ROMA 9:3 - KITTA' MATANGKASA'

³ passabakkang julu bansaku. Nasaba' untu' ike'nammi nakurella todong anggappa pangngalarroi battu ri Allata'ala siagang nisa'la' battu ri Isa Almasi.

ROMA 9:3 Referans Kwoze

KALAPPASSANG 32:32

Poro Kipammopporang laloi dosana ke'nanga; punna tena, lu'lu'mi arengku battu kitta'na sikamma tau attallasaka.”

ESTER 8:6

Antekamma lakkulle naparrangngi atanta anciniki bansana siagang bija pammanakanna niputta?”

ROMA 11:14

Kuminasai nakuakkulle ampa'jari akkimburu bansaku mae ri bansa maraenga, sollanna akkulle a'jari saba' nakuakkulle ampasalamaki sipa'rua ke'nanga.

GALATIA 3:10

Sikamma tau tanjenga mae ri hukkung-hukkung agamaya, laniparawa ngasengi ri pangngalarroiNa Allata'ala. Nasaba' nia' tattulisi' lalang ri Kittaka angkanaya, “Inai-nai tena najarre' anggaukangi apa-apa tattulisika lalang ri Kitta' Hukkung Agamaya, langgappai pangngalarroi battu ri Allata'ala!”

1 KORINTUS 16:22

Inai-nai tena namangngamaseang mae ri Batara, lappassammi anggappa pangngalarroi! Maranatha – O, Batara, battu maKi' linta'!

GALATIA 3:13

Mingka le'ba' maki' Napakabella Almasi battu ri pangngalarroiNa Allata'ala lanri hukkung-hukkung agamaya. Napassareammi KalenNa nituju ri pangngalarroia passabakkang ikatte. Nasaba' nia' tattulisi' lalang ri Kittaka angkanaya, “Cilakami tau mate nigentunga irate ri kayu sallika.”

GALATIA 1:8

Lappassammi nihukkung ri Allata'ala anjo tau ambirittakangai “kabara' baji'” simmaraenga siagang Kabara' Baji' nabirittakanga ikambe. Manna pole na ikambe anjo taua, yareka malaeka' battu ri suruga!

1 KORINTUS 12:3

Musti nuassengi angkanaya tau nipimpinga ri RohNa Allata'ala takkulleai angkana, “Poro nitunra laloi Isa!” Kammayatompa tenanniakka tau akkulle angkana, “Iami anjo Isa Batara!” punna tanipimpinga ri RohNa Allata'ala anjo taua.

ROMA 11:1

Erokka' akkuta'nang: Maka Napela'mi Allata'ala umma' KalenNa? Tantu tena! Inakke kalengku bansa Israelka', sossoranna Abraham, siagang battu ri suku Benyamin.

LAMPA-LAMPANA 13:26

Sossoranna ngasengko Abraham. Siagang sikamma sari'battang maraenganga anrinni anynyombai mae ri Allata'ala! Napabattumi Allata'ala mae ri katte anjo kabara' kasalamakkanga;

1 SAMUEL 14:44

Nakanamo Saul ri ia, “Tapporo Nahukkunga' Allata'ala punna tena nihukkung mateko Yonatan!”

1 SAMUEL 14:24

Anjo alloa lamma ngasemmi kalenna tu Israel napakamma cipuru', lanri le'baki assumpa Saul angkana, “Cilakai tau angnganrea manna apa-apa mamo anne alloa, punna tenapa nakubalasaki boli'-bolikku ri musungku.” Lanri kammana anjo, manna sitau tena nia' angnganre anjo alloa.

PAOLE 21:23

anjo mayaka takkulleai niboli' anjoreng sila'busu' bangngi, mingka musti nitarawang memangi anjo wattua. Maya' ammantanga ta'gentung ri bentenga appabattui pattunra battu ri Allata'ala mae ri anjo pa'rasanganga. Jari, tarawangi anjo mayaka sollanna tena nara'massi pa'rasangang Napassareanga Karaeng Allata'alanu mae ri kau.

