ROMA 6:21 - KITTA' MATANGKASA'

²¹ Anjo wattua apa passawallang nugappa ri anjo panggaukang appakasirika? Poro kamateang bawang naerang anjo panggaukang-panggaukang kammaya!

ROMA 6:21 Referans Kwoze

ROMA 1:32

Naassenji ke'nanga angkanaya siratangi nihukkung mate situru' hukkunNa Allata'ala tau a'gau' kammaya ngaseng anjo. Mingka manna nakamma nagaukang tonji ke'nanga panggaukang-panggaukang kammaya; ba'lalo nasitujui tongi ke'nanga a'gau' kamma todong tau maraenga.

ROMA 7:5

Nasaba' katallassanta riolo, ero' batangkalenta bawang niturukiang. Anjo wattua ammumbai cinnata a'gau' dosa lanri nia'na anjo hukkung-hukkung agamaya angngatoroki kalenta. Iaminjo saba'na nanigaukammo panggaukang angngeranga mange ri kamateanga.

ROMA 6:23

Nasaba' pahalana dosaya iamintu kamateanga; mingka pangngamaseang Napassareang bawang-bawanga Allata'ala, iamintu katallassang sitojennaya siagang katallassang satunggu-tunggua lalang ri Isa Almasi, Batarata.

PANGNGEBARANG 14:12

Nia' oloang lambusuki cinikanna, mingka kale'bakkanna anjo oloanga mangei ri kamateanga.

1 YOHANES 2:28

Jari, sikamma ana'-anakku, tuli asse're mako siagang Almasi lalang ri katallassannu, sollanna punna battui sallang, akkulle maki' andallekang mae ri Ia siagang barani; siagang tenamo nuero' accokko lanri siri'-siri'nu.

IBRANI 6:8

Mingka punna rea siagang ruku'-ruku' akkatinting wassele'na anjo buttaya, tenamo matu-matunna anjo buttaya siagang lanitunrai sallang ri Allata'ala nampa ri kala'busanna lanitunui sa'genna la'busu'.

ROMA 8:13

Nasaba' punna niturukiang ero'na sipa'-sipa' rupataua ma'nassa lamateko; mingka punna lanri koasaNa RohNa Allata'ala natuli nupamate panggaukang-panggaukang dosanu, ma'nassa lattallasakko.

ROMA 8:6

Punna nikoasai pikkirannu ri sipa'-sipa' ma'rupataua, kale'bakkanna lanugappai kamateanga. Mingka punna nikoasai pikkirannu ri RohNa Allata'ala, kale'bakkanna lanugappai katallassanga siagang passiamakkanga siagang Allata'ala.

DANIEL 12:2

Jai ri ke'nanga mateamo lattallasa' poleangi; sipa'gang lanakasiaki katallassang mannannunganga na sipa'gang pole lanakasiaki tunaya siagang kapa'risanga sa'genna todong satunggu-tungguna.

YEREMIA 17:10

INakke, Batara, ansalidiki atia, Kuso'ri pa'mai'na rupataua. Tunggala' taua laKubalasaki situru' panggaukanna siagang Kugauki situru' panggaukanna.”

PAPPICINI' 20:14

Nampa nipasambilamo Kamateanga siagang Lino Kamateanga antama' ri tamparang pepeka. (Anne tamparang pepeka, iamintu kamateang makaruaya.)

PAPPICINI' 16:6

Le'baki napassolong cera'na Umma'Na Allata'ala siagang cera'na na'bi-na'bia; kamma-kamma anne Kisuromi ke'nanga angnginung cera'. Memang siratang memang tongi anjo kammaya mae ri ke'nanga!”

1 PETRUS 4:17

Narapi'mi wattunna laNaadeli Allata'ala linoa. Na Umma' KalenNa Allata'ala laniadeli la'bi riolo. Jari punna lappakkaramula angngadeli Allata'ala ri katte, antekammami kajarianna sikamma tau tenaya natappa' ri anjo Kabara' Baji' battua ri Allata'ala?

YAKOBUS 5:20

u'rangimi anne nakanaya Kittaka: Inai-nai ampoterangi tau dorakaya mange ri oloang tojenga, iami ampasalamaki nyawana anjo tau dorakaya battu ri kamateanga siagang a'jari saba' najai dosa nipammopporang. Sallangku, Yakobus

YAKOBUS 1:15

Nampa, punna naturukimo anjo kaerokang ja'dala'na, iaminjo allassukang dosa; napunna jarre'mo anjo dosaya, iaminjo angngerang kamateang.

IBRANI 10:29

Teaimi sipato' la'bi battala'na musti hukkunganna tau angngonjo'-ngonjokangai Ana'Na Allata'ala. Napakatunai cera' passijanjianNa Allata'ala, iamintu kamateanNa Almasi antangkasiai dosana. Nahinai Roh assarea passare malammoro'.

2 KORINTUS 7:11

Alle sai cini' wassele'na si'na situruka ero'Na ri Allata'ala! Iamintu attojeng-tojengko ampakabajiki apa kodia! A'jari numusui dosaya, a'jari mallakko, a'jari nakkukko, a'jari lompoi sumanga'nu, kammayatompa rellako anghukkungi tau salaya! Ilalang yangasenna anjo nupa'buttimi ri kalennu angkanaya tena nanusala mae ri anjo passalaka.

