ROMA 3:20 - KITTA' MATANGKASA'

²⁰ Nasaba' tena manna sitau akkulle assibajiki siagang Allata'ala lanri nagaukanna apa-apa niaka tattulisi' lalang ri hukkung-hukkung agamaya. Ba'lalo anjo hukkung-hukkunga poro napappiassenganji bawang mae ri rupataua angkanaya ma'nassa dorakai rupataua.

ROMA 3:20 Referans Kwoze

GALATIA 2:16

Mingka niassengi angkanaya lanri tappa'na taua mae ri Isa Almasi nakkulle assibajiki ammotere' siagang Allata'ala; teai lanri nagaukanna hukkung-hukkung agamaya. Ikambe pole, tappa' tommaki' mae ri Isa Almasi; sollanta akkulle assibajiki ammotere' siagang Allata'ala tete ri anjo matappatta. Jari teai lanri kigaukanna hukkung-hukkung agamaya. Nasaba' tena manna sitau lakkulle assibajiki ammotere' siagang Allata'ala lanri nagaukanna hukkung-hukkung agamaya.

ROMA 3:28

Nasaba' bodona kana kammaminne: Nikanaya tau assibajikimo ammotere' siagang Allata'ala teai lanri nagaukanna apa-apa tattulisika lalang ri hukkung-hukkung agama Yahudia, passangalinna lanri tappa'na ri Isa Almasi.

GALATIA 2:19

Mingka le'ba'ma' mate mae ri hukkung-hukkung agamaya – iaminjo hukkung agamaya ambunoa' – sollangku akkulle attallasa' untu' Allata'ala. Le'ba'ma' nipasisalli' siagang Almasi.

ROMA 4:15

Anjo hukkung-hukkung agama Yahudia appabattu tongi hukkungang battu ri Allata'ala. Mingka ka'de' tenai anjo hukkung-hukkunga, tena tommi panggaukang andakkaiyai anjo hukkung-hukkunga.

ROMA 9:32

Angngapa natena wassele'na ke'nanga? Nasaba' tena nanagaukangi ke'nanga lanri tappa'na ri Allata'ala, passangalinna lanri usaha kalennaji ke'nanga. Jari iaminjo saba'na natu'guru' tatto'ro ke'nanga ri “Batu Pattatto'roanga”.

ROMA 5:20

KalenNa Allata'ala ampassareangi hukkung-hukkung agama Yahudia. Mingka pila' usahai rupataua anggaukangi anjo hukkung-hukkunga, pila' nadakkaimi anjo hukkung-hukkunga siagang pila' dorakami mae ri Allata'ala. Mingka pila' a'gau' dosana rupataua, pila' nikamaseang tommi ke'nanga ri Allata'ala.

ROMA 4:13

A'janjimi Allata'ala mae ri Abraham siagang sossoranna, angkanaya anne linoa la'jari warisi'nai Abraham. Na'janji kamma anjo Allata'ala teai lanri naturukinna Abraham hukkung-hukkung agama Yahudia, passangalinna lanri tappa'na mae ri Allata'ala sa'genna nitarimamo a'jari tau nikarannuang ri atinNa Allata'ala.

PAMMUJI 143:2

Inakke anne atanTa, teaKi' adelia', saba' taniakka tau tania' salana ri dallekanTa.

GALATIA 5:4

Punna erokko assibajiki ammotere' siagang Allata'ala tete ri hukkung-hukkung agamaya, battuanna a'jari tappu'mi passisambungannu siagang Almasi. Jari pantarang pangngamaseanNa mako Allata'ala attallasa'.

ROMA 5:13

Ri wattu tenanapa nanipassareangi hukkung-hukkung agama Yahudia, nia' memammi dosaya lalang lino. Mingka tena nanituntuki dosaya, lanri tenapi anjo hukkung akkullea nidakkai.

PAMMUJI 130:3

Punna tulusu' Kiu'rangi dosana ikambe, o, Batara, inai lakkulle attahang?

ROMA 2:13

Nasaba' teai lanri naassennamo taua hukkung agamana tu Yahudia nampa akkulle assibajiki ammotere' siagang Allata'ala; passangalinna lanri nagaukannamo anjo apa-apa tattulisika lalang ri anjo hukkung-hukkunga.

AYUB 15:15

Ba'lalo manna mae ri malaekaka tena todong Natappa' Allata'ala; tena natangkasa' ke'nanga ri paccini'Na.

ROMA 7:11

Nasaba' ilalammi ri anjo hukkung-hukkung agamaya angngalle kasampatang anjo dosaya antipua' siagang ambunoa'.

1 KORINTUS 15:56

Racunna kamateanga, iamintu dosaya, siagang anjo dosaya lalangi ri hukkung agamaya a'boya oloang.

IBRANI 7:19

Takkulleai hukkung agama Yahudia ampa'jari sukkuki baji'na se'rea apa-apa. Lanri kammanami anjo nakinisaremo kamma-kamma anne panrannuang la'bi bajikanganga; iaminjo patteteang nakiakkulle a'reppese' mae ri Allata'ala.