ROMA 7:24 - KITTA' MATANGKASA'

^24-26 Jari kammaminjo katallassangku: kuturuki hukkung-hukkung battua ri Allata'ala, siagang pikkirangku, mingka sipa'-sipa' ma'rupatauku mannuruki mae ri dosaya. Teai sipato' cilakaku anne! Inaimi ero' ampasalamaki anne batangkalengku, eroka mange ri kamateanga? Sukkuruka' mae ri Allata'ala! Nasaba' Iami ampasalamakka' tete ri KalenNa Isa Almasi.

ROMA 7:24 Referans Kwoze

ROMA 6:6

Niassemmi angkanaya nipasibunomi sipa'-sipa' kodi rupatauta salloa ri wattunna nibuno Isa ri kayu sallika, sollanna a'jari ancuru' koasana sipa'-sipa' kodita; lanri kammana, tenamo nanapare' ataki' dosaya.

2 TIMOTIUS 4:18

Memang, tuli laNalappassanga' Batara battu ri sikontu usaha ja'dalaka mae ri kalengku. LaNaeranga' siagang salama' antama' ri KakaraenganNa ri suruga. Poro nipakala'biriki sa'genna satunggu-tungguna! Aming.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

ROMA 8:2

Nasaba' hukkung battua ri RohNa Allata'ala ampasileoki katallassanta siagang Isa Almasi; Iami allappassangki' battu ri hukkung angngerangaki' mae ri dosaya siagang kamateanga.

PAMMUJI 102:20

Acciniki Batara battu rate ri tampa' tinggina, battu ri suruga attoa' naung ri lino

PAPPICINI' 21:4

LaNasapui sikamma je'ne' mata niaka ri matanna ke'nanga. Tenamo nalania' kamateang; tenamo si'na, karru', kammayatompa garringa latena ngaseng tommi. Sikontu apa-apa salloa lanynya' ngasemmi.”

IBRANI 2:15

Kammami anjo caraNa ampakabebasaki sikontu tau nipa'jari ataya lalang sikontu tallasa'na, lanri malla'na mae ri kamateanga.

ROMA 8:26

Kamma tomminjo, punna lammaki', battui RohNa Allata'ala antulungki'. Nasaba' taniassengai angkana antekamma bateta musti appala' doang; Iaminjo Roh mange andallekang ri Allata'ala sannaka batena ampappalakkangki', sa'genna taniassengamo ikatte nipau anjo apa parallua nipala'.

ROMA 8:13

Nasaba' punna niturukiang ero'na sipa'-sipa' rupataua ma'nassa lamateko; mingka punna lanri koasaNa RohNa Allata'ala natuli nupamate panggaukang-panggaukang dosanu, ma'nassa lattallasakko.

LUKAS 4:18

“Niaki RohNa Batara ri KalengKu, Nasaba' le'ba'Ma' Nalanti' untu' ambirittakangi Kabara' Bajika mae ri tu kasi-asia. NasuroA' battu untu' ampa'la'bangi biritta kalappassanna tu nitarungkua siagang lamaccini'na tu butaya; untu' allappassangi tu nijallakkanga

PAMMUJI 72:12

Saba' nalappassangi tu nijallakkanga siagang tu tenaya pakkullena, siagang akkioki tu kasi-asia mae ri ia.

KOLOSE 2:11

Le'ba' mako nisunna' lanri asse're mako siagang Almasi; mingka teai sunna' nagaukanga rupataua, passangalinna sunna' Nagaukanga Almasi, le'baka allappassangko battu ri kakoasanna sipa'-sipa' dorakaya.

MATIUS 5:6

Mate'nei tau attojeng-tojenga ero' anggaukangi ero'Na Allata'ala; nasaba' iami lanipasukku' tallasa'na ri Allata'ala!

MIKHA 7:19

LamangngamaseangKi' pole mae ri kambe siagang Kipammopporangi ikambe. LaKionjo'-onjokangi dosa-dosana ikambe nampa Kipasambila antama ri rawanganna tamparanga!

PAMMUJI 119:20

Pa'risiki pa'maikku napakamma nakku', sikontuna wattu erokka' angngassengi hukkunTa.

PAMMUJI 71:11

Nakana ke'nanga, “Nibokoimi ri Allata'ala; umba naniondangi siagang nijakkalaki, saba' tenamo lampasalamaki.”

PAMMUJI 6:6

Saba' lalang ri lino kamateang taniu'rangia maKi'; tenamo tau mammuji ri Katte lalang linona tu matea.

1 KARAENG-KARAENG 8:38

poro Kipilangngeri pappala' doanna ke'nanga. Punna battu ri ummatTa Israel nia' si'na appala' doang ri Katte nanapatara limanna mae ri anne balla' passambayanganga,

MATIUS 5:4

Mate'nei tau susaya pa'mai'na; nasaba' iami lanisaleori ri Allata'ala!

YEHEZKIEL 9:4

“A'lampako mange ri sikontu kotaya siagang sarei pammatei abanna sikamma tau si'naya siagang susaya pa'mai'na lanri anjo panggaukang appakaringika ri anjo kotaya.”

PAMMUJI 119:176

Sala oloanga' sanrapang gimbala' tappelaka, jari battu maKi', na Kiboya anne atanTa, saba' tena kubalang parekangi sikamma parentaTa.

PAMMUJI 119:143

Nitujua' ri kasukkarrang siagang kasusaang, mingka katantuanTa ampakarannui pa'maikku.

PAMMUJI 119:131

Ta'rosa'-rosaki nappasakku, lanri nakkukku mae ri parentaTa.

PAMMUJI 88:5

Sanrapanga' tau lanaunga ri kali'bong kuburuka, tau tenayamo kagassinganna.

PAMMUJI 38:2

O, Batara, teaKi' hukkungia' lalang kalarroanTa, teaKi' sessaia' lalang kalarroanTa.

ROMA 8:23

Ba'lalo teai linoa bawang akkunrareng; passangalinna manna ikatte akkunrareng tongi lalang atinta. Le'ba'mi nitarima RohNa Allata'ala. Iaminjo passare uru-uruNa Allata'ala. Mingka attayangijaki', sollanna nilappassang todong sikontu batangkalenta ri Allata'ala siagang Napa'jariki' ana'-ana'Na.