING-HAKING 17:7

Ia todong anjo wattua nia' se're turungka battu ri suku Lewi. Anjorengi ri Betlehem ri daera Yehuda ammantang riolo.

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

1 PATTOTTORANG 2:51

Salma ana' makaruana, iami ambangungi kota Betlehem; na Haref ana'na makatallua ambangungi kota Bet-Gader.

1 PATTOTTORANG 2:54

Salma, ambangungai kota Betlehem, iami boe-boena tu Netofa, tu Atarot-Bet-Yoab, siagang tu Zori, iamintu kalase'renna ri anne ruaya turunganga ammantang ri Manahti.