ROMA 7:21 - KITTA' MATANGKASA'

²¹ Jari, kubodoimi kanangku angkanaya iaminjo hukkung-hukkunga angngatoroki kalengku: iamintu angkanaya punna erokka' anggaukangi apa bajika, kajarianna apa ja'dalakaji ammumba ri kalengku.

ROMA 7:21 Referans Kwoze

ROMA 7:23

mingka kuassengi angkanaya nia' todong hukkung maraeng lalang ri kalengku angngatoroki kalengku – iamintu hukkung assisalaya siagang hukkung natarimaya pikkirangku. Iaminjo saba'na nakutassikko'mo mae ri hukkung dosa makoasaya mae ri kalengku.

IBRANI 2:17

Jari battuanna, angkanaya Iami musti a'jari sangkamma sari'battanNa ngaseng lalang ri sikontu-kontuna. Siagang lanri kammanami anjo nakkullemo a'jari Imang Malompo, Ia tamalanrea siagang lompo pangngamaseanga. Battu ri iaminjo palayananNa nakkullemo nipammopporang dosana rupataua.

ROMA 8:2

Nasaba' hukkung battua ri RohNa Allata'ala ampasileoki katallassanta siagang Isa Almasi; Iami allappassangki' battu ri hukkung angngerangaki' mae ri dosaya siagang kamateanga.

ROMA 6:14

Takkullea mako nikoasai ri dosaya, nasaba' tenamo nurawanganna hukkung-hukkung agama Yahudia attallasa', passangalinna irawanganna mako pangngamaseanNa Allata'ala.

ROMA 6:12

Tea' mako pole pa'biangi nikoasai tallasa'nu ri dosaya ilalang ri anne linoa, sollanna tena nanuturukiangi ero' kaja'dallanna.

PAMMUJI 119:133

Kipakajarreki dakkaku situru' janjinTa, teaKi' balang parekangia' nikoasai ri kaja'dallanga.

2 PETRUS 2:19

Najanjimi taua kabebasang anjo guru-guru takontutojenga, nakalenna ke'nanga nipare' ata iji ri kabiasang ampanrakiai rupataua; nasaba' inai-nai nibeta battu ri se'reang apa-apa, iami nipare' ata battu ri anjo ambetayai.

IBRANI 4:15

Anjo Imang Malompota teai imang tenaya nakkulle amminawang angkasiaki kapa'risanta. Passangalinna, le'ba' tommi Nataba paccoba lalang a'rupa-rupa passala', sangkamma todong massing-massing ikatte; iaji bawang tena Nagaukangi dosaya!

YOHANES 8:34

Nakanamo Isa ri ke'nanga, “Tojeng-tojengi anne kanangKu. Inai-nai a'gau' dosa, nipare' atami ri dosaya.

PAMMUJI 119:37

Kijagaia' sollanna tena kuondangi apa tenaya matu-matunna, Kisarea' tallasa' situruka erotTa.

LUKAS 4:1

Antama'mi RohNa Allata'ala ri KalenNa Isa ri wattunna assulu' battu ri Binanga Yordan. Nampa nipimping ri RohNa Allata'ala a'lampa mange ri parang lompoa.

PAMMUJI 65:3

Saba' iKatte ampilangngeri pappala' doanga; battu ngasengi taua mae ri Katte lanri dorakanamo.

PAMMUJI 40:12

O, Batara, teaKi' ammari angkamaseanga'; tuli Kijagaia' siagang pangngamaseanTa na tamamminraTa.