PA'JARIANG 29:14

nakanamo Laban, “Kammatojengi, ikau bija ma'reppesekko ri nakke.” Ammantammi Yakub ri anjo ballaka sibulang sallona.

2 SAMUEL 18:33

Nalangngere'na anjo kabaraka, sanna'mi si'nana nyawana karaenga, nampa nai'mo ri kamaraka irateanna pakke'bu' lompoa angngarru' nakana, “O anakku! Anakku Absalom! Absalom anakku! Bajikangngang inakkemo mate ansambeangko, anakku! Absalom, anakku!”

LAMPA-LAMPANA 22:5

Kalenna imang lompoa siagang sikontu anggotana Pangadelang Agamaya akkulle a'jari sa'bi angkanaya tena ku'balle-balle. Nasaba' iaminjo ke'nanga le'ba' assarea' sura' koasa, kueranga mae ri tu Yahudi niaka ri Damsyik. Anjo sura' koasaya akkullei kupare' panna'gallang untu' anjakkalaki sikamma tau tappaka mae ri anjo pangngajarang berua, ri Damsyik, nampa kuerang ke'nanga mange ri Yerusalem sollanna nihukkung.”

LAMPA-LAMPANA 28:21

Nakanamo ke'nanga ri Paulus, “Tena le'bakapaki' annarima sura' manna silawara' battu ri Yudea ri passala'na batangkalennu. Siagang tenapa manna sitau battu mae anrinni angngerangi kabara'nu, yareka ambicara kodiko.

ROMA 1:3

Naia bonena anjo Kabara' Bajika iamintu ri passala'na Ana'Na Allata'ala, Batara Isa Almasi. Lalang rupatauna, Iami sossorang battu ri Daud;

ROMA 9:2

Sanna' si'nana siagang pa'risi'na atingku,

ROMA 16:7

Pabattu tongi sallangku mae ri Andronikus siagang Yunias. Anjo ke'nanga a'julu pa'rasangangi siagang a'julu bansai siagang inakke, kammayatompa le'baki ke'nanga nitarungku siagang inakke. Ri tenanapa kutappa' mae ri Almasi, rioloangammi ke'nanga tappa'. Masahoroki ke'nanga mae ri sikamma tunisuroNa Allata'ala.

ROMA 16:11

kammayatompa mae ri Herodion, julu pa'rasangangku siagang julu bansaku. Kammayatompa pole sallangku mae ri sikamma julu tappatta niaka ri balla'na Narkisus.

ROMA 16:21

Agangku Timotius, appikatui sallang mae ri kau ngaseng. Kammayatompa Lukius, Yason siagang Sosipater, iamintu julu pa'rasangangku siagang julu bansaku.

2 KORINTUS 12:15

Lanri kammana, rellami nyawaku ero' angkoro'bangkangi sikontu katallassangku untu' ikau ngaseng. Ba'lalo manna sa'genna batangkalengku rella tonja' angkoro'bangkangi untu' ikau. Punna kamma anjo batenu kukarimangngi, maka siratangi punna kurang nukarimangngia'?

GALATIA 1:9

Le'ba'mi kupau pirangalloang, nakamma-kamma anne sikalipi pole kupau angkanaya: Anjo tau ambirittakangai mae ri kau “kabara' baji'” simmaraenga siagang Kabara' Baji' le'baka nutarima battu ri kambe, anjo tau kammaya musti nihukkungi ri Allata'ala!

EFESUS 6:5

Ikau a'jari pajamaya! Turuki parentana pinggawanu ri anne linoa. Gaukangi anjo parentana siagang lompo pangngali', malla', kammayatompa attojeng-tojeng, sanrapang angkanaya anjo sikammaya nugaukangi mae ri KalenNa Almasi.