ROMA 9:33 - KITTA' MATANGKASA'

³³ Ri sesena anjo batua, nia' tattulisi' lalang ri Kittaka angkana, “U'rangi baji'-bajiki anne: Ri Sion nia' batu le'ba' Kuboli', la'jari sabaka natatto'ro taua; iamintu se're batu lompo, la'jari sabaka natu'guru' taua. Mingka inai-nai tappa' ri Ia tena nalala'ba' pa'mai'na.”

ROMA 9:33 Referans Kwoze

YESAYA 28:16

Lanri kammana anjo, kammaminne kananNa Batara Kaminang Tinggia, “LappadongkoKa' batu pa'dongkokang majarre' siagang makassa' ri Sion; se're batu pundasi ia ka'jalaka ballinna, niaka tulisanna angkana: ‘Inai-inai jarre' tappa'na, tena nalanibeta.’

ROMA 10:11

Nia' tattulisi' lalang ri Kittaka angkanaya, “Inai-nai tappa' tena nalanipakala'ba pa'mai'na.”

PAMMUJI 118:22

Batu nipelaka ri tukang-tukang bangunanga, a'jari batu tangnga.

ROMA 5:5

Anjo panrannuang kammaya tena nalanapakala'ba pa'maitta, nasaba' le'ba'mi nibonei atinta siagang pangngamaseanNa Allata'ala. Na anjo Nagaukangi Allata'ala tete ri Roh MalanynyinNa, le'bakamo Napassareang mae ri katte.

YESAYA 45:17

Mingka Israel Nipasalamaki ri Batara; lattahangi kasalamakkanna. Ikau ngaseng tena nulanipakasiri' siagang lanihina sa'genna satunggu-tungguna.’ ”

PAMMUJI 25:20

Jagaia' siagang Kipasalamaka', sollanna tena kunggappa siri' saba' ma'la'langa' mae ri Katte.

1 YOHANES 2:28

Jari, sikamma ana'-anakku, tuli asse're mako siagang Almasi lalang ri katallassannu, sollanna punna battui sallang, akkulle maki' andallekang mae ri Ia siagang barani; siagang tenamo nuero' accokko lanri siri'-siri'nu.

FILIPI 1:20

Iaji kukaerokia siagang kuminasaia, iamintu: tapporo tena sikali laloja nakusia-sia lalang ri jama-jamangku. Mingka tuli ma'minasaku, la'biangampa ri kamma-kammaya anne, sollanna akkulle a'jari barani nyawaku siagang batangkalengku – baji' na ri wattu attallasakku yareka ri wattu mateku – kupakala'biriki Almasi.

2 TIMOTIUS 1:12

Lanri kammanami anjo nakukasia'mo anne kasessang kammaya jaina; mingka tuli jarreki tappakku, nasaba' bajiki kuassenna angkana inai kupatappa'. Tappa' sikalia' angkanaya akkullei Nakatutui anjo apa le'baka Napappirannuang mae ri nakke sa'genna narapi' Allo Kiamaka.

MATIUS 21:44

Tau tu'guruka naung ri batua laancuruki; na tau nitujua ri batua lanijalla'-jallakkangi sa'genna a'jari limbu'bu'.]”

MATIUS 21:42

Jari Nakanamo Isa ri ke'nanga, “Tale'bakapi nubaca niaka tattulisi' lalang ri Kittaka angkanaya, ‘Batu tenaya napakei tukanga a'jarimi batu panjarreki. Iaminne Napareka Allata'ala; natamaka ga'gana!’ ”

YESAYA 54:4

Teako mallakki, talanipakasirikako; talanihinayako sa'gennu ammakkala' kacci. Lanukaluppai tamajarre'na tappa'nu ri wattu rungkanu; tanuu'rangiami sinona nukasia' ri wattunnu rapang janda.

PAMMUJI 119:116

Kipakajarreka' situru' janjinTa sollangku attallasa', teaKi' balang parekangia' nila'bai pa'maikku lalang ri panrannuangku.

ROMA 10:1

Sikamma sari'battangku ngaseng! Sanna' ma'minasaku sollanna nipasalama' ngaseng sikontu bansaku. Nasanna'mo bateku ampappala' doangangi ke'nanga mae ri Allata'ala.

GALATIA 5:11

Na inakke, sari'battangku ngaseng, apa saba'na nakutuli nimusu punna kubirittakang angkanaya parallui anjo paratoranna sunnaka? Punna kamma memang anjo kubirittakanga, tenamo na'jari passala' punna kubirittakang anjo Salli'Na Almasi.