ROMA 8:2 - KITTA' MATANGKASA'

² Nasaba' hukkung battua ri RohNa Allata'ala ampasileoki katallassanta siagang Isa Almasi; Iami allappassangki' battu ri hukkung angngerangaki' mae ri dosaya siagang kamateanga.

ROMA 8:2 Referans Kwoze

ROMA 6:14

Takkullea mako nikoasai ri dosaya, nasaba' tenamo nurawanganna hukkung-hukkung agama Yahudia attallasa', passangalinna irawanganna mako pangngamaseanNa Allata'ala.

2 KORINTUS 3:17

Jari, nikanaya Batara anrinni iamintu Roh. Na kere-keremae nia' RohNa Batara, anjoremmi nia' kalappassang.

ROMA 6:18

Le'ba' mako nilappassang battu ri dosa-dosaya, nakamma-kamma anne a'jari ata mako mae ri ero'Na Allata'ala.

2 KORINTUS 3:6

Iami assarei pakkulle ikambe a'jari palayang untu' parjanjiang berua; iamintu parjanjiang tatta'galaka ri RohNa Allata'ala, jari teai ri hukkung tattulisika. Nasaba' anjo tattulisika angngerangi kamateang, mingka anjo RohNa Allata'ala angngerangi katallassang.

1 KORINTUS 15:45

Nia' tattulisi' lalang ri Kittaka angkanaya, “tau riolo dudua, iamintu Adam, a'jari tu mattallasa',” mingka ia Adam kala'busanga iamintu Roh assarea katallassang.

YOHANES 8:36

Lanri kammana minjo, punna tena nilappassangko ri Anaka, tena nulalappasa' tojeng-tojeng.

YOHANES 8:32

lanuassemmi Allata'ala tojenga, siagang lanri kammana minjo nula'jari maradeka.”

ROMA 7:4

Sangkamma ngaseng tomminjo mae ri kau, sari'battangku ngaseng. Sanrapang mate ngaseng mako mae ri hukkung agama Yahudia lanri nipasileo'mi tallasa'nu siagang Isa Almasi, le'baka attallasa' ammotere' battu ri kamateanga; Iami ampatangi katallassannu. Nipattallasa' poleangi ammotere' battu ri kamateanga, sollanna akkulle a'jari a'matu-matu katallassanta mae ri Allata'ala.

ROMA 6:22

Mingka kamma-kamma anne nilappassang mako battu ri dosa-dosaya, siagang a'jari mako atanNa Allata'ala. Naia passawallang nugappaya iamintu angkanaya nupassareammi tallasa'nu mae ri Allata'ala, siagang iaminjo langngerang wassele' katallassang sitojennaya siagang katallassang satunggu-tunggua.

YOHANES 6:63

Assareai katallassang rupataua iamintu RohNa Allata'ala. Tena matu-matunna kagassinganna rupataua. Kana-kana Kupabattua ri kau ngaseng iamintu kana-kana RohNa Allata'ala, assarea katallassang.

YOHANES 4:14

Mingka inai-nai angnginungi je'ne' Kupassareanga, tenamo nalaturere sa'genna satunggu-tungguna. Nasaba' anjo je'ne' laKupassareanga la'jarimi timbuseng je'ne' lalang ri kalenna, tassolonga assulu' na napassareang katallassang satunggu-tunggua.”

YOHANES 4:10

Appialimi Isa Nakana, “Ka'de' nanuasseng passareNa Allata'ala, siagang nanuasseng todong angkana inai appalaka je'ne' ri kau, mattantu ikau kalennu lappala' je'ne ri Ia, na Nasareko je'ne' katallassanga.”

GALATIA 5:1

Kamma-kamma anne bebasa' maki', lanri le'ba' maki' Nalappassang Almasi! Lanri kammana, attahang mako ri kabebasannu; teako ero' poleangngi nipa'jari ata.

GALATIA 2:19

Mingka le'ba'ma' mate mae ri hukkung-hukkung agamaya – iaminjo hukkung agamaya ambunoa' – sollangku akkulle attallasa' untu' Allata'ala. Le'ba'ma' nipasisalli' siagang Almasi.

ROMA 5:21

Jari sangkamma angkanaya musti mateki' passabakkang nigaukanna dosaya, sangkamma tomminjo Nasare maki' oloang Allata'ala sollanta assibajiki ammotere' siagang Ia, lanri mangngamaseanNa mae ri katte. Na lanri baji'mi ammotere' passisambunganta siagang Allata'ala, laNasare tommaki' katallassang mannannungang tete ri Isa Almasi, Batarata.

ROMA 7:21

Jari, kubodoimi kanangku angkanaya iaminjo hukkung-hukkunga angngatoroki kalengku: iamintu angkanaya punna erokka' anggaukangi apa bajika, kajarianna apa ja'dalakaji ammumba ri kalengku.

PAMMUJI 51:12

Pa'jarianga' ati maci'nong untu' inakke, o, Allata'ala, Kiberui atingku siagang sumanga' sa'bara'.

PAPPICINI' 22:1

Napicinikiang tomma' anjo malaekaka binanga assarea katallassang je'ne'na. Anjo binangaya accillaki je'ne'na sanrapang kaca a'lo'loroka battu ri empoang kala'biranNa Allata'ala siagang battu ri anjo Ana' Gimbalaka,

ROMA 3:27

Lanri kammana, tenamo oloanta latinggi-tinggi pa'mai'. Angngapa nakamma? Nasaba' tenanamo nanigaukangi apa-apa tattulisika lalang ri hukkung-hukkung agama Yahudia? Teai! Passangalinna lanri tappattamo.

PAPPICINI' 11:11

Le'baki tallungallo assitangnga sallona, battumi nyawa attallasa' battua ri Allata'ala, nantama' poleang ri kalenna anjo ruaya na'bi. Ammentemmi nai' ke'nanga, sa'genna a'jari malla' sikalimo sikontu tau ancinikai.

ROMA 7:23

mingka kuassengi angkanaya nia' todong hukkung maraeng lalang ri kalengku angngatoroki kalengku – iamintu hukkung assisalaya siagang hukkung natarimaya pikkirangku. Iaminjo saba'na nakutassikko'mo mae ri hukkung dosa makoasaya mae ri kalengku.

ROMA 8:1

Kamma-kamma anne tenamo hukkungang lantabai tau assileokamo katallassanna siagang Isa Almasi.

ROMA 16:3

Pabattuanga' sallangku mae ri Priskila siagang Akwila, le'baka kuagang anjama untu' Isa Almasi.

GALATIA 6:2

Paralluko situlung-tulung antanggongi susana parannu tau, nasaba' lanri kammanami anjo nanugaukammo apa Napassuroanga Almasi.

YAKOBUS 1:25

Anjo hukkunNa Allata'ala sukkuki siagang makoasai untu' ampakabebasaki rupataua. Na inai-nai ansalidiki siagang amparhatikang baji'-bajiki kammayatompa anggaukangi anjo hukkung-hukkunga, jari tena na nalangngere'ja bawang nampa nakuluppai, iami lanibarakkaki ri Allata'ala lalang sikontu apa-apa nagaukanga.