YEHEZKIEL 43:11

Nampa punna siri'-siri'mo ke'nanga lanri sikamma panggaukanna ke'nanga, pakasingariammi ke'nanga rancanana anne BallakKu, iamintu: modele'na, sikamma pakke'bu' antama'na siagang assulu'na, susunang bangunanna, sikontu paratoranna siagang hukkung-hukkunna. Tulisi' kabusuki anjo untu' ke'nanga sollanna akkulle nacini' ke'nanga siagang naparhatikang carana angngatoroki sikamma yangasenna, kammayatompa naturuki sikontu paratoranna.

YEREMIA 31:19

Le'baki ma'boko ikambe mae ri Katte, mingka assesse'lalammi ikambe ri gau' kammana anjo. Ri le'ba'namo Kihukkung ikambe, ta'dundumi ulunna ikambe napakamma si'na. Siri'-siriki ikambe siagang a'jari tunai lanri dorakanamo ikambe ri wattu rungkana.’

YEREMIA 12:13

UmmakKu appakioroki gandung, mingka katinting nagappa. Akkareso lompoi ke'nanga, mingka tena nanggappa wassele' ri usahana ke'nanga. Teai sitapo' larroKu sa'genna sala ngaseng kattoanna ke'nanga!”

YEREMIA 8:12

He ummakKu, mustina siri'-sirikko lanri le'ba'na ngaseng nugaukang anjo apa tuna kammaya! Mingka kapala' rupako siagang tena siri'-siri'nu. Lanri kammana anjo latu'gurukko sangkamma tau maraeng le'baka tu'guru'; cappu'mi riwaya'nu punna Kuhukkungko.

YEREMIA 3:3

Lanri kammana minjo natattahang je'neka battu ri langi', siagang tena battu-battuna bosia ri wattu baraka. Sanrapangko pasundala', siagang tena siri'nu.

YESAYA 3:10

Nakana Batara, “Pabattui mae ri tau mannurukia ri Nakke angkana lamate'nei siagang lasalamaki ke'nanga. Lanakasia' bajiki ke'nanga wassele' posona.

PANGNGEBARANG 16:25

Nia' oloang lambusuki cinikanna, mingka kala'busanna anjo oloanga mangei ri kamateanga.

PANGNGEBARANG 1:31

Lanri kammana, lanukasia' ngasengi sallang kale'bakkanna sikamma panggaukang-panggaukannu siagang rancana-rancana kodinu.

PAMMUJI 73:17

Kale'bakkanna antama' ri Balla'Na Batara mae ri Allata'ala, nakupahammo antekamma kale'bakkanna sallang tau ja'dalaka.

AYUB 42:6

Lanri kammana anjo, tu'guru' siri'-sirika' punna kuu'rangi sikamma kana-kanangku na kusassala' kalengku ammempoma' lalang ri limbu'buka siagang aua.”

EZRA 9:6

Kukanamo, “O, Allata'alaku, siri'-sirika' angngangkaki ulungku ri dallekanTa. Dosa-dosana ikambe attambung-tambungi irate ri ulunna ikambe sa'genna narapi' langika.

1 KARAENG-KARAENG 2:26

Nampa nakanamo Karaeng Salomo ri Imang Abyatar, “A'lampamako mange ri kamponnu ri Anatot. Siratangko nihukkung mate, mingka anne alloa tena kulammuno, lanri siagannu ija manggeku, amminawang tongko angkasiaki sikontu kapa'risanna. Siagang nuurusu' tongi Patti ParjanjianNa Batara.”

PAOLE 21:22

“Punna nia' tau le'ba' nihukkung mate lanri a'gau' ja'dala'na, siagang nigentungi maya'na ri se'reang benteng,

PAOLE 17:6

Mingka iapa nakkulle nihukkung mate punna nia' sa'bi rua tau yareka la'bi ri ruaya tau; takkulleai nihukkung taua punna sitauji bawang a'jari sa'bi.

FILIPI 3:19

Mingka lapossoki kale'bakkanna katallassanna anjo tau kammaya; nasaba' rewata nasombaya lalang ri katallassanna ke'nanga, iamintu apa-apa nakacinnaia kalenna ke'nanga. Sangnging apa-apa appakasirikaji ba'lalo nakalompoang pa'mai' ke'nanga; nasaba' apa-apa ri iaji anne pakkalinoanga bawang nanawa-nawa ke'nanga.

AYUB 33:27

Na lanakanamo ri dallekanna tau jaia, ‘Lompoi dosaku, lanri ja'dalaka kukana baji', mingka tena Nahukkunga' Allata'ala.’

ROMA 5:12

Lanri se're tau nantama'mo dosaya ri lino, siagang battu ri iaminjo dosaya ammumba kamateanga. Iaminjo na'la'bammo kamateanga mae ri sikontu rupataua, nasaba' doraka ngasemmi rupataua.

ROMA 6:16

Maka nuassenji angkanaya punna nupassareang kalennu mae ri se'reang tau nanugaukang apa ero'na, sikontutojenna napa'jari ata mako anjo tau nuturukia ero'na? Akkulleko a'jari ata mae ri apa langngeranga mae ri kamateanga, yareka a'jari ata mannurukia mae ri Allata'ala nalanri kammana assibajiki mako ammotere' siagang Allata'ala.

2 KORINTUS 4:2

Tena nakiaccokko-cokko siagang tena nakiappakasiri' bateta anggaukangi anne jama-jamanga. Tena nakiero' jekkong anggaukangi anne jama-jamanga, yareka tena nakiero' amputara' baleki kananNa Allata'ala. Silambusu'na bawang ero'Na Allata'ala nabirittakang ikambe. Lanri kammana, naminasai ikambe nanabilang baji' ngaseng ri pa'mai'na taua anjo apa nagaukanga ikambe.