ROMA 8:16 - KITTA' MATANGKASA'

¹⁶ RohNa Allata'ala siagang rohna kalenta ampa'nassai angkanaya a'jari maki' ana'-ana'Na Allata'ala.

ROMA 8:16 Referans Kwoze

1 YOHANES 4:13

Lanri le'ba'mi Napassareang RohNa Allata'ala mae ri katte, jari niassemmi angkanaya asse're maki' lalang katallassanta mae ri Allata'ala, siagang asse'remi Allata'ala mae ri katallassanta.

2 KORINTUS 1:22

Untu' iaminjo nakile'ba'mo Nasare pammatei a'jari taunNa, siagang Napassareang RohNa antama' ri atinta. Iaminjo a'jari pammatei pannanggongi angkanaya laNapassareang ngasengi Allata'ala sikontu apa le'baka Napa'janjiang.

2 KORINTUS 5:5

NaKalenNa Allata'ala ampasadiaki', siagang Iami assareki' RohNa a'jari pammatei pannanggonginNa ri katte.

EFESUS 1:13

Ikau ngaseng, a'jari tommako umma'Na Allata'ala ri wattunna nulangngere' pasanNa Allata'ala, iamintu Kabara' Baji' assareako kasalamakkang. Tappakko mae ri Isa Almasi iaminjo naNasareko pammatei Allata'ala ma'nassana taunNako, iamintu RohNa, le'baka Napa'janjiang.

ROMA 8:26

Kamma tomminjo, punna lammaki', battui RohNa Allata'ala antulungki'. Nasaba' taniassengai angkana antekamma bateta musti appala' doang; Iaminjo Roh mange andallekang ri Allata'ala sannaka batena ampappalakkangki', sa'genna taniassengamo ikatte nipau anjo apa parallua nipala'.

EFESUS 4:30

Teako pa'jari si'nai atinNa RohNa Allata'ala. Le'ba' mako nisare pammatei mattantu ri RohNa Allata'ala, ma'nassanu a'jarimo taunNa Allata'ala. Ia tommi anjo RohNa Allata'ala a'jari pammatei janji majarre' angkanaya labattui mae ri kau Allo Kalappassanga.

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

ROMA 8:23

Ba'lalo teai linoa bawang akkunrareng; passangalinna manna ikatte akkunrareng tongi lalang atinta. Le'ba'mi nitarima RohNa Allata'ala. Iaminjo passare uru-uruNa Allata'ala. Mingka attayangijaki', sollanna nilappassang todong sikontu batangkalenta ri Allata'ala siagang Napa'jariki' ana'-ana'Na.

1 YOHANES 5:10

Lanri kammana, inai-nai tappa' ri Ana'Na Allata'ala, natarimami anjo kasa'bianga lalang ri atinna; mingka inai-nai tena natappa' mae ri Allata'ala, nacini' paballe-ballemi Allata'ala, nasaba' tena napatappaki bicaranNa Allata'ala ri passala'na anjo Ana'Na.

PAOLE 14:1

“Ikaumi umma'Na Karaeng Allata'alanu. Jari punna susako lanri kamateangko, teako loko'-lokoki batangkalennu yareka teako cukkuruki bageang dallekanna ulunnu sangkamma nagaukanga bansa-bansa maraenga.

HOSEA 1:10

Bansa Israel la'jari sanrapangi kassika ri tamparanga jaina, sa'genna takkullea nibaku' yareka nirekeng. Kamma-kamma anne Nakana Allata'ala ri ke'nanga, “Ikau teaiko ummakKu,” mingka lanarapiki sallang wattunna nalaNakana ri ke'nanga, “INakkemi Allata'ala mattallasaka siagang ikaumi ana'-anakKu!”

MATIUS 5:9

Mate'nei tau mappasiamaka paranna tau; nasaba' iami laniakui ri Allata'ala a'jari ana'-ana'Na!

LUKAS 20:36

Lasangkammami malaeka' siagang talamateami ke'nanga. La'jarimi ana'-ana'Na Allata'ala ke'nanga, nasaba' nipattallasa' poleammi ke'nanga battu ri kamateanga.

YOHANES 1:12

Mingka nia' todong tau antarimai na tappa' ri Ia, nisarei pangngellai a'jari ana'Na Allata'ala,

LAMPA-LAMPANA 5:32

Ikambe minne a'jari sa'bi ri yangasenna anjo passalaka – ikambe siagang pole RohNa Allata'ala, Napassareanga Allata'ala mae ri tau mannurukia ri parentaNa.”

ROMA 8:14

Inai-nai nirurungang ri RohNa Allata'ala, iami ana'-ana'Na Allata'ala.

ROMA 8:19

Sikontu linoa sanna' ngasemmi manakku'na antayangi angkanaya kerepi wattu naNapa'nyata Allata'ala kala'birang laNapassareanga mae ri ana'-ana'Na.

ROMA 9:8

Battuang kana, sossoranna Abraham a'jaria ana'-ana'Na Allata'ala, iaji bawang sossorang nilassukanga lanri janjinNa Allata'ala; jari tena nasossoranna ngaseng.

ROMA 9:26

Siagang kere-keremae tampa' nikanaya ri taua, ‘Teaiko ummakKu,’ anjoremmi taua laniareng ana'-ana'Na Allata'ala attallasaka.”

2 KORINTUS 6:18

La'jariMa' Manggenu, nula'jari ana'-anakKu, kammami anjo kananNa Batara Kaminang Makoasaya.”

GALATIA 3:26

Lanri tappa' mako mae ri Isa Almasi, a'jari se'remi tallasa'nu mae ri Ia; na lanri kammana, a'jari mako ana'-ana'Na Allata'ala.

GALATIA 4:6

Nasaba' ana'-ana'Naki' Allata'ala, Nasuromi RohNa Ana'Na Allata'ala antama' ri atinta; iamintu Roh angkanaya, “Bapakku, o Bapakku.”

1 YOHANES 3:1

Coba sai cini'! Teai sipato' Nakamaseanta Allata'ala, sa'genta niareng ana'-ana'Na Allata'ala; na kamma memang tongi, ikatte anne ana'-ana'Naki' Allata'ala. Iaminjo saba'na natena napahangki' anne lino ja'dalaka, nasaba' anne linoa tanaassengai Allata'ala.

1 YOHANES 3:2

Sikamma sari'battangku sannaka kukarimangnginna! Ikatte kamma-kamma anne ana'-ana'Na maki' Allata'ala, mingka antekamma kajarianta sallang, tenapa na'nassa. Mingka niassengi angkanaya punna battu sallang Almasi, la'jari sangkamma maki' Ia, nasaba' lanicini'mi kalenta sitojeng-tojennaya.

1 YOHANES 3:10

Iaminne sisalana ana'-ana'Na Allata'ala siagang ana'-ana'na Billisika: inai-nai tena nagaukangi ero'Na Allata'ala, yareka tena nakamaseangi paranna tau, anjo taua teai ana'Na Allata'ala.

PAPPICINI' 21:7

Tau ammetaya lanatarima ngasengi yangasenna anjo battu ri Nakke. INakke la'jari Allata'alana siagang ia la'jari anakKu.