ROMA 6:6 - KITTA' MATANGKASA'

⁶ Niassemmi angkanaya nipasibunomi sipa'-sipa' kodi rupatauta salloa ri wattunna nibuno Isa ri kayu sallika, sollanna a'jari ancuru' koasana sipa'-sipa' kodita; lanri kammana, tenamo nanapare' ataki' dosaya.

ROMA 6:6 Referans Kwoze

GALATIA 2:20

Kamma-kamma anne teaimi kalengku attallasa' mingka Almasi attallasa' ri kalengku. Anne katallassang niaka ri nakke kamma-kamma anne, iamintu katallassang matappa' mae ri Ana'Na Allata'ala, mangngamaseanga ri nakke, siagang le'baka angkoro'bangkangi KalenNa untu' katallassangku.

EFESUS 4:22

Lanri kammana, pela'mi anjo sipa'-sipa' rupatau allalonu, nipanrakia ri kaerokang appa'lingu-lingua.

GALATIA 5:24

Inai-nai a'jarimo taunNa Almasi, matemi sipa'-sipa' rupatauna siagang sikamma ero' napasu rupatauna.

GALATIA 6:14

Mingka inakke tena sikali lakkulle kukalompoang pa'mai', pantaranganna Batarata Isa Almasi, le'baka mate nisalli'. Nasaba' lanri le'ba'Namo mate ri kayu sallika, natenamo anggaranna anne linoa mae ri nakke. Na inakke sanrapamma' tau mateamo mae ri anne linoa.

KOLOSE 3:5

Lanri kammana, bunomi sikontu ero' pakkalinoannu, tuli ansusaiyai kalennu; kammaya pa'gau' bawanganga, kabamballanga, hawa napasua, cinnaya a'gau' ja'dala', siagang kangoang (nasaba' anjo angngoaya sangkammai siagang anynyombaya barhala).

ROMA 8:13

Nasaba' punna niturukiang ero'na sipa'-sipa' rupataua ma'nassa lamateko; mingka punna lanri koasaNa RohNa Allata'ala natuli nupamate panggaukang-panggaukang dosanu, ma'nassa lattallasakko.

ROMA 6:22

Mingka kamma-kamma anne nilappassang mako battu ri dosa-dosaya, siagang a'jari mako atanNa Allata'ala. Naia passawallang nugappaya iamintu angkanaya nupassareammi tallasa'nu mae ri Allata'ala, siagang iaminjo langngerang wassele' katallassang sitojennaya siagang katallassang satunggu-tunggua.

ROMA 6:12

Tea' mako pole pa'biangi nikoasai tallasa'nu ri dosaya ilalang ri anne linoa, sollanna tena nanuturukiangi ero' kaja'dallanna.

YESAYA 26:13

Le'baki ikambe nikoasai ri karaeng-karaeng maraeng, mingka iKatteji bawang naakui ikambe, o, Karaeng Allata'alana ikambe!

2 KARAENG-KARAENG 5:17

Nampa nakanamo Naaman, “Punna kamma tenana kiero' antarimai passareku, kipa'biamma' angngerang butta siapa-siapa jaina akkulle naerang siayoka bagal. Nasaba' appakkaramula anne wattua tuli lassarea' koro'bang untu' Batara bawang, teai untu' rewata maraengannaya.

ROMA 7:14

Niassemmi angkanaya anjo hukkung-hukkung agama Yahudia battu ri Allata'ala assala'na; mingka inakke anne lammai batangkalengku. Le'ba'ma' nibalukang untu' a'jari ata mae ri dosa-dosaya.

2 KORINTUS 5:14

PangngamaseanNami Almasi makoasa mae ri kambe; nanaassemmo ikambe angkanaya punna matemo tau se'rea untu' kaparalluanna sikontu rupataua, anjo battuanna angkanaya mate ngasemmi sikontu rupataua.

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.